جزاك الله خير اختي على هالموضوع المفيد

بالنسبة لي الحمد لله راتبي عالي ..و اوفر 3000 شهريا ..يعني سنويا = 36000

بارغم من اني احس بتانيب الضمير باني اصرف بس ما ادري على شو ..

و الحيم مشتركة بجمعية ب 1500 درهم شهريا = راح يطلعلي 15000

بافتح فيهم حساب توفير للبيبي اللي باذن الله بيشرف في شهر 5

و افكر حاليا اشتري لي عقار ..تحسبا للزمن ..بس مش عارفة كيف ارتب الموضوع و عاصرة مخي من التفكير ..بس انشاء الله باخذ راي المستشارة بالبنك

مشكووووووووووووووره و مازلت متابعه

شلووووووووووووونكم
خلاص نبتدي بالتوفير من هالشهر بما أنه شهر يناير .....(((إن شاء الله ))
وإذا وحده عندها مناسبة او واجب تقولنا عشان ندلها على شنو تأخذ هديه ولا شتسوي ((شرايكم ))
مثلاً وحده نازله بيت شتاخذين ،وحده مربي، ...إلخ


انا عن نفسي ماحب الهدايا إللي تجيني صغيره....
مثلاً انا واختي لين بنروح مع بعض نتشارك في الهديه / وانا وام زوجي بعد نفس الشي
الحين الهديه المعترفة حق وحده نازله بيت طقم صحون .....أكيد اهي شاريه لان بيجونها ضيوف
انا وام زوجي نتشارك على 250 تقريباً وناخذ حامل دلال من الاصاله وناخذ الاستكانات والفناجين معاهم .....

وخصوصاً إذا انتي وخواتج مشاء الله وايد يساعد تأخذو اكثر بدفع سعر اقل

السلام عليكم يا بنات أسمحولي والله صارت لي ظروف بما أنكم عارفين مواجيب الأعياد وعقبها مواجيب الحجاج ماشالله ما خلصنا :)

عالعموم أشوف كثير بنات قالوا أفكار حلوة خاصة وصايف قطر والله حلوة أفكارج..

بس شرايكم وحدة منكم تحط ميزانيتها الشهرية ووين تصرفها عشان نقدر نحلل الخلل فيها ونساعدها بطرق للتوفير؟؟

واللي ما عندها ولا فلس
ومو موظفه بعد
وزوجها افلس منها
ويششششش تسوي
ولك جزيل الشكر