هلا والله منولا ويشرفني اكوون اول وحده اجاوب >>>>>>>>>> بس بشرط تسمحيلي اسافر انا وقبيلتي على حسابج الخاص خخخخخخخخ
شووفي الغاليه ....السنة الماضيه على بداية ابريل كان زوجي عندها مؤتمر هناك ...طبعأ اصريت وصحت وقلت لازم اسير ....خصوصا اني ما طلعت برع ولايتنا المنحوووسه ....
المهم ...لاني دريت انه عنده مؤتمر قبل بوقت طويل ....ما قصرت انا اللي حجزت ورتبت وسويت كل شىء(باستخدام بطاقته والا انا مفلسه) ....طبعا بالنسبه لزوجي كانت اول واخر مره يشلنا وياه خخخخخخخخخخ ...وكان وايد مشغول عنه وانت اعلم بظرووف المؤتمر ...لكن بالنسبه لي ولعيالي كانت من اروع الرحلات رغم انا ماطولنا هناك غير اربعة ايام كنت اخلي زوجي ينزلني في اي مكان ترفيهي من الصبح لين الظهر او من البريك تايم له الى العصر

خلاصة الكلام ....
اهم شىء تحجزين من الحين الفندق والتذاكر علشان تطلع ارخص ..لانج كلما طولتي وقرب المؤتمر كل ما زاد السعر ...
الشىء الثاني احجزي فندق قريب على الفندق اللي بيسوون فيه المؤتمر علشان تسيرين مشى وماتحتاجين سياره ...ويكوون قريب ايضا من الاماكن الترفيهيه وهذه اكيد بتحتاج سياره ..
خلي وقت الرحله اطوول علشااان ....اقل شىء اسبووووووووووووع ...
بالنسبه للاماكن الترفيهيه بصرااحه ما تنعد كثيره والافضل انج تاخين فكره مسبقه لاني انا ما كنت اعرفها الا بعد ما رحت ....
اماكنهم الترفيهيه حلوة ولكن العيب الناس هناك مفاااصيخ واغلب الحريم بلبس اللي ما يتسمى
مش مثل ولايتنا الحريم متستراات نوعا ما لظرووف البرد ...

المهم ...بالنسبه لي انا كنت مشي حالي وراسي فوووق والكل مستغرب من لباسي ...لكن اتضايقت على عيااالي لاعت جبوودهم من بلاوي الحريم خخخخخخخ ...
شو بعد ...الشى اللي ما عيبني ان الفندق اللي حجزتها حضرتي كان فيه مسبح وللاسف الشباك مره يطل على المسبح ....وتعالي من صباح الله خير الحريم بمايوهاتهن منسدحاااات سدحهن ابليس ....فكنت مسكره الستاره عى طووول ...ما ارووم افتحها علشاان العيال ....
اذا اتذكرت شىء برجعلج ان شااءالله ...

أورلاندو عزيزتي فيها ديزني لاند وهي من اروع الاماكن على الإطلاق

فإن قدرت ان تمكثي يومين أو اكثر إضافيين بعد المؤتمر فهذا أفضل ...... لأن زوجك سيكون مشغول بالمؤتمر وبجوز هالروحة ما تتكرر

فخليكم يومين تانيات تشموا فيهم هوا وتروحوا وتجوا على كيفكم

فرش ملك ...جزاك الله الف خير على هالرد الحلو ....بيني وبينك اخر موعد للتسجيل كان البارح ..وقعدت اماطل ..مستخسرة الفلوس...بس قلت استخير واتكل على الله...ودي اخذ الصغتر لدزني لاند ...انتي رحتي لها ؟ وشلون رتبي الروحة؟ والامكان الترفيهيه ....تذكرين اساميهم؟

شام الغالية: مشكورة على الرد....بصراحة المؤتمر انا اللي رايحة اقدم فيه بحث...وهم قبلوا بحثي من زمان بس ما سجلت لاني كنت مترددة...يعني انا مارح بصراحة احضر المؤتمر بس بأقدم البحث حقي واتركهم :) ...مو كسالة والله بس هذا مؤتمر ماله علاقة بتخصصي ..بس عشان بحث الدكتوراة موضوعه متعلق فيهم بأقدمه هناك...قصيت لك قصة حياتي:)
يعني زوجي من البارح وهو يقول لي رح نقعد هنا مو اقل من 5 ايام...
بس كيف رتبتي رحلة دزني؟ اعرف فيه لها عروض وشغلات ممكن يتوفر منها كله هالتوفير ذابحني :)

اختي منووولا توكلي على الله وروحي ...على الاقل تغيير جو ...وبالنسبه للاماكن الترفيهيه انا خلفيتي عنها كان بسيط جدا جدا وما حجزنا التذاكر الا من هناك ....كنت اسمع عنها بس بالضبط ما كنت اعرف شو هي ...علشاان جذيه ضاعت علي كم فرصة ....رحت لمكانين بس
ديزني لاند والورد سيي ...والباقي الموول ...وبالنسبه لدزني حلوه وكبيره وايد ..وفيها العااب بالهبل بس كانت زحمه موووت توقفين بالطابوور وطبعا مع الاطفال الصغاار صعب...لازم توقتين للرووحه اول ما يفتحوون الحديقه ضروري حتى لو كانوا يفتحوون ثمان والا تسع الصبح ...على الاقل تجنبين الزحمه ...وتسبقين الناس على الالعاب .....
السي ورد ...مدينة الماء كلها عرووضات للحيوانات المائيه وفيها العااب بسيطه ....حلوة بس فيها مشى وايد ....لا تنسين العربااات ...
اتمنى من الاخوات اللي عندها صوره اوضح عن الاماكن الترفيهيه توضح اكثر لان مثل ما قلت سيرتنا ما سبقها التخطيط لمثل هذه الاماكن ....