الوحام والطبخ

اطبخي مسلوق


وابعدي عن الكشنه لاتغصبي نفسك بتستفرغي وتتعبي

ولدك سويله مكرونه خضار وفوقها قشطه وجبنه

او جيبي كبه وبطاطس وكرات البطاطس وكباب ودجاج متبل وتكون مفرزنه وقت ما اشتهيتو دخليها للفرن بدون قلي عشان لا ترجعي وسوي رز وسلطه كثري من السلطات


وعشاكم نواشف ❤️


هيا فتره وتعدي الله يخارجك ب السلامه 🌹


دعواتك اعرس 😂❤️

والله حالتي مثل حالتك
عاد انا عندي طفلين وملزومه اطبخ لهم
وزوجي بالمرة م يحب اكل المطاعم
الله يصبرنا ع هالوحام
وان شاءالله الاخوات يساعدونا بأفكارهم

ابعدي تماما عن الكشنة
سوي دجاج بالفرن وحطي معه خضار وبصل وثوم ودخليه الفرن وسوي معه رز ابيض
وعندك خلطة ماجي تجي مع كيس شواء حلو طعمها مرة وتفك ازمة

وعندك الكبسة البيضا اللي يسمونها كذا
تسلقين الدجاج ومع بهارات صحيحة وتدخلينه الفرن يتحمر وتسلقين الرز في موية ادجاج وتصفينه وترجعينه القدر شوي على نار هادية

وعندك المدفونة روعة جربيها

سوي لحم في القصدير وسوي معه رز ابيض او خبز

والله يعينك ويتمم لك عل خير

بصراحة اكل المطاعم ماش مو حلو الله يسهل لك

في طبخات لذيذه وماتحتاج كشنه .. 

زي مثلا سوي رز ابيض في قدر عادي معاه ملح زيت وفلفل لو تبغي ..

وفي قدر الضغط بتسوي دجاج برست ..
تقسمي الدجاج صغار بجلدها واذا تبغي تحطي عليها بقسماط حطي او عادي ساده ..حطي زيت في قدر الضغط يكفي للقلي وارمي الدجاج فيه وقففلي القدر تقريبا ربع ساعه او عشرين دقيقه والدجاج يجنن ومقرمش حطيه مع سلطه مع الرز ..
طريقه ثانيه ..هذي اسرع شي بالدنيا لما اكون هلكانه او مافيني حيل اطبخ ..لذيذ جدا وسريع 
جهزي صينيه حطي فيها دجاج مقطع ..حبتين طملطم وفلفل رومي و شوية زيت وشوية مويه وملح وصلصه وبهارات على ذوقك وثوم مقطع انصاص اذا مالك في الريحه وبصل شرايح وشرايح بطاط وغطي عليهم بالقصدير ..وساعه الا ربع وكل شي جاهز وريحته تهبل ..سوي معه رز ابيض او خبز ..

طبخه ثالثه.. 
كبسه سريعه ..فقدر الضغط  قطعي بصل وفلفل رومي وطماطم وزيت وحطي كل شي علي بعضه مع الدجاج وملح ومويه وبهارات حلوه واضغطي ..وبعدها الرز?  

طبخه رابعه ..

رز ابيض مسلوق ..بزيت وملح وفلفل 
بعد مايزين حضري الرز ..
افتحي علبه او علبتين في صحن تونه وعليها بصل مقطع شرايح وطماطم ..مره لذيذه احبها انا واطفالي وزوجي بعد ماكان مو مستصيغ تونه مع رز ..

طريقه خامسه ..


اسلقي مكرونه في قدر عادي مع بطاط مقطع وفلفل رومي وزيت وملح او بداله ماجي.. 


وفي الخلاط ع السريع اخلطي طماطم .. بصل .. عليه شوية مويه وصلصه وبهارات واذا تبغي بقدونس?  خليه كثيف ..

اذا قرب يزين المكرونه حطي عليه الخليط وخليه يغلي شويه لين ينشف وتغدي احلئ غدا ..كمان بدال المكرونه يصلح مع رز .. 

واذا تبغي افتحي عليها حبة تونه واخلطيها معه .. لذيذ بشكل .. سعبلت وانا واوصف .. والله يريحنا ويسهل ولادتنا يارب .. 

زيني كل شي مسلو ق مثل رز مسلوق مع زبادي وسلطه وبيض مسلوق قطعي معه طماط واحشي فيه الصامولي لاطفالك مفيد ويشبعهم او جبن اي نوع مع سلطه تحشين الصامولي ااو اسلقي دجاج بس ماء وملح وشويت بهارات اذا نضج دخليه داخل الفرن يتحمر وسوي معه رز ابيض او عدس مسلوق مع ماجي وفلفل حبه حلو وكثري لطفلك السوائل مفيده مثل العصاير والحليب واللبن ...... والله يعينك على الوحام كلنا مرينا بنفس الحاله