ساعدوني علشان اصير حلوة

اختي بكلامك هذا كلة ما تكلمتي عن نفسك ولا بشي واحد ايجابي ...., حبي نفسك يحبك الاخرين

وخلي ثقتك بنفسك كبيرة

ولي عودة ان شاء الله .....

وووووووووووووجع شلون تقولين جذيه عن نفسج

انت شلج بالناااس طنشى وعيشى حياااتج ولا احد يهمج

واذا على الجماال كلناا فينا عيوب بس ماتشكل هااجس عندناااا

وترا الاهتماام بالنفس يبيله وووقت

اولااا مشكلة الحبوب


رتن اى فوايده= يزيل التجاعيد السطحيه والحبوب يصفى الوجه ويحليهاا ورديه والاهم طبى ورخيص

بس ماتحطينه الا بالليل وتحطين كريم حماايه قوى الصبح وانصحج بواحد كتبو عنه البناات اس فى ار


قناع الحلبه والروب والليمون رووووعه عن تجربه

قناع يشد الوجه شد المره


شعرج=للكثافه زيت الخردل

ودابر املاااا استمرى عليه


جسمج =اغلى ورق عنب بعد كل وجبه اشربي المغلى تنقصين 8 كيلو دون رجيم والعهده على لراوى

بعد كل وجبه اكل ملغقه خل تفاح بقلاص ماى باارد يجنن تجربه ماتزيدين ولا كيلو ان شاء الله

اشربى دايم عصير اناناس وكيوى وعصير ليمون مع بعض يحرق الدهوون


المشى لمده نص ساعه بس يضبط شكل الجسم ونط الحبل 50 مره


والمشيه حطى كتااب على راسك وامشى يعدل قواامك ومشيتك


واااى تعبت ودى انصحج بعد بس تعبت ادعلى اتوفق بحيااتى

السلام عليكم ورحمة الله وبركاته..

اختي الغاليه اويلاااه

أولا : قولي الحمدلله على كل حال والحمدلله على الصحه والعافيه حبيبتي صحيح إن الجمال شي مطلوب ولكنه مو دايم ااهم شي عززي ثقـــتك في نفســك... حبيبتي الغاليه محد كامل وكلنا فينا عيوب الدنيـا ولكن نحـاول نعدل بانفسنا عشان نوصل لنص اللي نبيـه بالصبر وطولة البــال.. وبالنسـبه لكـلام الناس ارميه ورا ظهــرك وخليك واثقه ولايهمـك شي واي كلمه تسمعينها طنشيها ولاكنــك سامعتها.. بالنسبه للإهتمام انا راح اعطيـــك اشياء بسيطه وموجوده بكل بيت وعن تجررربه بس لازمـ تكون عندك إراده وعزيـمه وثقه بالله اولأ بــــان كل شي راح يتغير للاحســـن وتــفاؤل لإنــك توك في عــز شبــابك وتقدريـن بصحتك وعافيــتك تحقيقـــين كل الي تبينــه وللنفســيه دووور كبير في الجمال لازم تكونين مرتاحه نفسيا وراضيه بنفسك ومقتنعه عشان تكونين حلوه اهم شي ارضي بنفسك واكيد انتي حلوه والله بس لو تثقين شوي بنفسك تصيرين احلى من القمر ..

بالنســبه للشعــر:
اذا كنتي تستعملين الحــنا سوي لك بـرنامج كل اسبـوع مـره ( إذا كنتي فاضيه) مثلا تحددين يوم بالاسبوع يكون مو يوم عطله عشان ماترتبطين باحد او طلعه او مسيار فهمتي وتواضبين عليها وبعد الحـنـا لازم تدهنين شعرك بأي زيت تستعملينه انتي اووو ااذا تبين شعرك يكثر انا قريت عن طريقة: تجيبين جرجير وتغسلينه وبعدين تحطين كميه من الزيت اي زيت كنتي تستعملينه او زيت زيتون مثلا وبعد ماتخلطينه تصفيـنه عن الجرجير وتاخذين بس الزيت وتحطينه يوم وترك على شعرك وشوفي النتايج واذا تبين نتايج سريعه جيبي ( كــامينو موتو) ب 90 ريال يكثر الشعر ويطوله باول شهر يطول شعرك شبر.. طبعا الاكل يساعد مثلا عصير الجزر بالبيت حلوو يمدحونه للشعر وانتي اختاري اللي يناسبك ويكون عندك جربيه مو يوم والا اسبوع وتقولين مافادني لاااااااا يبيله صبررررر..

