افضفض لعل وعسى ارتاح ..

السلام عليكم...
اخواتي ابغى افضفض لكم شوي .. حاسه ب ضيقه وتشتت ..

بنات تخيلوا .. زوجي احيانا يقول كلام م يدخل الراس ويحاول غصب يقنعك ويبغاك الا غصب تقولين له صح كلامك حتى لو كان غلط ..
بقولكم كيف ..
انا من فتره نزلت السوق واخذت لي اغراض ونسيت اخذ لي ملابس داخليه احتاجها بعد الولاده إن شاء الله ..
قلت لزوجي ودني السوق اخذ اي بس الاغراض اللي ابغاهم واطلع قال خذي من عند امي او زوجة اخوي بالله علييييكم هل كلامه صحيح اروح اخذ ملابس داخليه من عند امه .. قلت ي حبيبي الملابس الداخليه شخصيه مو الكل يستخدمه يقول انا اشوف اختي تستخدم حق امي قلت انت ايش دراك ويقول اختي ف ولادتها ماسوت كذا وانتي متكبره .. المهم يبغى يقنعني ب اي طريقه حتى لو هو على غلط ..
قبل امس امه قالت له ودني السوق هو كان برى اتصل علي قال امي بتروح مكان اذا بتروحين انزلي قلت طيب المهم نزل امه السوق توقعت انه بينزلني اخذ اغراضي بس مانزلني قال لامه انا بروح ممشى اذا خلصتو دقو علي قالت حماتي ليش زوجتك ماتنزل قال لا .. بعدين قالي زوجي قلتي لامي تاخذ اغراضك قلت لاااا انا غبيه اقول لامك تاخذ لي اغراض شخصيه قال اعوذ بالله ليش تردين علي كذا قلت من جد كيف اقولها قال انا كلامي يمشي والا انتي قلت انا م قلت شئ غلط قال انا كلامي يمشي والا انتي وعصب قلت خلاص كلامك انت انا اسفه ..وجلست ابكي ف السياره ونزلنا الممشى وعيوني مغطيته وامشي وابكي غصب عني جالسه امشي .. المهم رجعنا لامه واخذناه من السوق وزوجي كم مره كرر كلمة انا صاير سواق عندكم امه قالت ماتقول كلمه تفتح النفس اذا سويت شي سوه لوجه الله وهي صادقه لا تقعد تمن يعني .. بعدين قالت له وقف عند البقاله خذ لنا خبز زوجي قال ((((الواحد وقت الجوع عقله يجي ف راسه)))) انا انلحس مخي قلت وش هالكلام اللي جالس يقوله ماله معنى امه قالت والله اني شايله هم العيال اكثر من نفسي وماني مهتمه ف نفسي والواحد يبغى يصوم زوجي وين المشكله بنجيب ف المغرب خبز المهم المهم بعد كلام كثير وقف عند البقاله وجلس يكمل وانا جالسه وراه وقاعده اضربه على كتفه انه يسكت ماسكت يهرج ع الفاضي بعدين م قدرت اتحمل قلت انت غلطان كلامك كله غلط وانت اول واحد لما تجوع تفقد عقلك كيف تقول هالكلام قال الحين كلكم صرتو ضدي انا ماقلت شي غلط قلت لا انت غلطان وصلنا البيت وجلست اقوله انت غلطان تسوي هالحركات يقول ماقلت شئئ غلط قلت ليش بهالتصرفات تكره امك والناس فيك وتكرهني امك بسبتك قال عادي امي تحبني ماتزعل قلت انت غلطان ولاتقول بكره اراضيها لانك ماتدري تعيش بكره او لا انا ابغى سمعته تكون طيبه بس هو الله يهديه .. وجلست اتناقش ف هالموضوع ساعه واعطيه امثله واقول تخيل وحط نفسك ف مكان كذا وكذا قلت امك ممكن تتحملك بس بنت الناس ماتتحملك انت دايم كذا قال الله يستر عليها تروح قلت بس هي تبغى تلقى حل معاك مو تروح لان الزواج مو لعب يوم يومين .. وهو ماشي على هواه يقول انا ماغلطت دااااايم