الوحم وما ادراك ما الوحـــــــــم ...

ذكرتنى بنفسي قبل شهرين كنت مثلك ومن شده الوحم كنت احس ان خلاص مارح ينتهى هالكابوس والتعب ونسيت حتى شلون احساسي كان يوم كنت طبيعيه كانى كنت تعبانه طول عمرى وكرهت نفسي وقلت انا شلون نسيت تعب الحمل وحملت ثانى
انهلكت ولو تدور مواضيعى كانت اغلبها اسال عن الوحم ابا امل اتعلق فيه عشان يخف بسرعه لانى كنت ارجع كل شي حتى الماى وماقدر امشي خطوتين على بعض ادوخ على طول وكرهت اهلى زوجى وعيالى صرت اشم فيهم ريحه ماتحملها
وكنت احس انى راج اظل طول ال9 شهور تعبانه بس الحمد لله من دخلت الاسبوع ال12 خف التعب شوي شوي مع ان كانو فى ناس قالو لى راح ينقطع فجاه بس انا لا بدا يخف شوي شوي والترجيع صار بدل من 5 -7 مرات باليوم صار من 2-3 مرات والحين الحمد والشكر لله فرررررررررق احسن بكثيررررررر والترجيع صار كل يومين مره واخف من اول والتعب والاحساس بالقرف راح لانى بالوحم كنت على طول احس بقرف بس الحين فررررررررررق
لما كنت اسمع ان على اخر الثالث وبدايه الرابع يخف او ينتهى كنت احس مشوااااااااااار والوقت ما يمشي بس الحمد لله هانت وخف
الله يخفف لك وحمك ويسهل لك حملك
تعرفى متى تنسي تعب الوحم جد
لما يبدا يخف ولما تحسى باول حركه وتشوفيه بالاتراساوند احساس ثانى وراح تحبيه وتحسي شهرين تعب يهونو عشان البيبي الجاى

تكفون يا بنات من متى يبدأ الاحساس بالوحم والغثيان انا لي عشرة ايام متاخرة الدورة ولا احس بشيء مدري حامل ولا لا
الاخت اماسي الله يهون عليك ويقومك بالسلامة

ليش مستعجله على الوحم تراه قرررررررف بس ماشالله فى حوامل مايجيهم وحم ابدا وهاذى نعمه مايعرفها الا اللى جربت الوحم
طبيا وعلميا والصحيح الوحم يبدا بين الاسبوع السادس والسابع ويخف ويبدا ينتهى على الاسبوع ال12 وفوق (ترى من كتر ماهلكنى الوحم صرت خبيره فيه)

واللى بتتوحم تسالنى مابقيت وصفه او علاج الا جربته بس مافى فايده وحتى دكتورتى رفضت تعطنى الادويه اللى تخفف الغثيان قالت لى مفعوله بسيط وماتوقف على طول وفى احتمال صغير انها تضر
رحت لغيرها وخذيت الادويه وطلعت صادقه اول يوم خف الغثيان والترجيع وفرررررحت ثانى يوم هاه يعنى ثالث ورابع ولين عاشر يوم واسبوعين بعده خلصت 3 علب وكل علبه فيها 12 حبه بدون فايده كنت ابلع فبها على امل تحفف ولو شوي بعدين
جربت زنجيل رمان اى شي تتخيلونه بدون فايده الشي الوحيد اللى ماجربته وحده كتبت عنه موضوع امعاء الخروف اشويه وكليها هذى مستحيله مع انى اوقات كنت احس انى ماراح اكمل ساعه فى الدنيا مع التعب


الله يهون عليكم وحمكم وعلى

الله يهون عليكي ان شاء الله

والله انك صادقه احس كل حمل اصعب من اللي قبله

وفعلا احس البكر كان اسهل حمل عندي سبحان الله

ام القمره مشكورة حبيبتي وماقصرتي ومن جد المشوار طويل على بال مايخف والله الحمل تعب من بدايته حتى اذا جا البيبي يجيك هم ثاني بعد اللله بس يعين كل ام الحين بس عرفت انه امي تعبت من جد اللله يخليها لي امين ولايحرمني منها وجميع امهات المسلمين

ام روان الله يجزاك خير وياربي ماتمرين ابد بالي امر فيه لانه من جد عذااااااب احس اني باخسر بيتي بسبب هالوحم لاني ماني حاسه بزوجي ولا ببناتي ابي بس انام عشان انسى التعب


اسطوووره والله ليش مستعجله خليك كذا ماتحسين بشي ارحم والله على الاقل تمارسين حياتك الطبيعيه ترى الصحه زينه ياااااربي ارزقنا العافيه لانك لو جربتي الوحم الشديد بتتمنين انه ماتكملين حملك وانه ترتاحين منه