بسم الله الرحمن الرحيم
السلام عليكم يا احلى بنات:27:
والله اكتب وقلبي يعتصر الم حاطه أمل في الله ثم فيكم..
بقولكم قصتي بختصار..
انا بنت مثل اي بنت تحلم وحابه تعيش حياتهاا مثل اي بنت
المهم كان حلمي ادخل جامعه يعني واعيش عمري بكل تفاصيله
المهم انا كنت شاطره للدرجة اني ما ادري ايش يصير بالعالم الخارجي
يعني منطويه وعالمي كله كان كتبي ..
المهم وصلت للثانوي ولازم اجيب معدل بس صارت ظرف كان سبب اني ما جبت نسبه عاليه..
تخرجت من الثانوي ومطارد بهالكليات والجمعات >> لا حياة لمن تنادي..
وتمنيت ان ايامي ترجع هذي
عشان اعيشهاا واتمتع بمرهقتي
تقدرون تقولون ندمت
المهم جلست بالبيت لمدة 5 سنوات
ومريت خلال هالسنوات بظروف صعبه لان حالت اهلي الماديه وسط وابوي متقاعد
يعني الحياة ببيتنا الحمدلله على كل حال,,
المهم وربي كتب وتزوجت بس وافقت اسم اني اتزوج وزودتهاا عند اهلي
لاني حبيت اخفف على اهلي..
طبعا زوجي طلب ما اتكلم معه قبل
زواجنا ولا يكون بيننا مقابلات
مثل صحباتي اللي اسمعهم
اللي سوا لها زوجها قبل الزواج سبرايز
وهديه .. وحركات ..الخ
يعني ما عشت هالجو
قلت ما يقدم ولا يأخر
طبعا ندمت
لاني ما عشت هالتجربه
زوجي يعني سألنا عنه وكذا بس المعاشره تختلف وبينت المستخبي وفوق هذا تحملته
بس بنهايه بعد زواج دام شهر طلقني بدون اي سبب
على اساس عذر انه مررررره معجب بالشقر..
وطبعا انا جمالي جمال خليجيه شعر طويل واسود وفاتحه بس هو بنظره الشقره غيرر لانهاا مثيره
ما ابغى اقولكم قد ايش جاني منه تجريح ...الخ
طبعا رجعت لاهلي مكسوره ومقهوره حطمني لانه خذ مني شي ما يستاهله اقول بقلبي
يومه يبي شقره ليه خذاني وحطمني ورجعني باللقب مطلقه اقول بقلبي مين ياخذني ..
كان خلاني اشوف حياتي مع غيره >> وارجع اقول استغفر الله ياربي اللهم لا اعتراض
رضيت باللي كاتبه ربي لي
بس يابنات ابغى منكم تساعدوني بجد
نفسي ادخل دوره معهد او اتوظف اشيل نفسي عن ابوي المتقاعد والله خواتي يشفون شي مع البنات
ودي اشتريه لهم اقولهم اذا توظفت ان شاء الله
بس تخبرون لا شهاده ولا شي والمعهد يبي فلووس
يابنات بجد اي وحده تشور علي وش اسوي
تخبر وظيفه ولو 500 ريال نعمه
ظروفي وظروف اهلي الله يكون بالعون بس بنات انا ما ابغى تبرعات وصدقات
كل اللي ابغاه بس وظيفه..
والله اني احيانا افكر للبعيد اقول هذول خواتي ان شاء الله يتزوجون ويكبرون وافرح فيهم واخواني اكيد مو فاضين لي
ما يصفى لي غير امي وابوي الله يطول لي بعمرهم اذا كتب لي الله وما تزوجت اجلس كذا عندهم واكون عاله
على اخواني
بالعكس نفسي اكون نفسي من الحين واشتغل واجمع وادخل دورات واتوظف حتى بالمستقبل اشيل نفسي
وابر في امي وابوي
وحتى نفسي اكمل حياتي علشان طليقي لما يسمع اخباري يعرف اني بعيش بدونه لانه مفكر انو انا من
بعده خلاااااااااص بضيع نفسي اثبت له العكس
ياليت يا بنات تتعاونون معي واذا حابين ترسلوني خاص
وبدعي للي تساعدني
وجزاكم الله خير
شهد
شهد الايمان @shhd_alayman_1
عضوة نشيطة
يلزم عليك تسجيل الدخول أولًا لكتابة تعليق.
اختي اذا تبين تداومين كم يوم معاي في بازاررررر نسائي واعطيك فلوس راسلني اذا انتي من الرياااااااااض
الصفحة الأخيرة
ان شاء الله البنات يفيدونك