كوكيزشوكو @kokyzshoko
محررة
شوفو وش صار بالثمامة اليوم
اليوم بنات رحنا الثمامة من زمااااااااااااان مارحنا لها المهم وحنا راجعين شفنا ناس متجمعين طبعا حنا لازم نمر من جنبها لانها جنب طلعة على الشارع وحنا مارين الاالدباب مقلوب والولد طايح على وجهة وكلة دم وتراب ياربي شكلة يحززززززززززززززززززززن حاول واحد يحركة شكلة ماادري بس مايتحرك ووجة لافة يعني ملامحة واضحة تمنيت اني ماشفتة عمرة يمكن 13 واصيح على زوجي اسرع مابي عيالي يشوفونه قالي وش تبين اطير زحمة الناس قدامي ووراي لانة مكان للنزلة والطلعة يسمونة تحويلة على ما اظن وتعرفون السعوديون يحبون التجمهر اللي مايفيد الا بحب الاستطلاع على انة تو ة صاير مافية ناس كثير بالحيل بس السيارات يهدون يناظرون ومدري احد حدة بسيا رة او دباب او هو مسرع انا انصدمت لما شفتة وجلست ابكي وبنتي تقول ياماما وين الاسعاف بسم عليهم عيالي احسهم اخترعوا وولدي ابد ماتكلم ياربي يابنات تكفون احذروا من الدبابات وربي ضررها اكثر من نفعها وهي كل مالها بزيادة :06: ياربي جالسة افكر في امه انا مدري وش صار فية بالضبط ان شاء الله انة طيب مع ان شكلة يوحي بغير كذا وحنا رايحين الا الاسعاف مقابلنا يارب يكون مامااات استغفر الله ياربي خنقتني العبرة وعلى فكرة امس وحنا راجعين من عشاء الا ومجموعة شباب موكبار لا صغار يعني ابتدائي ومتوسط على سياكل مو دبابات واحد والله واقف والسيكل يمشي وجلس كذا مسافة طويلة والثاني مسوي غزالة وكلهم يستعرضون وهم قروب يمكن 13 او اكثر وكان ولدي مبسوط عليهم ويصفق الله يهديهم والوقت متاخر لية يابنات كذا الناس ارواحهم رخيصة عشان هالانجازات اللي يصفقون شوي والا بعد يسفهونك ولدي انبسط على اللي بالسيكل مرة ولما شاف الدباب اللي اليوم قال لا خلاص خطر الدبابات والسياكل سبحان الله كنة درس لهم والله يحفظ عيالنا جميعا بنات اللي تعرف شي عن حادث الثمامة ياليت تطمنا :time: ورسالة لكل اب وام انهم يحرسون على عيالهم من الدبابات ويستودعونهم الله في كل مكان يروحون واعذروني على الاطالة
42
5K
يلزم عليك تسجيل الدخول أولًا لكتابة تعليق.
(سوسو )
•
ايه اليوم كنا هناك واشوف اسعاف رايح واسعاف جااي
قلت يارب رحمتك وش صاير
اثاري الموضوع كذا
الله يقومه بالسلامه
والدبابات هاذي كلها ضرر والله اليوم اشوف شباب ع الطريق السريع يستعرضون فيها يعني يكونوا ع الدباب اثنين ويرفعونها ع كفرتين والله كل ما مامر واحد اقول ياربي ذالحين يطيح صراحه شي يخوووووف لو يطيح دعسته السياره الي وراء
ما غير اغمض عيوني لها الدرجه مرخصين با ارواحهم حرام عليهم كذا
يعطيك العافيه اختي
قلت يارب رحمتك وش صاير
اثاري الموضوع كذا
الله يقومه بالسلامه
والدبابات هاذي كلها ضرر والله اليوم اشوف شباب ع الطريق السريع يستعرضون فيها يعني يكونوا ع الدباب اثنين ويرفعونها ع كفرتين والله كل ما مامر واحد اقول ياربي ذالحين يطيح صراحه شي يخوووووف لو يطيح دعسته السياره الي وراء
ما غير اغمض عيوني لها الدرجه مرخصين با ارواحهم حرام عليهم كذا
يعطيك العافيه اختي
الصفحة الأخيرة
لا إله الا الله رب السماوات السبع و رب العرش العظيم ..
لا إله إلا الله وحده لا شريك له ..
له الملك .. و له الحمد و هو على كل شيء قدير ..
الحمد لله الذي لا إله إلا هو .. و هو للحمد أهل .. و هو على كل شيء قدير ..
و سبحان الله .. و لا إله إلا الله .. و الله أكبر .. و لا حول و لا قوة إلا بالله ..