عزيزتي انتي ادورين ورا زوجج الزله .. وهذا ممكن يطفره في المستقبل " بعيد الشر عنكم "

بس لاوم تنتيهين عدل

زوجج صريح وياج وهذا الي لقيته في كلامج

لا تخلين ابليس يخرب بينكم

زوجج يحبج ويعزج .. واعترافه باللغلط والندم عليه شي نادر بين ريايل هالايام
انتي في نعمه تحسدج الكثير عليها

حافظي على بيتج ووزوجج وعيالج

وسعي صدرج وكبري عقلج

وبإذن واحد أحد تنحل مشكله الشك

الله يعينك

حاولي انك تشغلين زوجك بمسؤوليات وامور تلهيه عن ربعه

وعن مقاهي النت

يعني مرة زيارات لاهل ومرة تسوق ومرة ياخذ عن الاولاد وغيرها

السلام عليكم

ياحبيبتي .. الشك مؤلم .. وبتتعبين.. وبتتعذبين.. وماراح ترتاحين الا اذا ؟؟؟؟؟؟؟

لذلك ياقلبي لاتكونين دافع لزوجك علشان يتركك ويدور غيرك بالحلال او بالحرام

هو غلط مره .. ومن زماااااااان... انسي ياقلبي

واذا على بطاقات سوا .. صديقتك ماعندها سالفه .. او مو فاهمه ..

لان البطاقه يكتبون عليها حق وقت طوووويل .. يمكن سنتين .. فهمتي قصدي !!

و مدامك ما كفشتيه يكلم او يغازل ... شتبين منه؟ وتشتكين له بعد؟ تبينه يغازل يعني علشان ترتاحين وتتأكدين ؟

ياقلبي لاتزعلين من كلامي بس والله احسك تخربين حياتك بيدك

شوفي حبيبتي
اوعدي نفسك تنسين كل شي ... وثقي بزووووجك ..الثقه اهم شي

وحطي في بالك انه حتى لو كان يعرف غيرك .. محترمك ومقدرك وحريص انك ماتعرفين

ياحبيبتي شوفي مشاكل الاخوات اللي هنا وتهوووون مشكلتك

اللي متزوج بالسر واللي يخونها واللي يغازل شغالتها !!!
انا ما اتشمت بس اذكرك علشان تقتنعين وتتركين هالاوهام

افتحي صفحه جديده
اوعدي نفسك تتركين الشك
انسي الماضي

والله يوفقك دنيا و آخره

عزيزتي,
طبعاً أنا عارفة أنه الموضوع بالنسبة إلك صعب كثير وزي ما بيقول المثل عنا اللي تحت العصي مش مثل الله بيعد فيهم. بس عن جد صدقيني مجرد أنه زوجك ما عم يتبجح بالغلط وبيحاول أنه يصالحك دايماً وأنه ما تزعلي هذا شي مهم كثير. لأنه في رجال بيقولوا هذا اللي موجود عنا عاجبك على هيك حياك الله مو عاجبك أنت حرة.
وبصراحة بهذه الطريقة بتصيري مضطرة إنك تتحملي مشان ولادك على الأقل وأنت مقهورة ورح تموتي من القهر.
بس هو كثير محافظ على شعورك وهذا اهم شيء وبعدين الرجال عندهم نزوات كثيرة وبصراحة وعن تجربة أحسن شي ما تفتشي وراء جوزك لأنه ما رح تجيبي إلا الهم لحالك ولعائلتك بس هو لما يحس إنك منيحة معاه وما عم بتدققي هو بيستخطء حاله وبيرجع لإلك ولأولاده

معقولة هالشك اللي انتي فيه والله انه زوجك باين انه عنده ذوق وبعدين هو مسافر بدل ماتخلينه يشتاق لك ولردته للبيت تنكدين عليه ؟؟ والله انك بتكرهينه في البيت وفي طبعك ومحد خالي من الزلات عطيه الثقة والأمان عشان يكون صريح معاكي ومايسوي شي من وراكي ولا تفتشين في أغراضه وسكري هالباب اللي مايجي وراه الا المشاكل والحمدلله زوجك باين انه يحبك ويحترمك ماشاءالله . والله هذا ابليس ينفخ في راسك وانتي مودارية اتعوذي منه واستعدي لردة زوجك الله يجيبه بالسلامة وعوضيه عن اللي صار ولا تردين تحنين على الموضوع وتدخلينها مرة ثانية في باله الله يهديكم ويصلحكم ويهنيكم .