انا اموووووووووووت بالطبخ واحب اقرا الطبخ وادور كل جديد بس مشكلتي مو دايم اضبطهم :(

الثقة ثم الثقة
خليك واثقة من نفسك وبعدين ترى الناس مزاجات مثلا زوجي أول كان يحب الكبسة فيها شوي موية مانشفت الله يديم النعمة
بس عودته على الكبسة النثرية لأنه لايمكن أكل رز رابص بالموية
عشان كذا يمكن زوجك ساكت الشي عاجبه أو انه يشوف انه اوكي عادي ينوكل
زوجي ماكان يحب البيتزا حتى وهي من بيتزا هوت بس يوم سويتها كذا مرة ما اكل منها والسبب لأنه مايحب الجنة السايحة
فلماحطيتها بالثلاجة لأنه باقي منها كثير جا بالليل وهو جوعان فتح باب الثلاجة وقال مافيه شي يوكل قلت مافيه الا البيتزا
وطلعها وذاقها وجلس يلغ فيها وقلت مو انت ماتحب البيتزا قال ايه بس وهي باردة لها نكهة خاصة
شفتي هو الطبخ نفس والناس مزاجات في المذاق
بس طبعاً الطبخ السنع والمضبط مايختلف عليه أثنين

اهم شي تكوني واثقه من حالك
بعدين لا تستعجلي على الكشنه او اي شي انتي تسويه
حاولي كل شي ياخذ وقته علشان يتسبك معك الاكل
اذا احتجتي اي شي كتبي لنا وماراح احد يبخل عليك
الله يوفقك

الله يعينك بس حاولي واشتري كتاب مبدعات عالم حواء:)

ابدأي معانا ومحد بيخليك

اكتبي المشكلة اللي توهقتي عندها وان شاء الله الجميع بيساعدوكِ