كيفكم ياحلوات
اول مره ادخل هذا القسم واكتب موضوع هنا
المهم ما اطول عليكم
انا من 14 سنه اعاني من تساقط الشعر المخيف
وكمان صار راسي مصلع
يعني مقدمة الراس صلعه باااينه
وكمان شعري كانه شوشه شوي ومنفوش من قلته
جربت زيوت وثوم ورشاد و.. و.. و.. الخ
كل شي يوصفون فيه استخدمه ومافيه امل
قبل سنه رحت لدكتور ممتاز مره مره وشرحت له حالتي
سوالي تحاليل كل شي سليم الحمد لله
بس صرف لي علاج عادي جدا اللي هو فيتامين
واستخدمته شعري كثر بس ماوقف تساقط
حملت وتركته
من الشهر السابع في الحمل صرف لي حبوب حديد اللي هي
فـــــروز
واستخدمتها ويااربي شعري وقف تساقط وكمان كثر ماشاء الله
ولدت وتركتها
بعد 4 شهور من الولاده بدا يتساقط بشكل مخيف يالطيف
صلعت با اسبوع
رجعت لدكتور ووصف لي حديد اللي هو فروز
والله والله وعلى ما اقول شهيد انه خف التساقط من ثالث يوم استخدام وخامس يوم وقف نهائي التساقط يمكن باليوم تطيح 5 او 6 شعرات بس
واحس بدا يكثر
الحين لي اسبوعين مستمره فيها شعري بدا يغلظ والكل ملاحظ
اكل حبه وحده باليوم
مره حلوه وناسبتني
والله هذي تجربتي وان شاء الله تستفيدون
وهذي صور الحبوب يا حلوات
وهذا سعرها
