بسم الله الرحمن الرحيم
الحمد لله على نعمه الكثيره
ومن هذه النعم الاطفال
اسأل الكريم الرزاق ان يرزق كل محرومة بالذرية الصالحه
المهم ولدي عمره 10 سنوات بالصف الرابع
متعبني شوي غير اخوانه غرفته ياساتر
يفصخ الملابس ورمي بالارض وسلة الغسيل بجنبه
السرير كأن الحرب وقعت فوقه يالطيف
اخوانه اللي اصغر منه يوميا يصيحون منه اكثر من مرة
الله يصلحه يضرب هذا ويعكرف لهذي:icon33:
ياخذ اغراض الثاني
حتى اخته الكبيره يشد شعرها
وخصوصالما يطلب طلب وارفض انفذه يبداء بهالمناوشات
لا وبعد طالع هاليومين بموال ابغا اطلع الشارع
بس الحمد لله شاطر بالمدرسه
المهم تعبت معه انا ما احب اتعامل بالضرب
لكن جنني انا برضوه مسئوله عن اخوانه حرام يضربهم:44:
سويت بحث وقرات كثير
وقررت الغي اسلوبي معه خصوصا بسنه الحرج
ناديته ودخلته غرفتي وقلتله ابغا اتكلم معك فاضي الان
قال تفضلي ياماما
قلتله انت الان رجال يعتمد عليك وتقرير المدرسه يخليني فعلا اعاملك كرجل يشرفني انه ولدي
اولا انا اسفه على اسلوبي السابق معك سواء هواش اوضرب
واوعدك راح ينتهي هالاسلوب وللابدوارجوك تقبل اعتذاري
وهو يسمع وسكت:09:
انا عارفه انك انسان متميزواخو رائع
لكن تعاملي الشديد معك يمكن قتل الاشياء الحلوة او خلاها جواتك مخبيه
ابغى اسألك ليش تؤذي اخوانك
رد على احس انهم احسن مني!!!
رديت عليه ليش تقول كذا انت من اروع اطفالي الكل يحسدني عليك
والدليل تميزك بالمدرسه واحساسك فيني لمااكون تعبانه
ابقولك شئ ياصغيري
وش رايك نفتح صفحة جديدة
من جهتي لا ضرب ولا هواش ولكن كلام ونقاش
وانت كذالك تساعد نفسك عالشان الاشياء الجميله
المدفونه جواتك تطلع لبرى
بكتب بورقه كنوز ولدي الرائع
اخذتها من مقال لناعمه الهاشمي
وانت كل يوم تكتب الصفه الجميله اللي شفتها بنفسك
ضمني بقوة وبكى وقال احبك ياماما كثير
وانا ضميته وانا احبك وماراح اسمح للشيطان انه يلعب براسك
وراح اساعدك حتى تسترجع كل صفاتك الجميله المدفونه
ماتصدقون يابنات الولد صدق تفاعل بشده وراح ونظف غرفته بدون ما اقول له وكتب قدام اليوم انا نظيف واحب اخواني
ومن ذاك اليوم وهو تارك اسلوب ضرب اخوانه وكل يوم
يعبي بهالورقه صفات حلوه>>علقتها بجنب سريره
والحمد لله رجع لي ولدي
لان الاولاد مايجون بالعناد ولا بالضرب والهواش
وان شاء الله لما يكمل شهر والصفات الحلوة تظهر
راح اجيبله هديه كبيره لتميزه الاخلاقي والسلوكي في اسرته
اسأل الله لي ولكم صلاح النيه والذريه
وان لايجعلهم سبب شقائي بالدنيا والاخرة
ربي اجعلهم مفتاح دخولي الجنه
ولا تحرمني برهم بحياتي وبعد مماتي
ولكم مني:):26:
من جابها من بحرها؟ @mn_gabha_mn_bhrha
كبيرة محررات
يلزم عليك تسجيل الدخول أولًا لكتابة تعليق.
والله انك صادقه الضرب والهواش مايجيب نتيجه الله يصلح لك ولنا الذريه
وانا شجعك على الهديه وياريت تسالينه ايش يحتاج ولاتنسين اخوانه لايبداون يغارون منه
وانا شجعك على الهديه وياريت تسالينه ايش يحتاج ولاتنسين اخوانه لايبداون يغارون منه
الصفحة الأخيرة
يفصخ الملابس ورمي بالارض وسلة الغسيل بجنبه
السرير كأن الحرب وقعت فوقه يالطيف
اخوانه اللي اصغر منه يوميا يصيحون منه اكثر من مرة
الله يصلحه يضرب هذا ويعكرف
<<<<<<<<<<<<<<والله بهاا الجزئيه كائنك تتكلمين عن والدى الى بخامس الله يصلحه ويهديه مطلعلى اقرون