قلبٌ أدمته الجراح

قلبٌ أدمته الجراح @klb_admth_algrah

عضوة شرف في عالم حواء

حتىّ ىّ آلنسآء لآ طآلعوهآ يقولون : ي حلوهآ حلوآهَ ,,,!!

الأسرة والمجتمع




لنڪن آرۈاح رـآإقية ..
نحٺرم ذاٺنا ، ۈ نحٺرم الغير ..
عندما نٺحدث نٺحدث بـ ( عُمق ) .. !
نطلب بَ ( أدب ) ... ۈَ نشڪر بَ ( ذۈَق )
ۈَ نعٺذر بَ ( صدق )
...نٺرفع عن الٺفاهآإٺ ۈَ القيل ۈَ القال
نحُب بَ ( صمٺ ) ۈَ نغضب بَ ( صمٺ ) ..




مرااحب بالحلوين.... كيفكممم ي غوالي....

اتمنى الجميع بخيراااات.....

والله يتقبل منكم الصيام والقيام ويبارك لنا بأوقاتنا

مو هذا موضوعنا.... لكن موضوعي اليوم عن الكاريزما.



ومصدرها داخلك مو ظاهرك... قناعات تفرضينها بإدب على الي حولك من خلال اسلوبك .. وطريقة تعاملك

مع الناس. (كيف تلفتين النظر ... كيف تثبتين حضورك....كيف تجننين العالم بحلاوة شخصيتك حتى لو كنتِ اقل الحاضرين جمال!) وأي شخص كاريزمي هو ساحر... قائد... ناضج عاطفي ونفسي...حكيم ..يعرف كيف يدخل القلب... ويعرف كيف يتعامل مع الصغير والكبير.... جذاب




الكاريزما تظهر في الشخصية اكثر مثل ماقلت فوق ... يكون تأثيرها عجيب على النفس مهما بلغ هدوء هالشخص .. يعرف كيف ( ي...ا.... ك...ل ) الجو!


برجع من البداية واحكي لكم وش القصة...!


في البداية ماكنت مقتنعة بقدراتي...كنت اشوف جمال كل شي حولي إلا الي داخلي..!! و....... ظلمت نفسي كثير وقتها!

بسرعة كنت أثق بالناس وبسرعة أنصدم فيهم ...كانت النظرة سوداوية... حزينة...!

كانت ثقتي معدومة تماااااااامااااا.. ماكنت اشوف نفسي حلووووووة ابد.... كنت حساااااسة جداً,,, المواقف بسرعة تكسرررررني...كان لي حضور لكن

ماستغليت هالشي لصالحي ابد...يمكن لأني مافهمت نفسي صح!

بصراحة اكثر اشوف نفسي عاااديه جدا... لكن الذي لااله الا هو كنت أشوف نظرات الي حولي اعجاب.. ابد ماكنت مقتنعة داخلي ..و.كنت دايما احطم نفسي.... لما

اسمع احد يمدحني..... كنت أخذ كلامهم من باب المزح او التريقة ...

كنت اشوف عيوب الدنيا كلها فيني..جد استغرب ليه هالغباء فيني... ليه مصره أكون سلبية ! .. مع ان الي أشوفه في عيون الناس شي

ثاااااااااااااااااااني....

ومع كثرة نصايح حبايبي .. وقفت وقفة جاااادة مع نفسي... كشفت اوراااقي ابي افهم وش ابي بالضبط.... وليه مااحب

نفسي.. ليه مااقدرهاا... واكون على ثقة فعلا اني جميلة....ومن خلال نظرتي للحياة وللناس تتغير اشياء كثير....

وفعلا قررت اجمع كل فكرة تافهه وأحسها ممكن ترجعني ورا.. وأدوس عليها وأبدلها بشيء إيجابي. يخليني اشوفني كبيرة بعيوني ...اولها أترك الحساسية ... ارميها بكبرها ورا ظهري... لان نفسيتي محتاجه اربيها من جديد .. ان الحياة حلوة وأجمل

بكثيررر لو افهمها.. واعرف ان الناس مو هم غايتي ولا حياتي راح توقف عليهم..... خاصه المواقف الي يكون فيها سوء فهم... او اذا احد جرحني كنت اقلبها فلم

هندي.... وانواع الدموووع والالم النفسي!

