طريقه رش البيت

السلام عليكم
من فترة كنت اتابع برامج رقيه كثير ومرة شفت مقطع لشيخ ينصح برش المنزل بماء يقرأ عليه (7مرات الفاتحه،7مرات اول البقره ،7مرات ايه واتبعوا ماتتلوا الشياطين على ملك سليمان،7مرات ايه الكرسي،7مرات اواخر البقره،7مرات الاخلاص،7المعوذتين) مع ملح خشن وقليل من ماء الورد
قلت خل ارش البيت مو خسرانه شي واذا في شي راح يطلع
خلي اعطيكم نبذه عن بيتنا جديد ومافيه حشرات انا لما بديت ارش البيت ماعدا الحمام وانتوا بكرامه
صار يطلع حشرات تشبه شكل الصراصير وصغيره بالاماكن اللي ارش فيها فقط واكثر شي طلع بغرفتي
تخيلوا الحمام ماطلع فيه الحشرات اللي اتكلم عنها
استمريت بالرش لان سمعت هذي علامه تبشر بالخير تطلع الحشرات هذي شر وقعد يطلع الحين ارش ماقعد يطلع شي الحمدالله ومع هذا مستمره
حبيت انصح كل اخت هنا تسوي مثلي مو خسرانه شي
مع تحصين بيتك وعيالك رشي بيتك ومع الرش كوني محصنه وقولي بسم الله وانتي ترشين البيت
المهم الخوات اللي ترش بيتها ياريت تقول شنو صار معاها بعد مارشت البيت