أفضل ماركة سرير للأطفال..وش رايكم بسراير "آيكيــا"؟

يليت ايكيا عندنا كان رحت وقلتلك الراي الزين ..

انا من الدمام وما سمعت ان ايكيا موجود يا زينه ذا المحل ..

فيه سراير بيبي شوب اغلبها قويه لون خشبها رايق بصراحه ..

هلا وغلا اختي ICY

بصراحة متشجعة كثير اشتري سرير البيبي من آيكيــــا.. توني دخلت موقعهم عالنت، وشفت ان عندهم فرعين بالسعودية، الأول في الرياض، والثاني في جدة ـ شارع التحلية..

شكرا على مرورك يالغالية..

أختي أنغام قلبه
انا ما عندي فكرة عن الموضوع وأتمنى من الأخوات ما يبخلون عليج بنصايحهم
لكن ياليت ترسليلي موقعهم عالخاص وأكون ممنونة لج :)
وشكراً
:26:

هلا أختي أنا ما جربتها بس سراير ايكيا فعلا عمليه والحلو فيها انها

1-ساده. تتناسب مع اي ديكور تختارينه

2-ارتفاعها مناسب ومرنه في الفتح وتسهل عليج الحركه في حمل ووضع البيبي

وترومين تنسقين الرفوف والادراج نفس تنسيقهم في المحل بدون صدعة الراس

شي محلات ثانيه حبيت أفيدج بها

ألينا بيبي دريم.. عندهم سراير حلوه وعمليه وبألوان مختلفه بس شوي أغلى عن ايكيا وبيبي شوب

هومز ار اس بعد عندهم تشكيله تشابه ايكيا

بالتوفيق :)

هلا وغلا اختي الأريج ومشكورة على مرورج.. طرشت لج موقع آيكيـــا على الرسايل الخاصة..