اذاً أول خطوة حتى اطور شخصيتي اني ماهتم بكلام الناس... بالعكس مايتكلم الا غيوووور.. لان لو يحبك بيواجهك بعيوبك... وبيحرص يكسبك للاخير.....

والله اني شريت راحتي... صرت اسوي اللي يعجبني.. والي يعجبني بسسسسسس.. المهم مايغضب ربي.... وبنفس الوقت يخدمني...وتعودت على كلامهمممم ورميته بالهواء...جننتهمم

ببرودي وحياتي الي عايشتها بالطول والعرض .ورقيت أول درجات النجاح من هنااا...

حسيت اني اقدر انجح في حياتي ومن جميع الجهات.... كنت محتاجة ازرع الثقة داااخلي... اني حلوة... لي حضوري.. وشخصيتي ....

وكانت لي تجربة ناجحة جداً مع مديرتي ... لما قررت أغامر وأكتشف شخصيتها لان كثير كان مايحبها...وبينها وبين المعلمات حواجز ..وفعلا لما

دخلت حياتها وصرت قريبة منها .. عرفت ان ربي رزقني بأخت ناااادره في كل شي...فهمت شخصيتها .. حبيتها .. واعتبر هالتجربه من احلى التجارب الي مريت

فيها.. بما انها كانت شخصيتها قوووويه ولا أحد يتجرأ عليها .. حتى كانو معانا بالمدرسة كم اخت لها لكن مايقدرون يقنعونها ويرضونها ...!!

المغامرة حلوووة وجابت نتيجة واثبتت لي أن بالتعامل الجميل تقدرين تسوين انجازات في حياتك حتى مع أصعب الناس تعاملاً





حياتي كانت بدون تنظيم....لاهدف..

قررت احذف من راسي كل الافكار السلبية ... والنظرررة الغبية عن نفسي.....وفعلا ي خواتي... شفت اشياء حلوه في حياتي ماكنت انتبه لها أو ماعطيتها إهتمام!!

... وحبيتها كثير,,,, الحين اي وحدة تمدحني ابتسم واشكرها

قبل كنت ارد وين الجمال الي تشوفينه.. واسب نفسي... وووع ... ومن هالكلام اللي يخسفك بالارض.. وهذا والله اكبر غلط تسوينه بحق نفسي... ححتى لو

فعلا مو جميلة... انتي شوفيها حلوة... مميزة... وهالنظرة بتنعكسسس على الي حولك وبيشوووفونه...

بديت اهتم واخطط انحف باي شكل ... لان لما انحف معناتة اصغر اكثر وأحلوو اكثرر...حطيت هالهدف قدامي...وحققته بأمر الله وصبري يارب لك الحمد على جميع نعمة علي.

....وفعلا خلال شهور طويلة نزززلت وصرت البس واكشخ. مارة... وادلع نفسي....الي تشوفني اول مره تتوقع لسى بنوتة ومادرت ان بنتي الان مراهقة !

ومن خمس سنوات وللحين انحف اكثر لكن بعقل .. صرت احب الرياضة وتغذيتي صحية من فضل الله

كل هالاشياء اسويها لنفسي .. عشان ارضى عنها واحبها

ماكان هدفي لازوج ولا ناس ولله الحمد



والله ماشفت هالاشياء الحلوه الا لما قررت اغير نفسي للافضل.....ماتتخيلون لما تكونين بمجلس وفيه ملكات جمال لكن انظارهم عليكك... رغم اني مااجي ربع

جمالهم... لكن لاني قررت اعطي ( كلي ) الثقة التامه.. ..واقدر افرض وجودي ... قدرت وبهدوء...

لاتكونين ابد ثرثارة.... او كتومة يجيب جوك الهم والملل...احكي اذا حسيتي انه وقتك .. واسكتي اذا فعلا مافيه كلام يستحق ينقال..... لاتسبين ..

