منو منكم يالاماراتيات حاب يتمكيج فري وبدون مقابل .... ادخلوا وشوفوا

عزيزاتي .... أول شي بعرفكم على نفسي ...

انا اسمي عائشة من الشارجة ... المكياج هواية من هواياتي من زمان وصقلت هذي الهواية بالدورات الاحترافية علشان لما اشتغل اشتغل على اساس صحيح ومب اي شي ...
بصراحة انا عندي صالون صغير في البيت - للشعر والميكب وبعد اروح لج البيت او الفندق اذا تبين
وبالنسبة للاسعار فهي مناسبة للجميع ان شاء الله ....
واي وحدة تبغي تجرب شغلي ما عليها الا انها تكلمني ... واحدد لها الموعد لاني احيانا اكون في ابوظبي ...
واذا عندكم استفسار تراني حاضرة .... واذا اي وحدة فيكم حابة تسالني عن اي شي بخصوص الميكب او رسمات العيون او شو الشي المناسب لها ترا ما يردكم الا لسانكم ... وانا حاضرة

والحين انا حابة تجربون شغلي اذا كان عندكم عرس وبدون مقابل ... اكيد بتتساءلون ليش ؟؟؟
انا بخبركم ....
انا بصراحة مكيجت عارضة بس قلت خلني اسأل شيخ في الموضوع واتصلت بالشيخ يوسف الحمادي من اوقاف الشارجة وسالته عن هذا الموضوع اللي هو الصور للعارضة قال لي ما يجوز شرعا حتى لو بتحتفظين بالصور عندج علشان تراوين الحريم وبس ....طبعا انا ما ابغي مصدر رزقي يكون فيه شي حرام فكنسلت الصور كلها ...
وقلت خلني امكيج كمن بنت من المنتدى في مناسبات عندهم وببلاش علشان يكتبون رايهم بصراحة في الميكاب ويعملون لي دعاية ... والحين اللي حابة تطلب رقمي وبطرشه لها على الخاص ...
العدد اللي باخذه هو 5 بنات ... وافضل انهم يكونون من هذا المنتدى ... وامانة انهم يكتبون رايهم بصراحة ....


يالله سارعوا بالحجز .....وفالكم طيب