بنات للي مرت بمشكلة زي مشكلتي

بسم الله الرحمن الرحيم
أعرض عليكم مشكلتي والرجاء المساعدة ولكم مني الدعاء
أنا عمري 19 سنة بدأ شعري يتساقط بكثافة فجأة من ثلاث سنوات ونصف تقريبا ولا أعلم سبب ظاهر للتساقط ولم أذهب لمختصة مباشرة لأن كنت بثالث ثانوي وتوقعت أن التساقط بسبب الضغوط النفسية وبعد الثنوي صبرت اشوي أبي شعري يرجع زي ماكان بس ماوقف التساقط قمت أزين الخلطات اللي أقراها وأطبقها حرفيا من الثوم والزيوت والحبحر وصبرت عليها فتره لأني كنت أعرف أن النتيجه ما تطلع على طول وبدا شعري يضعف من استخدام الخلطات ويتقصف ولا وقف التساقط زي ماهو عليه وخف من الأمام والجوانب كثير وصار فيه فراغات كبيرة من قدام (صلع) ورحت لمركز متخصص بالجلديه ( أبوللو ) وعطتني الأخصائيه فيتامين نسيت اسمه وبخاخ (مينوكسيدل) وشامبو وكريم معين وخلتني أعمل خمس جلسات تدليك لفروة الرأس الجلسة ب500 ريال وزينتها لكن مافي نتيجة وغيرت البخاخ (هير قرو ) واستخدمته لكن مافيه فايدة بعدين حسيتهم نصابين أخذوا مبالغ ولا لقيت أي نتيجه خلال شهرين وتركت العلاج ست شهور ثم رحت لمستشفى أهلي عند أخصائية جلدية مصريه وسوت لي قراءة كامله للدم (تحليل) ونتيجة التحليل ممتازة وكتبت لي امبولات للشعر ايطاليات نسيت اسمهن (علبه فيها 12 حبه لون الامبوله بني غامق وريحتها زي الشيشة ب180ريال ) قالت لي استخدمي كل يوم حبه وتعالي بعد ماتنتهي وزينت اللي قالت وجيتها قالت استخدمي علبتين بعد والنتيجه بتظهر خلال اسبوعين وكتبت لي فيتامين (جي ار6) وشامبو خاص وكريم للشعر وجيتها بعد ماستخدمت اللي قالت لي بانتظام مر علي 36 يوم استخدم الانبولات ولا شفت أي أثر جت غيرت الانبولات وعطتني نوع ثاني (FLEXURE) واستخدمتها ونفس الشيء ورحت لمها بعدين شكلها ملت مني قالت خوذي علبه رابعه من النوع الأول وكتبت لي بخاخ جديد (ريقان سبراي) وهذا العلاج الوحيد اللي كان معاه برشور بالعربي قريت اللي عليه ومكتوب تستخدمه مرتين باليوم كل مره ست بخات والنتيجة تظهر بعد اسبوعين بس إذا وقفت العلاج يرجع يتساقط من جديد يعني لازم استخدمه مدا الحياة ومكتوب للصلع الهرموني مع اني ماعندي صلع هرموني ولا وراثي ولا قالت لي شكلها ناسيه ان مع العلاج برشور بالعربي وحسيت انها غشتني ولا عاد طبيت عليها وش الحل وش تنصحوني فيه نسيت أقولكم إني سويت ريجيم بدون استشارة من زمان بس تركته ولا أعتقد ان التساقط بسببه والله يجزاكم ألف خير .
بنات اللي مرت بمشكلة زي مشكلتي ولقت حل وعلاج ونفع تعلمني وبدعيلها وإلا تعرف أحد مر بالمشكلة هذي ولقى علاج وتكفون لا تحطون خلطاتكم العجيبة لأنه ماضعف شعري زيادة إلا من الخلطات هذي
تكفون بنات أدعولي بالشفاء