ولاتطولين لسانك ابد على احد.. وكنك بحراج... نظرة الكل لمثل هالشخصية انوو ضعيف... والشخصية مافيه... لاتعطين انطباع سيء للي قداااامك ويكره جلستك.. وانتي اصلا بتطيحين من عينك...
ابد ماعمر الدفاشة وقلة الحياء اسلوب.. او سبب تكسبين فيه قلوب الي حولك......

قدمي الاعتذار اذا اخطيتي و حسيتي إنك جد جد بموقف المخطيء.... ولاتبالغين في اعتذارك ابد..... مهمتك الى هنا خلصت... لاتذلين نفسككك لمخلووووق مهما كانت غلاته....




تعلمي اسلوب الكتمان والتغاضي... ومو اي شي تعيشينة تقولينة... الناس ابد ماتهمها تفاصيل حياتك....لاتظهرين لهم انك المظلومة .. المكسورة..

وتكثرين من الشكوى.... صدقيني هالشخصية غير مرغوبة ... ألجي لربكككك في كل وقت.... هو الي يسمعكك..ولو احتجتي لمشورة او رأي مو اي أحد

يستحق تحطين الثقة فيه.....اختاري شخص يخاف الله ومو عاطفي ابد... لانه يمكن يجاملك ويقويك على غير سنع وتظلمين الناس ....

إبتسامتك حاولي قد ماتقدرين تكون لها تأثير على الي حولك...اعرف وحدة الله يسعدهاااا كانت دوم مبتسمة.. يعلم الله كانت تسحرني بشخصيتها وهدوءها ...وكان لها

تأثير إيجابي على الكل...ومن الشخصيات الي مو ممكن انساها....

كلامك لايكون تشاؤمي ابد... وكله تحطيم وتشوفين الناس كلهم ظالمين... ومافيهم خيرررر... الحياة مهما كانت حلوووه.. واذا فيها ناس تعرف تجرح..

وتقسى ...وتظلم.. في ناس للحين تخاف الله ... وقلوبهم بيضاء... يبون الخير للكل..... انتِ تفائلي بس... وبتتغير نفسيتك للافضل...

كلامك كله تفاؤل.. وايجابية... ورضا... والضربة الي ماتقتلك.. تقويك.....خلي أمورك الخاصه بعيدة عن تطفلات الناس ..وعن شماتة الإعداء..

كل يوم يمر عليك اعتبريه تجربة جديدة وعمر جديد أحلى......

خذي دروس من الحياة... تستفيدين منها ... تعلمكك أن الناس مو مثل بعض.. وانك مو لازم تعجبين الكل......






شخصيتك لاتكون في جمود... لاتعيشين الروتين ...وتتكيفين عليه..ترا بتصيرين كذا ملولة بالدرجة الأولى....خليك كل يوم بحال.... شعرك ..
لبسك... اهتمي بالميك ابد بأدق التفاصيل النسوية...

لسانك عوديه ع الكلام الحلو...( لبيه .. امري.. فديتك..ي عسل .. ي قلبي.. حبيبتي.. والدعوات المؤثرة لكل احد يقدم لك خدمة... هذي بالذات شفت لها تأثير عجيب على الي حولي... والرسول ماحرص على قول الكلمة الحلوه الا لأن أثر على النفس.. فلا تحرمينهم من هالشي ولك أجر ي غالية.


خليك دووم بإحساس الإنثى.. المرغوبة... السيدة الإنيقة... الطفلة الي كلها دلع بحلاوة روحها ولطافتها...

اكثر الناس تحب الشخصية القووووية ... الي تعرف تصبر على ظروف الحياة .. وتفهم النفسيات .. وتاخذ من الحياة أجمل المواقف والدروس....

ماتكسرها كلمة
حاقد.. ولا نظرة حاسد... ولا وقاحة غيور...

عيشي حياتك مثل ماتحبين ..مو مثل مايبي الناس.....لاتتركين احد يتدخل بحياتك واختياراتك...إلا إذا احتجتي له.....


