خواتي السنعات :42: اليوم جايبه لكم طريقتي في عمل بنت الصحن وهي اكله يمنيه اتمنى تعجبكم وقد حطوها البنات وما قصروا في ملف الاكل اليمني
بسم الله نبدأ
المقادير
ترى ما اسوي شي بالمعايير واخليها على البركه :42: بس اذا تبغوا مقادير ممكن اقولكم
خميرة جافة ملعقه صغيره
ماء دافئ
3 كوب دقيق عادي
ملعقة صغيرة من املح
2 بيضات
اربع ملاعق اكل سمنه ساخنة (يعني سايحه شويه ودافيه ) عن نفسي استخدم سمنه فارم
كمان خمس ملاعق اكل سمنه دافيه شويه لحالهم
حبه البركه(الحبه السوداء)
للوجه**
حبه بيض مع شويه حب البركه
الطريقه **
نعجن المقادير كلها على بعض وبعد ما تتكون العجينه نسكب عليها السمنه الدافيه ونعجن مره ثانيه
لمده خمس دقائق لحد ما تتماسك العجنه وتكون لا لينه ولا طريه مره
ونغطيها ونخليها تتخمر لمده ساعه تقريبا
وبعد ما تتخمر نقطعها كرات صغيره زي كذاانا اسوي للصحن الواحد حوالى 6 او 7 طبقات
وخلى السمنه وحبه البركه جنبك
بعدين نأخذ العجينه على واحده واحده ونقوم بفرد اول قطعه وبعدين نفرده بيدنا زي كذا
ونفردها في صينيه مدهونه بالسمن وهذي صوره اول طبقه كيف تكون مفروده على الصينيه واثبتها على الاطراف باطراف اصابعب وبعدين ارش عليها شويه من السمنه السايحه وشويه حبه سوداء
وهذا بعد ما سويت كل الطبقات وباقي الاخيره بس
وفي حريم يحبوا الوجه بالبيض مع السمسم وفي كمان اللى يدهنوه بالحليب السائل بس
وخلى العجينه شويه حق 5 دقائق وبعدين دخليها الفرن وسويها من تحت وبعدين من فوق وهذي
صورتها بعد ما استوت:) ورشوا عليها العسل وشويه سمن بري وممممممم على الطعم
في ناس يقطعوها مثلثات او اي شكل يحبوه وفي ناس يأكلوها كذا
وهذي مخصوص لابو الشباب لانه يحب البيض زياده على الوجه :26:
وبالعافيه على قلوبكم :26:
ملاحظه ***
ترى تعبت وانا انزل الموضوع لكم :09: واللى تنقله والا شي عادي لاني ما حطيت حتى اسمي على الصور
بس ها تقول منقول على الاقل :42::26: