معمول روعة وجربيه

السلام عليكم
اليوم جبت لكم طريقة المعمول وشغل يدي والله يعني مجرب مو منقول والله روعه بشهادة زوجي و أهله جربي
و مو خسرانه شي

المقادير:
3 كاسات دقيق أسمر
ثلاث أرباع كوب دقيق أبيض
ثلث كوب حليب بودرة
ربع ملعقة طعام خميرة فورية
كاس ماء
كاس سمن نباتي
نصف كوب زيت
ملعقة طعام بزار معمول ( بهارات المعمول الجاهزة)
الحشوة تمر معجون
التزين سكر ناعم

الكوب نستخدم كزب الجبنة أو كوب مقارب لحجمه ( ظروري تلتزمي بنفس المقادير عشان تظبط)

الطريقة:

ننخل الدقيق و نضعه في زبدية و نخلط علية الحليب و الخميرة و البهارات .
نقدح الزيت و السمن بس مجرد يسخن اشوي الزيت طفي النار والسمن راح اتذوب تلقائي مع سخونة الزيت انتبهي ينحرق نتركه يبرد اشوي
نحفر حفرة بوسط الدقيق و نصب الزيت و السمن


و نحرك بالملعقة كويس و بعدين اذا برد نعجن بكاس الموية الموية راح تكفي لا تزيدين
خليها تخمر 10 دقايق بس..
نبدأ بحشوتها بالتمرالمعجون ونشكلها بالشكل الي نبي اسطونات أو مربعات أو حلقات أو بقوالب المعمول
و ندخلها الفرن لين تستوي ونحمرها من فوق اشوي
نخرجها من الفرن و نتركها تبرد
نرش عليا سكر بودرة و تقدم