انا بعد
بيت كبير دورين
اطفال
اكبرهم 4 سنوات
اصغرهم سنة و4 شهور
البيت يباله مسح تنظيف تلميع وحالته حالة
شغالة وحدة بس
الكل يقولي ليش مب يايبة شغالتين
لآني يبت وحدة وغصبن عني
وبعدني تعبانة
اانا اطبخ بنفسي اشرف على كل صغيرة وكبيرة

ادور على قولتكم المخدة من احصلها يغمى علي
انا بذاكر لولدي والا بعلم اولادي الثانين شئ ثاني
والا بطبخ والا شنو بالضبط!!!
جسمي انهد من كثر الشغل وشبابي راح لاتقولون فيه وقت لا ما فيه ابداااااااااااا
واذا انوجد الوقت انتي خلاص رايحة فيها من الشغل اللي ما يخلص
المفروض اللي بيتها ما يتحمل الا شغالة خلاص تجيب
اتجيب مو مشكلة بس تبطل عيونها على بيتها وتشرف على كل شئ!!
مب تهد البيت كله على الخدامة
من جذه تصير المصايب علشان ربة البيت تحل محلها الخدامة ما تصير مساعدتها!!! وهذا غلط كبير

واللللللللللله تعب
ودام بيتك كبير خلي غرفتها معزوله والوقت اللي ماتحتاجيه قفلي عليها --بملحق السطح مثلا والغساله والغسيل والكوي يكون عندها تغسل من بعد مايجي زوجك للبيت ويكون وقت جمعنكم العائليه-- وبالصباح لما يكون البيت فاضي تمسح وتغسل المواعين والحمامات وترتب وبكذا ماحتحسي بوجودها

اما انك طول اليوم تكرفي بهالبيت وتنسي نفسك وتصيرين كأنك عجوز قدام زوجك طول اليوم مقربعه وتشتغلي وبالليل يادوبك توصلي المخده---
دلعي نفسك وطلعي الشغاله من راسك-- يعني لما تحطي ببالك انك متضايقه منها حتتضايقي حتى لو ماصلحة لك شي مزعج

عيشي حيااااااااااتك وانبسطي واخرجي واتدلعي-- العمر يخلص والشغل مايخلص-- انا هذا نظامي ويعلم الله ان احبكم يابنات حواء واعذريني اذا كلامي مو مهذب او قاسي--

شوفي اختي هن شر ولابد منه وربي اذا راحت غير تحتاسين حيل لاتقولي سويت نظام ومشيت به لابد تقصري بشئ معين اذا اهتميتي ببيتك وعيالك غير تهملين نفسك .. انتي بشر ولك طاقه مو 24 ساعه واقفه الله يديم عليكي الصحه والعافيه بس مهما كان دام بيتك كبير وعندك اطفال خليها وراقبيهاا من بعيد لبعيد .. دلعي عمرك واستانسي .. مو معناتها خلاص تنتبهين لنفسك وتنسيهاا خلي عينك عليها ولاتشدي وترخي معهاا اذا ضايقتك لاتتكلمين عليها خلي زوجك يهاوشها ترا يخافن من الرجال اكثر شي.. عاد الزوج يبي كل شي جاهز البيت نظيف العيال مرتبين والزوجه علي سنقت عشرة .. دائم مابه شغاله استحاله الاشياء ذي تكمل . والله يوفقك ويعطيك خيرها ويكفيك شرهاا

والله نبي نستغني عنهم بس مافيه فايده هم شرلابدمنه هالحين الشغل كثير مو زي اول انا عندي ثمانيه الله يخليهم لي البنات الكبار الحمدلله يساعدوني بس خبركم المدارس والكليات مهم فاضين كل الوقت وتلقيني احوس طول اليوم والصحه عليهاشوي واتمنى الشغاله بكل حزه بسهم هالايام شاحين ماادري وشفيهم

شوفي ياعزيزتي

أنا جبت شغاله شهر 7 اللي راح أندونوسيه

وكنت حامل بالتاسع وبصراحه في رمضان ماحسيت بالضيوف لأن زوجي مضياف درجه أولى

يعني بالعربي كل ماقابل واحد يعرفه عزمه====والله متعبني معاه الله يهديه


لكن بعد رمضان ماعاد أحتاجها

فقررت أستغني عنها

وياربي لك الحمد

إرتحت كثير من كيدها

وإسرافها في كل شي

والله إني على راسها في كل شغله بغت تجيب لي السكر

وبكذا إرتحت صرت آكل بنفس



وكنت أقرا في عالم حواء بعض الأفكار اللي تساعد على شغل البيت

فأول شي سويته جبت غساله أوتوماتيك للملابس

والخضار أقطع وفرزن

مولينكس فرامة الملوخيه كل شي عليها

تقطيع بصل أو ثوم أو مقادير كيك ولاتاخذ وقت

بالنسبه للبيت

فكل يوم من وقتي ساعه تقريبا في الصباح تنظيف إحدى غرف البيت

مسح وغسل بيبان وجدران وفرك كنبات ومساند

وتبخيرها وتسكيرها بالمفتاح عشان لايدخلونها الصغار ويروح التعب

هالطريقه تخلي بيتك نظيف طول السنه
لأنه تنظيف عميق وبنفس الوقت مجرد غرفه

والله اللذي لا إله إلا هو صار عندي وقت فراااااااااااااااغ كبير جدا

وأطلع أزور جاراتي وقرايبي ومرتاحه ومحرمه أدخل شغاله بيتي بعد كذا

وراتبها زدنا عليه وصار مصروف شهري لي ولعيالي


وبيتي أربع غرف وصاله كبييييييييييييره تنظيف الصاله على الحلوين ولهم مكافاه ماليه على شغلهم

كل واحد يصحى قبل يطلع من الغرفه يرتب سريره

حتى ملابس النوم يطبقونها ويرتبونها

طبعا أبوهم متولي هالأمر يراقب ويكافيء ويعاقب إن لزم الأمر

إذا عزمتي تطلعينها من بيتك توكلي على الله وربي بيعينك إن شاء الله

وعندي 5 أكبرهم أول متوسط ثم خامس ثم ثالث ثم 6 سنوات ثم الفنطوسه آخر العنقود مانقلبت بعد

الله يحفظهم ويهديهم ويرزقني برهم ......آمين