مرحبـــــــــــــــــــــااا
بداية اشكر كل الاخوات اللي سألوا عن سر غيابي الفترة الماضيه
وحبيت انوه للاخوات اللي بعدهم ما وصلتهم علب السويت دخون اللي وعدتهم فيهم بعد خروج الوالده بالسلامه من المستشفى انه قريب
بتكون عندهم لاني انشغلت بس شوي
والسموحه منهم
المهم .......... ندخل في موضوع حلقة اليووووم
قبل فترة طويله انا نزلت سويت دخون واللي كان على شكل حلاوه
وهذا الرابط الخاص فيه
http://forum.hawaaworld.com/showthread.php?t=511806
وراح ارجع انزل صور لنوعين من السويت دخون في موضوع مستقل ان شاءالله
اليوم بعد ما نزلت السويت دخون وكيكة الدخون وطبعا كلها حلويات وانا طبعا اموووت في الحلويات واموت اكثر في الحركات الغريبه
والغير تقليديه يعني ما احب اقدم شي جي بشكل عادي وبدون تميز
جديدي هالمره من مجموعة السويت دخون بس شكل ثاني
وهالمره اسمه كاندي دخون ...!
شو هو الكاندي دخون هذا؟
هو نوع من الدخون على شكل مصاصة الحلاوه
كيف الشكل؟
عباره عن عبوه زجاجيه فيها الدخون وملحق معاها كرتون صغير على شكل مثلث فيه غرشة عطر صغيره للشنطه
شو المحتويات بالتفصيل؟
المحتويات عباره عن
12 مصاصه او بالاحرى الدخون على شكل مصاصه وحجم الحبه كبير مب صغير
2 سائل مثل الكريمه واحد منهم مقوي لريحة الدخون والثاني مغير للريحه
ملعقه صغيره
مقص صغير علشان يسهل عليج فتح المصاصه
زجاجة عطر صغيره بنفس رائحة الدخون للي تحب تركز رائحة الدخون اكثر على ملابسها
بالاضافه الى ورقة صغيره فيها توضح كل شيء في المجموعه
الرائحه؟؟؟
ريحة هالدخون هالمره مختلفه
لانها جايه على ريحة الشوكلاته مع السويت
طبعا هي فرنسيه مب عربيه
معلومات اضافيه عن هالدخون:
اللي يميز هذا الدخون عدة اشياء
اول شيء شكله المرح نوعا ما
ثاني شيء ريحته اللي جايه على سويت
ثالث شيء وجود عبوتين صغار فيهم نوعين من الكريمه الخاصه للدخون وهي سائله
وهاذي طريقة استخدامها كالاتي:
الكريمه البنيه هاذي نفس ريحة الدخون كل اللي تسوينه هو انج تاخذين شوية من الدخون الاساسي اللي هو على شكل مصاصه
وتحطينه على الفحم وبعدين تاخذين الملعقه الصغيره وتاخذين شويه من العبوه الصغيره اللي فيها الكريمه البنيه وتحطينها على الدخون
وجي بتكون الريحه عندج مركزه وايد وحلوووه
واذا حابه تغيرين شوي في الريحه لا تحطي من الكريمه البنيه وحطي من الكريمه البيضا بعد ما تخلطينها زين لان فيها حبيبات تعطيج
ريحة الفواكه
واذا حبيتي ريحتج تفوح اكثر تعطري من زجاجة العطر الصغيره اللي تجي مع العبوه
اقول تعبت من كثر الكتابه خخخخخخخخخخخ
باقي شيء واحد وهو السعر
سعر هالعبوه ( 12 مصاصه + 2 كريمة الدخون المركزه+ مقص + ملعقه+ زجاجة عطر بخاخ مركز)+ ورقة التوضيح = 120
درهم اماراتي
وممكن شحنها لاي مكان بدون ما تتاثر
وتقدرين تطلبين تغليف مميز لها اذا تبينها هديه
والحين انا برتاح شوي واخليكم مع الصور
ولا تبخلوا علي برأيكم ...
هاذي صورة كامله:
وهاذي من الجهة الثانيه:
وهذا لون ثاني للتغليف الحبات :
وهاذي المحتويات :
وطبعا ملحوظتي الدائمه:
لا أحل كل من تنقل افكاري او تقتبس منها او تنسبها الى نفسها سواء بغرض التجاره او الاستخدام الشخصي لا احللها الى يوم
القيامه
وياهلاااااااااااااااااااااااااااااااا
البلوووره @alblooorh
عضوة فعالة
يلزم عليك تسجيل الدخول أولًا لكتابة تعليق.
**ريمانيي** :حلوووووو لو سمحتي ممكن اعرف كيف التوصيل للعين؟حلوووووو لو سمحتي ممكن اعرف كيف التوصيل للعين؟
عيونج الحلوووه يالغاليه
والتوصيل للعين عن طريق شركات الشحن
لانه الحلو في هذا الدخون انه ممكن ينشحن لاي مكان بدون ما يتأثر
والتوصيل للعين عن طريق شركات الشحن
لانه الحلو في هذا الدخون انه ممكن ينشحن لاي مكان بدون ما يتأثر
الصفحة الأخيرة
لو سمحتي ممكن اعرف كيف التوصيل للعين؟