خليك ِجريئة بالدرجة الي ماتوصل أبد للوقاحة...اضحكي مع الكل بس بدون مبالغة ... ولا ميانة تطيح هيبتكككك ..أسألي عن الحال... اهتمي بالي قدامككك وعطيه


من وقتك واسمعي له لو حسيتي انه محتاج لك.. وبيدك حلول تغيرين جوه....لكن ابد لاتوصل لدرجة اللقافة..( .. يلا تكلم... الا لازم تقولي ... والله


تقول لي ... ترا بزعل ...) تعاملي مع الموقف بهدوء وحكمة .... كوني الحنونة... اللطيفة... الأمينة....المثقفة ... اعتمدي كثير على القراءة


في تطوير الذات... وبتلاحظين كيف ممكن تخدمين نفسككك وتكسبين حولك ناس وحبايب....


كوني علاقات مع الي حولك... لو حسيتي ان حياتك محتاجة تجديد....


ونصيحة لاتكون ابد ابد ابد قراراتك متسررررعة... صدقيني أول من بتظلمين نفسك....بالعكس خذي الأمور ببساطة وتقبلي الواقع مثل ماهووو....واعرفي كيف


تعايشين معه بأقل الخسائر العاطفية... والنفسية...




ونقطة مهمة فاهمينها الناس غلط... انو كل ماكنت رسمي وغاااااامض فرضت احترامكككككك .. ابداً الموضوع مو كذا....

حلاة العمر بالمشاركة والاختلاط بالناس والتودد لهم بالطريقة الي تحفظ كرامتك واحترامك في عيونهم...
وكانت اول خطوة صلحتها اني ابتعد عن الرسمية مع طالبااااتي واكسبهمممم ..ومعروف ان التعامل مع المراهقات صعب جدا ..لكن ماخليت هالشيء عائق قدامي .. حاولت

قد مااقدر اتعامل معاهم كصديقات .. قريبات مني.... حصتي ابد ماكانت تعتمد على الرسمية والشرح واطلع... كنت اعطيهم جوهم واهتم بنفسياتهم كثيررر ...

واسمع لهمممم... والحمدلله كانت الامور كلها في صالحي... الكل كان يستغرب علاقتنا الحلوة .. وكيف ان درجاتهم جدا جميله عندي وفي مواد ثانية لا....!

وصرت احب عملي كثير ....الله لايحرمني الأجر,,, ويسامحني على التقصيررر...

والتعامل الرااااقي ي غوالي يسوي أكثر.. بس عطي نفسك الثقة ... وخليك مؤمنة أنك دوم مميزة ..لكن بدون غرور .وطوعي كل الظروف لصالحك يرتاح

بااااالك....عودي نفسك على هالعادات ومع الوقت بتملكين شخصية ساااااحرة بكل ماتعنية هالكلمة ي غلاي.

وفي الأخير.. كتبت لكم تجربتي بالحياة والله ينفعني بها..ويسخر لكم ويسعدكم دنيا اخره

فديتكم من ( قرأ لي / أ ومر بصمت)

كتبته ونصحت به / قلبُ أدمته الجراح


66
12K

يلزم عليك تسجيل الدخول أولًا لكتابة تعليق.

تسجيل دخول

Rahuma
Rahuma
كلام رآئع يستحق القراءه موضوع فيه كميه من
التفاؤل وحب الحياة
هويام حرم سوليمان
كلامك اكثر من رائع ...ربي يحميك
جانيار
جانيار
من اروع المواضيع اللي قرئتها في المنتدى
مشكورة ع الموضوع التحفة
ام رهف81
ام رهف81
من اروع المواضيع اللي قرئتها في المنتدى مشكورة ع الموضوع التحفة
من اروع المواضيع اللي قرئتها في المنتدى مشكورة ع الموضوع التحفة
ليس مهما
ليس مهما
جميله جدا ربي يعطيكي الف عافيه وكنت محتاجه مثل هالنصائح