ابي لقيمات ماتشفط الزيت

أولا كل عام انتم بخير
ومبارك عليكم رمضان...
لقيماتي بدون زيت وبحشوة خفيفة وبقرمشة من الخارج ..ماشاء الله تبارك الله كل من ذاقها تعجبه...

اخذتها من كتاب النخبة (الطريقة الأولى)
2كاس دقيق
ملعقتين نشا
ملعقتين خميرة فورية
2بيض (وطبعا اضيف ليمون وفانيليا للقضاء على زفر البيض)
علبة قشطة
ذرة ملح
نصف فنجال(فنجال القهوة) سكر
ماء للعجن
.....
تخلط كل المقادير مع بعض بحيث ماتكون العجينة سائلة مرة ولا ثقيلة ..تكون وسط(وانت تحركين يدك تحسين كانا خيوط)..ماادري وصلت افكرة أو لا...
المهم ماتكون سايلة ولا ثقيلة..

واتركيها تخمر ساعتيييييييين...لأن إذا خمرت كفاية ماتتفقع في الزيت بإذن الله...

وبعد الساعتين ابدأي اقليها في زيت متوسط الحرارة...وصحة وهني...

هذي الطريقة معتمدتها عندي لذيذة بمعنى الكلمة الله يجزا صاحبتها خير

كاسين دقيق (الفاخر)
ملعقتين جبن سايل
ملعقة خميرة
خمس ملاعق حليب بودرة
كاس ونص ماء
(حبة سودا و كركم )حسب الرغبة
تعجينها واتركيها تتخمر والزيت مايكون حامي مرة متوسط الحرارة
إن شاء الله تعجبك..

مشكورت بنات ان شاءلله بجرب طريقتكم وارد هنا

جربي طريقه نونا روعه
http://forum.hawaaworld.com/showthread.php?t=1871690

الله يعطيها العافيه

اممم شوفي حبيبتي طريقتي مره سهله ومقاديرها متوفره

م ص خميره فوريه
م ك زيت
كاس دقيق
نص كاس مويه حاره
رشة ملح

اخلطيهم بالمضرب لما تتجانس
جيبي فوطه نظيفه واغسليها بمويه حاره واعصريها زين وغطي العجينه وخليها نص ساعه بالضبط

بعد النص ساعه

حطي عليها نص بيضه ( افقشي البيضه بصحن وخذي نصفها فقط )

وحركيها زين وعلى طول اقليها

وبالعافيه