الكاتب : عمر الاخ الاكبر للمرحوم باذن الله مروان
بعد أن شاركت في مراسيم العزاء ، اعتقدت أن أحزاني على أخي ستزول بمجرد انتهاء المراسيم وذهاب الناس ، ولكن...
غصت كلماتي وسالت دمعاتي عندما رأيت أول صورة لأخي في المواقع والمنتديات وسمعت مقطع تلاوة بصوته ، وقرأت المقال الذي عرف بوصيته.
لم أعرف كيف أواصل يومي ، بل وكلما هممت بعمل شيء أتذكر صورته وصوته ، ويخيل إلي وكأنه أمامي يتلو ويقرأ القرآن
أخي الحبيب الذي لاقى حتفه في حادث مأساوي بتاريخ 29/2/2008 ، من أجله كتبت هذه الكلمات ، وأدعو الله أن يتقبله شهيدا عنده اللهم آمين
إلى الجنَّات يا مروانْ
غدوت وكلُّنا أحزانْ
ودمعي سال من عيني
دموعي أصبحت بركانْ
أعيش وداخلي جرحٌ
فقدنا بلسم الإنسانْ
بصدري حلَّ إشفاقٌ
وآهاتٌ كما أشجانْ
لفرقاكم عن الدنيا
تقطَّع قلبنا الولهانْ
فيا حزني لمن أشكو
ومن يروي شذا الابدانْ ؟
لقد كنَّاعلى عهدٍ
على التُّقيا على الإيمانْ
وكنت أخي لنا حقًا
سراجًا يضوئ الأكوانْ
رحلت أخي عن الدنيا
فغبت وأشرقت أحزانْ
تركت الكل منصرفا
غدوت إلى لقا الرحمنْ
غدوت إليه مشتاقًا
للقيا خالق الأكوانْ
فأنت أخي بمكرمةٍ
وعند الله كيف تهانْ ؟
أخي والله ما أدري
أأحزن أم أكنْ فرحانْ ؟
ففرقاكم تؤرقنا
تروِّي الهمَّ في الأبدانْ
ولقياكم بخالقنا
تزيد سعادة الوجدانْ
أخي كم كنت نبراسًا
تضيء الدَّرب للحيرانْ
ستبقى يا أخي دومًا
لنا رمزًا مدى الأزمانْ
دعوتك ربُّ أن ترضى
وتغفر زلَّة العصيانْ
وأدخل ربي مروانًا
جنان الخلد والإحسانْ
تقبل ربي مروانًا
شهيدًا عندكم بجنانْ
وثبِّت أهله ربِّي
على التقوى بلا نسيانْ
ويا رباه عاونِّي
وثبِّتني على الإيمانْ
دعوتك ربُّ بلِّغني
وفاةً مثلما مروانْ
-----------------------------------
لا تبخلوا علي بآرائكم وانطباعاتكم
طلب بسيط :
أتمنى لو يقوم أحد المصممين المحترفين في هذا المنتدى بعمل تصميم باستخدام الفوتوشوب أو غيره من البرامج ويضع القصيدة فيه
كما أتمنى أن يرسل التصميم لي على الخاص
لأني بصراحة أنوي تقديم هذه القصيدة لأمي وأنوي طبعها وتكبيرها لأقدمها هدية لأمي في لوحة
هل أجد من ينفذ لي هذا الطلب البسيط ؟
وهنا أخر مشاركة للمرحوم مروان في المنتديات!!!!
من وصايا المغفور له بأذن الله تعالى
مروان خالد الحمر
--------
السلام عليكم
اخواني وخواتي شخباركم
ان شاء الله الكل بخير
اليوم بس حبيت اكتب موضوع من عندي عشان الكل يستفيد ان شاء الله
واتمنى من الكل يقراه كامل ومحد يكتب رد من غير مايقراه كامل
_ - _ - _ - _
بسم الله
ياجماعة تدرون كلكم اننا وايد مقصرين في حق الله
وانا اولكم يمكن
فحبيت اذكر لك واذكركم لانه يمكن تعرفون هالاشيه اب جمن شي بسيط تسويه في يومك ويمكن ماياخذ ((نص ساعة)) من يومك كامل
ولك ان شاء الله فيه اجر وفايدة ماتتصوره باذن الله
_ - _ - _ - _
خلونا نبتدي
من في اليوم مايرتكب ذنوب؟؟
اكيد كلنا نرتكب ذنوب سواء كانت كثيرة او قليلة ومافي احد يقدر يقول لي لا انا مارتكب "كل ابن آدم خطاء (صحيح)"
وقط فكرنا الحين جم علينه من الآثام والذنوب؟
انزين ليش مانكفر هالذنوب في اقل من دقيقة ؟؟
ليش مانقول سبحان الله وبحمده 100 مرة كل يوم وتروح عنه كل هالذنوب ؟؟
قال صلى الله عليه وسلم:"من قال : سبحان الله وبحمده ، في يوم مائة مرة ، حطت خطاياه وإن كانت مثل زبد البحر (صحيح)"
انا جربت على روحي وشفت اني اقدر اقول "سبحان الله وبحمده" 10 مرات في 5 ثواني
فخل نحسبها
5 ثواني * 10 مرات = 50 ثانية
يعني كفرنا كل ذنوبنا في اقل من دقيقة ؟
صعبة هاي ؟؟
ملاحظة:
المقصود الذنوب الصغيرة لانه الذنوب الكبيرة ماتكفرها الا التوبة
وان شاء الله باحط موضوع عن كبائر الذنوب اذا الله قدرنا
_ - _ - _ - _
شي ثاني
وانا اشوفه الصراحة وايد مهم واتمنى من الكل انه يسويه
الكل يدري انه مهما طال العمر فلازم بنموت كلنا (الله يرزقني واياكم حسن الخاتمة)
قط احد سأل روحه
