انا بعد ابي اشتري غساله والبنات مدحوا ميتاج بس لما رحت اشتريها لقيت حجمها صغير مافي كبير

بصراحة احسن شي الغسالة العادية تعرفون ليش لنه تتحكمين بكمية الماي اللي تحطينة فيها ام الاتواتيكية فتظطرين تملينا كامل هاذا اللي اعرفه على العموم استفدت منكم بعض اسامي الغسالات الاتوماتكية لانكم شجعتوني آخذ وحدة ويا اللي معاي العادية حق البطانيات
ويسلمو

اختي انا شريت من كم شهر نوع ادميرال امريكيه (كلش صار امريكي حسبنا الله ) سعرها 4500 كاش لازاد ريال ولانقص طبعاً غساله مع نشاف حجمها كبير .
من مميزاتها ممتازه جداً لغسل البطاطين وتجففها وكأنها ماغسلت بالماء (يعني طلعيها من النشاف وتلحفي فيها ما يحتاج يوم كامل لنشرها في الشمس حتى تجف )
وتخرج البطاطين ناعمه حتى من دون منعم او ملين .
وايضاً تجفيفها للملابس ماعليه كلام خرجيها وهي حاره وعلى طول رتبيها في الدولاب بس لاتنسي بعض الملابس تحتاج لتعقيم في الشمس .
والصوت عادي ماهو مزعج .
اما التغسيل والله ماعجبتني مره احس انها ماتنظف زين البقع غالباً ماتروح وعلشان كذا انا رجعت واستخدمت غسالتي العاديه والفرق واضح بيناتهن من ناحيه النظافه وخاصه للملابس البيضاء .
او يمكن لها طريقة معينه للتنظيف بس انا ماعرفتها ياليت احد له خبره فيها يعطينا .
انا من رأيي انك تستخدمين الغساله الأتوماتكيه للبطاطين والشراشف والستائر والحاجات الكبيره اما الملابس مالك الا الغسالات الصغيره .
وايضاً من سلبياتها استهلاك الماء بكثره يعني كل غسله وتخرج لك المويه علشان تقوم بشطف الملابس لكن الغسالات العاديه انتي تتحكمي متى تغيرين الصابون اما هذي فلا تخرج الصابون حتى ولو كان هو نظيف .فأنا اقوم في هالحاله واحط مقدار الصابون على كميه الملابس ماازيد فيه .

بس هذا اللي عندي وحبيت افيدك بما طلبتي واي سؤال ابشري .

نصيحتي لك زي ماقالوا البنات
لا تفرطين بالغسالة العادية اللي تعبأ من فوق لأنه مو كل الملابس تنغسل بالاوتماتيكية
واشتري المجفف منفصل عن الغسالة احسن
والغسالة بدون مجفف تعصر وتجفف 70 % وتنشرين الملابس على منشر داخل البيت اذا حبيتي لأنها معصورة وما تقطر

واسعارها من الف ريال وفوق (بدون مجفف)
ازعاجها حطيها بمكان بعيد عن غرفة النوم لأن لها صوت عند العصر
ماركاتها كثيرة على حسب فلوسك واحتياجك
الصابون بتستخدمين اريال او غيره خاص للغسالة يعني اذا متعودة تغسلين ملابسك بشامبو خفيف عشان ماتخرب ماينفع تحطينها بالغسالة

عندي ويرلبوول ميزتها فيها نص غسلة اذا بتغسلين ملابس شوية
تنظف بقوة استخدمها للمناشف والملابس الداخلية والبيت
والبلايز والتنانير والعبايات استخدم الغسالة العادية

جربتها وهي فعلا ممتازه ومريحه ...

عندك غسيل ابيض او ملون او بس مويه " يعني تشطف الملابس من الصابون إذا كنت خايفه على بعض الملابس وغسلتها بيدي " .... ودرجات " كميه " المويه 3 درجات قليل وسط و كثير
وحراره المويه ......

والتجفيف فيه اتوماتيكي 100% او بدرجات حسب الرغبه

وهي كبيره تصلح للمفارش واطقم الحمامات والفوط علما باني احطها بدون منعم ملابس بالنسبه للفوط ومع التجفيف الاتوماتيكي تطلع ناعمه ودك تنامين عليها .....
وفيه بعض الملابس مايصلح تجفف 100 % لانها تشمر او تكمش فاكتفي بالغسل فقط وهي اصلا تطلع الملابس معصوره وناشفه بنسبه 80 % وانشرها على طول ...

اما الملابس الداخليه تجفف 100 % اطلعها من المنشف وابخرها واصفطها وعلى الدالوب