خطيبي مو راضي يتأدب ، الي ترفع جعلها الجنه 😩💔 .

أخواتي حبيباتي كيفكم يعلم الله رغم اني مااعرفكم الا اني ماصرت احب أفضفض الا هنا وأخذ رأيكم .. المهم بخش في الموضوع على طول
طبعا كان ودي احط رابط الموضوعين الي قبل عشان الي حابه تنصح وترد تفهم الموضوع تمام
لكن ماعرفت الموضوعين هي ( بنتكم واختكم محتاجاكم ، وزواجي عن حب ) الخلاصه اني
عجزت وتعبت وفاض بيا خلاص مع ذا الانسان
ماني قادره افهم ايش يبغى الي صار انه ليا كم يوم مطنشاه وأمس قلت خلاص عيب خليني ألطف الجو واكلمه رحت زواج ولما رجعت قلت خليني احكيه ايش صار ومنها أطيح الحطب وخلاص
خشيت الواتس كتبت له اليوم صحبات امك
سألو عني ونادتني امي اسلم يبغو يشوفوني
قام قال طيب ويعني ! قلت مافي شي بس حابين يشوفو ذوقك 😍 ، قال انا م ابغى احد يتدخل عاد فيا قلت دحين مين أتدخل !! قام فتح موضوع قديم
مرا شتمني وقلت لبنت خالتي انا خايفه اندم
قام رجع ذا الموضوع قلت له ايش دخل الموضوع ذا دحين جالس تفتح مواضيع قديمه قلي لا بس قهرني كلامك المهم انا خلاص ببكي ماني عارفه ايش الداعي الموضوع له اكثر من شهر قام يرجع لي كلامي انتي قلتي لبنت خالتك انا خليتو قدامكم ملاك جلس يقول بس انا ماني ملاك ليش تقولي كذا وليش وليش قلت له لانه وقتها شتمتني ولسانك طول بزيادا وقلت كلام انتا ماترضاه ل اخواتك المهم طفح الكيل منه قلت له أسمعني اذا انتا تبغى سبب عشان تفسخ انا اقولك ذا السبب ويلا روح بسلامتك الي عيشني الايام الي فاتت من غيرك يعيشني العمر كله قلي والله م ابغاه سبب ولاشي بس اوك خليك قد كلامك قلت له انا قد كلامي وانتا شايف مين الي يرجع قلي اموت فيك وانتي كذا احب اشوف اوسخ ماعندك قلت له انا اعطيتك الف فرصه لكن دحين خلاص اذا حسيت نفسك صرت رجال وقادر تسعدني تعرف بيتنا فمان الله وعملت حظر واتس وحظر مكالمات ، كل مرا أسامح واتنازل عشان م أخسر كل الي عملناه ابغى نصايحكم والله عقلي مشتت محتاجه اي كلمه تقوييني وادا انا غلطانه قولولي انا صغيرا وماني عارفه أتصرف
يعلم الله مالي غيركم ؛(