طباخات حواء تعالوا الله يسعدكم

والله ماعندي خلفيه ياغاليه ..

نفس الحاله اموووت فيها بس ماعرف اسويها

يسعدني اكون اول وحدة تكتب طريقتها وان شاء الله تعجبك

المقادير:
كيس حمص غير مطبوخ ويفضل تكون حبته كبيرة مو النوع الصغير

حزمة بقل او كراث

حزمة نعناع

حزمة بقدونس

اربع بصلات كبيرة

التتبيلة :فلفل اسود بهارات مشكلة ملح وممكن كمون لو تحبي ( انا ماحبه )



الطريقة:

ننقع الحمص ليلة كاملة في ماء ونغير مويته كل اربع ساعات عشان ماتتشكل عليه طبقه من فوق او يتعفن

بعد مرور 12 ساعة تقريبا راح يتضاعف حجم الحمص ويصير لين شويه ونبدي نشتغل فيه

نجهز ماكينة فرم اللحمة ونستخدم الريشة الصغيرة في الفرم عشان يصير الفلافل ناعم

نغسل النعناع والبقدونس وناخذ الورق منه بس ونشيل الساق عشان مايخرب الماكينة

ونبدي نطحن الحمص وكل المقادير الي فوق لين نخلص الكمية كلها ونعجنها مع بعضها كويس عشان تتجانس

راح تصير عندك خلطة لونها اخضر وريحتها تجنن راح تملي البيت


طبعا الكمية هذي كبيرة مرة تاخذي منها الي تبغيه وتفرزنين الباقي حسب الكمية الي تحسيها تكفي افراد عيلتك

انا افرزن نصف الكيس مقاس 8

وبعدين وقت الي تبغين تسوينها طلعيها من الفريزر قبلها ب3 ساعات تذوب وبعدين تتبلينها بالفلفل والبهارات والملح

وتقلينها في زيت غزير على نار بين المتوسطة والعالية وتنتظرينها تتحمر زين ولاتستعجلي تشيلينها من المقلاية اول ماتتحمر تصير خشنه من داخلها

وسوي معها بطاطس وصلصة طحينة بزبادي ولفيها في خبز مع شوية طماطم وشطة ياسلااااااااام احلى فلافل

وعليكم بالف عافيه

وعليكم السلام ورحمه الله وبركاته


الله يوفقكم ويرزقكم ويسخر لكم عباده الصالحين


والله يسخر لج زوجج وعيالج وكل من تحبين

ماقصرت الاخت عوااااافي