________________________________________
بسم الله الرحمن الرحيم
السلام عليكم ورحمة الله وبركاته
بنات كثير يجربون خلطات وما يلاقون نتيجه ترضيهم او مثل ماقالت صاحبة الخلطه او اللي جربها
فحبيت اقولكم السبب
اولاً :
لازم تنظفين البشره وتجهزينها قبل برنامج اي خلطه بالميلك ( الحليب المنظف ) وبعد الميلك بصابون يزيل الاوساخ والدهون اللي بالبشره خصوصا اذا كانت دهنيه يعني بتحسين ان بشرتك صارت جافه اشوي من التنظيف والصابون
وقبل اي خلطه لاتحطين اي مرطب
ثانياً :
تقشير البشره بمقشر خفيف غير دهني يعني مثلا مايكون بزيت الزيتون والسكر يعني اي مقشر اخر
مثل المقشرات الموجوده بالسوبر ماركت الكبيره وغيرها وتكون غير دهنيه
او اذا تبين مقشرطبيعي غير دهني مثل الارز المطحون
والسبب : ان الدهن يمنع البشره من الاستفاده من الخلطه يعني يكون حاجز بين البشره والخلطه
ثالثاُ:
لازم تاخذ الخلطه وقتها كامل واكثر الخلطات تستفيد منها البشره اذا انشفت
رابعا :
لا تغسلين البشره بعد الخلطه لابماي باااارد ولا ماي حااار غسليها في ماي دافي
وانا افضل انك تغسلينها بدون صابون يعني في ماي بس او بصابون خفيف جداً
خامسا :
والله هذي اهم شي عندي انك اذا حطيتي الخلطه خليك باسترخااااء تام يعني مثلا انسدحي على ظهرك وبمكان دافي وبدون ضوء قوي غمضي عيونك واستمتعي واذكري الله بهالوقت اخذي غفوه خفيفه ( اهم شي مكان دافي وما يكون في مجرى هواء باارد يضر الوجه الله لا يقوله )
سادساً:
يابنـــــــــــــــات الاستمرار لازم تستمرين حسب تجربة صاحبة كل خلطه مو تحطينها مره وتقولين مافين تائج
بهالطريقه ****لله بتستفيد بشرتك بالخلطات لانها بتكون جاهزه ونظيفه
اتمنى اني قدمت الفايده لكم
وانتظر رايكم وردودكم وتجاربكم
وما ابي الا دعواتكم يالغاليات