نجي للبشــره:
عندك الثلااجه خخخخ والله ماامزح يالغاليه حددي لك قناع معين قبل ماتسبحين تحطينه
مثلاا روب مع خيار< روووعه انا مجربته ومن اول يوم تحسين بنضاره
طماط زين للبشره اللي فيها حب
عسل وروب حلو حيل بعد ( روب) زبادي
المّره: منقوع المره يصفي البشره لو تشربين منها او تمسحين وجهك بقطنه يوميا تشوفين النتايج
نقطتين من عصير البرتقال مع معلقة نيدو او اي حليب عندك بعد رووووعه..
بالنسبه للصابون ماادري انا استعمل البابايا مع كريم ترطيب من نايتروجيناا ومع الاقنعه بشرتي صارت زينـه..
تغسلين الوجه بالماي الباارد رووووعه<- جربته وفايدته هي تنشيط الدوره الدمويه وتخلي البشره ورديه..
بالنسبه للجسم :
كثري من شرب الماي قد ماتقدرين واذا كنتي من اللي يقعدون عالنت استغلي هالشغله وجيبي سطل خخخ جيبي عبلة ماي صحه وحطي جنبك وكل ماخلص عبيها واشربي<-- تسويها دايماا
اذا تبين تتسبحين جيبي نص كوب سكر واعصري ليمونه عليها وحطي ملعقة زيت زيتون وافركي جسمك طبعا بعد ماتفركين بالليفه حطي هذا القناع وشوفي النعومه والنضاره <- عن تجربه
واسويها كل ماااروح اتسبح بس مرات اتكسل يعني كل اسبوع مره او مرتين على حسب الحاله
وبعد استعمل صابون الغار وابعدي عن سائل الاستحمام اللي من لوكس او دووف لانه تسمرر وتيبس الجلد واستعملي صابون الغار واذا قدرتي جيبي صابون الطااووس سمعت انه يرطب الجسم وينعمه ماقد جربته طبعاا الملح حلووووووووووووو حيل للجسم لما تخلصين من الفرك وقبل ماتطلعين جيبي ملح خشن وانقعي بالماي ولما تحسين انه ذاب صبي على كل جسمك يبيض ويشد وينظف عن تجربه <<..

بالنسبــه للإسنان:
حاولي تقللين من الشاي والقهوه<- ادري ماتقدرين بس خففي .. وجيبي قطعة ليمونه وافركي اسنانك فيها بس مو تعورين نفسك شوي شوي يعني هذي تبيض واكل الفراوله يبيض الاسنان بعد وشنووو بعد ياااربي ايه وفي معجون تقريبا اسمه اميل انا جربته حلوو واخذته من هالمنتدى وسعره رخيص يمكن عندكم بتسعه ريال يمكن ..

بالنسبه للتخسيس:
اشربي ميراميه اختي جربتها قبل عرسها ضعفت وانا جربتها مع اني مو سمينه بس كنت ابي بطني تختفي<-- بني آدم طماع وجحــود
بس ضعفتني يعني انتي اشربي يوم وترك وامشي يومياا لووو ساعه باليوم تكفي وحاولي تركضين منها تستانسين ومنها تضيعين من وزنك شوي واذا ترقصين يكون احسن <-- شغاله رقص هههههههه
وانسسسسسسسسسسسي ان فيك شي ماانتي حابته صدقيني هو راح يتغير مع الاهتمام والتنظيييييم واهم شي ياعمري الثقه بالله والنفس والناس خليهم ورا ظهرك ارضاء الناس غايه لاتدررك وبالنسبه شلون تصيرين رزه اهم شي لاتتصنعين وخليك طبيعيه وخلي كلامك لبق مع الناس ولاتعطين لاحد بال ولاتسمعين للي يجي يوصل لك حكي يقول فلانه قالت عنك كذا وعلانه قالت كذا لاتعطين مجال لاحد ينقل لك كلام واذا نقلو قولي الله يستر عليهم وبليز لاتجيبون لي سوالف من احد اللي يبي يتكلم خلوه يتكلم قدامي وخليك قوية شخصيه وابدا لاتبينن لهم انك متضايقه وخليك عاديه وابتسمي وارفعي راسك واذا مشيتي حاولي تعدلين بمشيتك ترى كلنا نعاني من هالشي مو بس انتي انا ظهري منكسر من كثر ماني منحنيه بس احاول اعدل وكل ماانسي اقول لخواتي ذكروني وانتي سوي نفسي ادري كثرت كلام بس وربي لاني حبيت اساااااااااااعدك وابي مصلحتك واي شي تبينه مني اي من اي احد لايردك الا كيبوررردك وان شاءالله تجين بعد اسبوع نلقااك متغيره للاحسسسن يارب ومثل ماقلتلك الصبر حلو والله يرزقك بالزوج الصالح اللي يحفظك ويكون لك قرة عيـــــــــــــــن يااالله ياااكريم<- دعوه بنص الفجر ان شاءالله مستجابه قووووووووووووولووووووووو آميييييييييييييييين

أختك تـــســوووواهـــن

حلو الي عجبني المرمرية بجربه ان شاء الله
يختي وش اسوي لازم اكون صريحة واقولكم الي فيني علشان تنصحوني
والله يحقق امانيكم

