مانييــــرا

مانييــــرا @manyyra_2

محررة برونزية

# واللــــه قهــر # ... قصيــــدة ولا أروع !!!!

الأدب النبطي والفصيح

السلام عليكم .. هذي أول مشاركة لي بهالقسم

هذه ترنيمة قلبٍ في داجيةٍ من الليل ظلماء ..
كتبها (( شقيقي )) في منتدى -المعالي- وشفت لها صدى كبير
من الشعـــــراء ..
فخذوها كما هي ..

ودي أشـــــــوفـــــــه


والله قهرْ !! كلٍّ يشوفهْ ويلقاهْ ...
إلا أنا !! عَيَّا عليْ لا أشوفهْ !! ...

حتى ولا اْخـْفـِيْكُمْ إذا جيتْ أبنساهْ !! ...
أتعبْ !! لأني بسْ أناظرْ طيوفهْ !! ...

يعني تبون الجد !! احترتْ وياه ...
عجزت أحدّدْ في خيالي وصوفهْ ...

لكنْ عرفتْ إنـّه: قليلين شرواه ...
لجل إنْ لون الثلجْ يشبهْ لجوفهْ ...

سبحانْ من بالدِّيْنْ كمَّل حلاياه !! ...
نفسهْ على الخيراتْ دايمْ شغوفةْ ...

هرجهْ عسلْ والطيبْ يملا حناياهْ ...
سَهْلَ التعاملْ ما بْطبعهْ كلوفهْ ...

راعي وفا يـِتـْعِبْ سواهْ بْسواياهْ ...
والجودْ ودّهْ ما يفارقْ كفوفهْ ...

إيهْ أكتب الأبياتْ لهْ وأتمنـّاهْ ...
وأبياتْ شعري كلها لهْ لـُهوفـَهْ ...

وإن جيت للفصحى فالاْلفاظ تفداهْ ...
لكن بـَسـَطـّرْ بيتْ واحدْ واَحُوفهْ:

( لا تـَضْجَرُوا إنْ قـُلْتُ: ما الحُبُّ لَوْلاهْ ؟؟ ...
فـَالحُبُّ شِعْرٌ ، وَهُوَ فِيْهِ حُرُوْفـَهْ )

يبقى غلاهْ اللي بْقلبي تـَعَلاهْ ...
بالرّغـْمْ منْ صَدّهْ وكـَثـْرَةْ ظروفهْ ...

ويْحـِقْ لهْ لو هو تغـَـلّى بلقياهْ ...
لكن صراحهْ: قهر !! ودي أشوفهْ ...



ولكم فائق الحب والتقدير ..

يالله وش رايكم ؟؟ ترا عندي له أكثر !!
24
2K

يلزم عليك تسجيل الدخول أولًا لكتابة تعليق.

تسجيل دخول

مخاوية جروحها
الله يعطيك العافيه

عجزت احدد في خيالي وصووفه


روووووووووعه
Oo الــدخيــله oO
وإن جيت للفصحى فالاْلفاظ تفداهْ ...
لكن بـَسـَطـّرْ بيتْ واحدْ واَحُوفهْ:

( لا تـَضْجَرُوا إنْ قـُلْتُ: ما الحُبُّ لَوْلاهْ ؟؟ ...
فـَالحُبُّ شِعْرٌ ، وَهُوَ فِيْهِ حُرُوْفـَهْ )

يبقى غلاهْ اللي بْقلبي تـَعَلاهْ ...
بالرّغـْمْ منْ صَدّهْ وكـَثـْرَةْ ظروفهْ ...

ويْحـِقْ لهْ لو هو تغـَـلّى بلقياهْ ...
لكن صراحهْ: قهر !! ودي أشوفهْ ...

صح لسانه وسلم بنانك يالغلا
القصيده جميله ودايم متعينا بمثل هالقصائد
سلمتي
مانييــــرا
مانييــــرا
مخاوية جروحها
والله أنت الروعة عزيزتي بقراءتك وتعليقك على القصيدة ..
تسلمين ,, ودمتــــــــــــي بخير ,,
مانييــــرا
مانييــــرا
الدخيلة
صح بدنك يا أختي ..
وعيونك الأجمل اللي قرت هالقصيدة ..
وعندي قصايد كثيرة بنزلها إن شاء الله حبة .. حبة ,,
ولك شكري وتقديري ..
دمتــــــــــــــي ,,
ܔْށ سكآيب عطر ܔْށ,
ماشاء الله تبارك الرحمن والله ابيات روووعه من جد صح لسانه ولاهنتي على النقل ياقلبي