حبيباتي عاجلا وش الاشياء الي تستاهل ننقلها من مصر شي مميز

ساعدوني

خواتي ابغى مشورتكم بالاشياء الحلوه بمصر تنصحوني اجيبها من مصر
وبكم تذكره السياحي لمصر من الرياض بالطياره
وادري طولت الحكي بس مانستغني عن عسولات حواء
الي راحت لمصر وش الشي الزين فيها هاه انا انتضركم بحماس منقطع المصارين مهب بس النضير وشكرا
16
2K

يلزم عليك تسجيل الدخول أولًا لكتابة تعليق.

تسجيل دخول

كيرلي شوشه
كيرلي شوشه
up
وين الردود بنات عودتوني على الفزعات
هايـــــــدي
هايـــــــدي
يازينك ويازين اسمك ياقمر

للاسف ماعندي خلفيه

بس حسب اللي اشوفه وحسب الهدايا اللي تيجيني من مصر ام الدنيا

بسبوسه ولب على قولت اخواننا المصريين :)

وجلابيات وشنط وجزم والتحف المصريه
no more
no more
تسمعين شوري.. لاتجيبين شي
اصلا مافيها شي مميز.. إذا احد قالك عن بيالات الحسيني تراها مهب شي ،لاكريستال ولايحزنون ارخص نوع من البيالات لونوه وشخبطوا عليه ويلعبون على هالسعوديات
هذا رأيي
كيرلي شوشه
كيرلي شوشه
تسلمون عيوني بس تعرفوننا حنا لارحنا ان ماحصل ياله تصكين الشنطه مانرتاح نفسيا ولا تعرفين كلن مشاوف لهديه الله يعين ابي شي يواجه لاتقول الحموله مرت ولدنا قعيطيه ولاماعنده ذوق
والاخوات لايقولن جباله هي وخشته قبل عشر طعش سنه هديه ولاردتهاخخخخخخخخخخ امزح
جودي123
جودي123
يعني احسن شي تقريبا الجلديات
وادا تحبي التحف الدهبيه والفضيه روحي خان الخليلي مره حلوه عندهم بس ادا قالك الشي بميه قوليله بتلاتين وسوي ان السعر ما اعجبك وانك صرفتي نظر
تشوفي ادا ماباعلك اياها بحول اللي قلت لك
كمان الزيوت العطريه حلوه عندهم
بصراحه مصر كلها تجنن ياليت اقدر اعبيها بكيس واجيبها معايا
(جيبي لي شويه من مويه النيل معاكي والله وحشني )