شنو بتكون حالتي في القبر؟
باثبت عند السؤال او لا ؟
قبري بكون روضة ولا حفرة؟
انزين يمكن الواحد يسأل شاسوي انزين عشان اضمن انه مااتعذب ؟
طبعا في شي بسيييط بعد تسويه كل ليلة وباذن الله ماراح تتعذب
كل ماعليك انه قبل ماترقد
تيود المصحف
وتقره سورة الملك كل ليلة
عن عبدالله بن مسعود رضي الله عنه قال من قرأ تبارك الذي بيد الملك كل ليلة منعه الله عز وجل بها من عذاب القبر وكنا في عهد رسول الله صلى الله عليه وسلم نسميها المانعة وإنها في كتاب الله عز وجل سورة من قرأ بها في ليلة فقد أكثر وأطاب
وخل نشوف جمن بياخذ من وقتك الثمين ذي
اهي صفحتين ونص
وانا عني ياخذ لي 5 دقايق واذا مب اقل
وطبعا السورة وايد سهلة وبعد القراية من المصحف جمن مرة بتلاقي روحك/روحج حافظها
_ - _ - _ - _
شي ثالث
الحين لو سوينه هالشيين فوق نقدر نقول الحمدلله
كفرنا ذنوبنا
اتقينا عذاب القبر
انزين وبعدين
شنو نبي نوصل له احنا ؟
مانبي ندخل الجنة ؟
انزين شلون نضمن انه ندخل الجنة بعد ؟
الواحد يسأل في ضمان ؟
نقدر نقول له اي باذن الله ؟
كل اللي عليك انك لما تصلي
قبل لا تروح بيتكم
اقره آية الكرسي
من قرأ آية الكرسي دبر كل صلاة مكتوبة ، لم يمنعه من دخول الجنة إلا الموت (حديث صحيح)
شنو يعني هالكلام ؟
يعني الشي اللي بينك وبين الجنة اهو الموت
شنو احسن واسهل من هاي ؟
وخلونا نحسبها بعد
آية الكرسي اقل من نص صفحة تقريبا بشوي
انت شكثر يبي لك عشان تقره نص صفحة
دقيقة - نص ؟
خلنا نقول دقيقة مب نص
_ - _ - _ - _
بالنسبة لي هاي الاشيه الأساسية اللي كانت في بالي واللي اتمنى انه الكل يداوم عليها
والحين بنكتب بعد اشياء اضافية وبعد مفيدة
_ - _ - _ - _
انزين نقدر نقول بعون الله وباذنه
اذا سوينه آخر شي دخلنا الجنة
انزين في الجنة وين بنسكن ؟
اكيد كل واحد يقول في البيت اكيد
انزين ليش بس بيت واحد ؟
ليش مانكثرهم شوي
من صلى في يوم اثنتي عشرة ركعة بنى الله له بيتا في الجنة ، أربعا قبل الظهر ، واثنتين بعدها ، واثنتين قبل العصر ، واثنتين بعد المغرب ، واثنتين قبل الصبح
جم نعطي هاي
ربع ساعة ؟
انا اشوف ربع ساعة اوكي ولو انه تصير في اقل
_ - _ - _ - _
اممممممممم شنو تقدر نسوي بعد
اييييي تذكرت
الحين الصيف والكل يدري بهالشي
واكيد الكل يطلع ويدور سواء كان في المجمعات او السوق او غيره من الاماكن العامة او الأسواق
على العموم شرايك وانت داخل السوق تحصل لك حسنات ماتتصورها في 10 ثواني واذا مب اقل
من دخل السوق فقال لا إله إلا الله وحده لا شريك له له الملك وله الحمد يحيي ويميت وهو حي لا يموت بيده الخير وهو على كل شيء قدير كتب الله له ألف ألف حسنة ومحا عنه ألف ألف سيئة ورفع له ألف ألف درجة
اممممم
الف الف الواحد يسأل يعني جم ؟
خل نحسبها
وجم بياخذ ذي قلنا ؟
شنو اسهل من هلون ؟
اممممم
الف الف الواحد يسأل يعني جم
خل نحسبها
1000*1000=
1000000 حسنة تزيد
1000000 سيئة تروح
1000000 درجة تنرفع
وجم بياخذ ذي قلنا ؟
10 ثواني
شنو اسهل من هلون ؟
_ - _ - _ - _
في وايد اشياء نعرفها
لكن ماحبيت احطها كلها عشان مانكثر عليكم ونمللكم من الموضوع
ياريت بس لو نسوي هالأشياء البسيطة ولكم الأجر باذن الله
وخلونا قبل لا نختم نشوف شقد هاي بس بياخذ من وقتنا
سبحان الله وبحمده (50 ثانية) + سورة الملك (5 دقايق) + آية الكرسي (دقيقة) + اثنى عشر ركعة (15 دقيقة) + دعاء السوق (10 ثواني)
فيصير المجموع
لكن شوف في هال21 دقيقة شنو حصلنا انا وياكم 21 دقيقة بالضبط من 24 ساعة
_ - _ - _ - _
اتمنى انه نكون كلنا استفدنا من هالموضوع البسيط
واتمنى انه الردود تكون ردود فعلا تشجع وتثبت انه ناويين نسوي هلون
واللي حاس نفسه مشغول كلش كلش ومايقدر يعطينه من وقته هال21 دقيقة بس خل يراجع روحه شوي ويشوف شكثر اصلا باقي له في الدنيه
بيد المرحوم:
مروان الحمر
قم بنشر هذا الايميل حتى يرجع الاجر و الثواب للمرحوم مروان خالد الحمر ..
وسلامتكم ........