وكثييييير يمدح نفسه واهله واحنا الصح والناس هم الغلط انا اقوله لاتمدح نفسك مو زين .. بس لاحياة لمن تنادي ونام وقام راح دوامه ورجع انا عادي اكلمه يقول ماعندك اليوم امثله بعد قلت لا من اليوم ورايح بكون صريحه معاك قال ايوه خليك كذا .. المهم انا كنت ضايقه بصراحه هو ملقوف شوي تخيلو اروح حمام الله يكرمكم يقول انا اشوفك وش تسوين في مكان فيه فتحه ف الباب يشوفني منها انا انقهرت .. قلت هنا الواحد ابد ماعنده خصوصيه .. ورحت اتسبح وانا جالسه اغطي نفسي واسوي اشياء ما ابغى يشوفني بالله هذي حاله ؟؟؟ ويدق علي باب الحمام وطلعت قلت انت ليش تدق الباب قال احسب مافي احد .. جلست شوي افكر ف وضعي قلت انا بعد نفاسي ابغى اجي على بيتي على طول واذا ما تقدر انا اساعدك قال لاتفتحين معاي موضوع يسبب حساسيه وسكتت وبعدها قعدت امشط شعري وشعري بدا يتقطع من كثر لبس الطرحه والكتمه قال تعالي سوي لي مساج قلت انا تعبانه ابغى احد يسوي لي مساج .. قال الله يلعن ردك اللي مثل جزمتك انا م رديت سكتت ونام جيت الصباح قومته لدوامه وسويت له مساج وقال نامي انا بقوم ونمت ورجع من دوامه اضحك معاه وعادي ماكأن صار شئ وجلست اسولف عادي فجاءه قال اليوم بعد م عندك امثله قلت لا قلت ليش تحب تدور مشاكل قال هالمره بضربك قلت انا بعد بضربك عادي امزح معاه قال واحد من اصحابي يقول زوجتي ماسمعت كلامي وضربتها كسرت يدها وبعده عقلت وانا بعد بضربك يمكن تعقلين وانا ماخذه الموضوع مزح اقول اشتكي عليك ومابجلس معاك قال ماشفتي شئ وجلس يرش علي مويه وارش عليه بعدين جتء مسكني من عند كتوفي بقوه تعورت قال اهجدي قلت وخر واضحك معاه احسبه يمزح بعدين قفل الباب اخذ السلك وانا فتحت الباب وطلعت من الغرفه احسبه يمزح ورجعت وضربي ب السلك قلت اح وضربني ثاني مره قلت وخر عورتني وضربني وبكيت بنات انا ما بكيت من الالم كثر مابكيت انه يضربني وانا على هالحال قلبي بكى قبل عيني تخيلو امسك يده تبكي اقول عورتني ويكمل يقول اهجدي والله يا بنات وهو يضربني انا جلست اتحسب على صاحبه ورحت توضيت وصليت ودعيت ف سجودي على صاحبه وكملت ساعه واردد حسبي الله عليه قلت في نفسي اذا هو مشتكي لصاحبه ليش ماقال زوجتي حامل وقرب ولادتها يمكن نفسيتها تعبانه شوي وربي يابنات اني خايفه من الولاده مره لاني بكريه قلت ليش ما قاله ان زوجتي وضعها كذا وكذا ف البيت عشان يعطيه نصايحه حسبي الله عليه نصحه ب الضرب ويقول هو شيخ اي شيخ ويقولك اضربها .. المهم انا الحين مره متألمه منه قلت بسوي الواجبات اللي علي بس خلاص ما بكلمه مثل اول وبتغير حتى ان جاتني الولاده بجلس ف غرفتي واقفل علي ومابعلم احد ويصير اللي يصير .. لان مانفع معاه النقاش والحديث نسيت شئ ثاني تدرون يا بنات انه مايذكر ابد خير اهلي يقول ابوك ماعرف يربيكم اخوانك اغبياء امك فوضويه وغيره وغيره بعدها خلااااص ماعاد صرت اجيب سيرة اهلي وهو يحاول يعرف شئ بس خلاص تغيرت والحين بعد افكر اسوي كذا اني خلاص ما اعطيه اي اعتبار .. لانه من جد تعبني