فينك اخت اويلاه بشريني عنك
شوفي اهم شي ثقتك بنفسك والله محد يقدر يقول عنك ولاكلمه ....................
صدقيني
وغير كيذا لاتكبري الموضوع ابد كل الي عليك انك تنقصي من وزنك شوي وهاذي اول خطوه تسويها لان الرشاقه تخلي الوحده شكلها حلو ومرتب وانيق
ومن ناحيه الاسنان زي ماقالولك خواتي ابتعدي اقل شي عن المنبهات وافركيها بليمون وهذي الطريقه معروفه
والله اني اعتبرك زي اختي واستحمليني شوي
اول شي انتي لازم تحترمي ذاتك وذاتك معناه نفسك او شخصك لان احترام الذات يتعلق باالطريقه التي تحكمي بيها على نفسك يعني حاولي قدر الاستطاع انك تبعدي عن نفسك الكلام السلبي والخاطئ لاتقولي انا ماني حلوه ولا ماني راضيه عن نفسي ولاتقعدي تأنبي نفسك علشان ناس اخرين او عشان فلانه وفلتانه لان صدقيني لو حاولتي تغيري نفسك للاحسن عشان احد ثاني او عشان احد يقولك انتي حلوه او انتيء شخصيه ماراح تقدري تكملي طريقك وراح تحبطي وانا اتكلم بجد خلي كل شي تسويه على شانك انتي عشان تكوني راضيه عن نفسك ووضميرك مرتاح

وللاسف هناك ناس عندها اعتقاد خاطئ ان بان الظهر او الشكل الخارجي هو الي يعزز من الواحد احترام لذاته ونفسه وهذا طبعا اكيد غلط ميه باالميه

وهذي بعض الطرق عشان يزداد تقديرك لذاتك
اولا:امني باجمالك الداخلي يعني لاتعطي لنفسك شعور انك منتي حلوه او انك ان سانه سلبيه ابد بل بل العكس انظري لنفسك على انك انسانه مميزه لكي ايجابيات حاولي تفكري في الاشاء الحلوه عندك الاشياء الايجابيه الي عندك ولاتنسي ان الي خلقك اعضم الخالقين وان لخلقك حكمه

واهم شي لازم تعرفيه ان الجمال ماراح يسوي لكي اي شخصيه او هيبه او رزه

واول شي عشان تكوني رزه او شخصيه وان قوه شخصيتك تنبع من قوه تفكيرك لا تنظري بنظرة دونية إلى نفسك وفكري دائما انك امرأة رائعة فهذا التفكير الإيجابي يجعل كل المحيطين بك يفكرون عنك بنفس الطريقة.
=======================
تخلصي من سلبياتك يعني خلي لكي يوم مثلا واقعدي مع نفسك واكتبي كل السلبيات الي عندك في ورقه وبعد كيذا اكتبي كل ايجابياتك وقارني بيها فهمتي علي يعني مثلا

نبداء باالسلبيات الي عندك
بشرتك كلها حب شباب======عندك المنتدى طول بعرض ماشالله مليان خلطات اهم شي تنظيف البشره وتقشيرها هذا ماشاء الله يزبط لك البشره
اسنانك صفرا =======زي ماقلنا ممكن تقلعي عن المنبهات واستخدام الليمون ومبيض الاسنان
شعرك قليل =========اول سبب حالتك النفسيه ذي ابتعدي عن الضغوط النفسيه حاولي واكلي اكل صحي وبعدين شوفيلك الخلطات مع اني اتوقع ماراح تحتاجيها لان حالتك النفسيه لها دور اساسي في الشعر والبشره
قصيره=========حكمت ربي ماراح نقدر نعترض عليها ولايغرك ترا القصر في الناس كلهم وانا اولهم تاراني 152ههههههههه
متينه======رجيم وايضا سببها الضغوط النفسيه لان الانسان كل ماحس ان حالته النفسيه تعبانه يروح يحط حرتها باالاكل وهاذي حاجه طبيعيه لاكن انتي اعكسيها حطي حرتك في القراءه والرياضه او شي تحبيه وترا قصيره+متينه=شكل غير انيق فانصحك انك تنحفي
انا لاحضت في كلامك انك قاسيه على نفسك مررره حرام يختي خففي شوي عليها وبرضو منتي كاتبه اي شي حلو فيكي لاكن لاتنسي تسوي التمرين الي قلتلك عليه وهو تكتبي السلبيات في ورقه والايجابيات في ورقه وماتكون كلها شكليه مثلا الصدق الامانه حبك لغيرك زي ماتحبي لنفسك انت شالله فهمتي لاتقطعينا ..........
وعارفه طولت عليكي لاكن والله والله اني ماكتبت الكلام ذا كله الى لانك زي وحده من خواتي محتاجه اني اساعدها واذا تبين شي لايرد الى كبورد واذا عندك شي تبغي تقوليه لي ممكن ترسليلي على الخاص