الله يفرج همك و يرزقك راحة البال و يقر عينك بولدك و يجعله لك خير سند يااااارب

يا حبيبتي اهدئي وتعوذي من الشيطان احنا اذا زعلنا دخلنا الشيطان وجمعنا كل السلبيات والسيئات فالزوج وراحت عن بالنا الايجابيات يالغالية الحياة الزوجية بين كل زوجين لابد من مشاكل وصعوبات وتوتر فالعلاقة مافي حياة كاملة ومثالية لابد من النقص تغاضي يااختي عن هالعيوب وكلمي زوجك بحب وحنان وافتحي له قلبك بكل شي بس بهدوء وبدون عصبية واسمعي منه وش مزعله منك ووش سبب تعامله كذا معك ياقلبي انتم لانكم ببداية الزواج ومابعد فهمتوا بعض وتاقلم كل واحد فيكم مع طباع الثاني تعيشون هالتوتر المصارحه حلوه بين الزوجين ولكن باسلوب هادي بعيد عن العصبية وبمحبه عشان يفتح كل واحد فيكم قلبه لثاني الطلاق ياقلبي يكون للمشاكل الصعبه اللي مالها حل مثل الضرب والسكر والهجر بدون سبب يعني وجود ضرر على حياتك معه وبالنسبه لجلوسك عند اهلك ارجعي لموضوعك الاول وشوفي ردي ترضين لولدك يتشتت بينكم فكري فيه مارح يسامحكم اذا كبر وعاش مشتت بينكم لانكم فكرتوا بس براحتكم ومافكرتوا تصلحوا الوضع بينكم عشانه عالاقل بالتوفيق حبيبتي

والله ثم والله ثم والله ماحد راح يفيدك غييييير قيام الليل واسالي مجرب طنشي العالم اللي حولك حتى ضناكي انسيه بهذي الحضه بس خليها لحضه صدق وانكسار وخضوع بين يدين رب العباد واطلبي منه ان يعدل حالك ويسخر لك زوجك ويصلح لك ولدك اطلبيه والحي بالدعاء والطلب وانتظري فرجه وتذكري ان ابغض الحلال عند الله الطلاق وعلشان ولدك تحملي واصبري تكفين طلبك لا تطلبين الطلاق علشان وليدك
اللهم نسألك ان تصلح زوجها وتهديه لماتحب وترضى من الاعمال والاقوال وتصلح لها ابنها وتهدى سرهم ياحي ياقيوم

حبيبتي حاولي معه،،ثم حاولي،،ثم حاولي،،،لا تتسرعي ،،،اصبري ان الله مع الصابرين،،،ادعيله في صلاتك،،،شوفي علاقتك مع الله كيف،،،حسني علاقتك مع الله،،،وصلاة الليل لاتتركينها والله انك تشوفين اثارها،،،ادعيله بالهدايه والتسخير لك،،،

تكلمي معاه ،،،ناقشيه،،،قولي انا احبك وما ابغى اخسرك ومتمسكه فيك وبيننا ولد وماودي يضيع ولدنا عشان شي تافه ومشاكل مالها داعي،،،قولي يالله نفتح صفحه جديده،،،ارجعي له عروسه،،،اهتمي فيه وفي لبسه واكله ،،،انصحيه على الصلاه ،،،ادعيله بالصلاح وان الله يرده لك ردا جميلا،،،،حاولي معاه حبيبتي،،،،لامن رجع من الدوام استقبليه احسن استقبال،،،بالبيت النظيف والريحه الزينه والاكل السنع،،،،حسسيه انه ملك،،،،حتى لو ما انتبه لهالشي عادي لاتقصري معه خليك اكرم منه واحسن منه وان شاء الله راح تلاقين الخير،،،،

الله يسخره لك ويسخرك له ولايحرمكم من بعض ويخليلكم الكتكوت الصغير رحمته والله ماراح يتعب غيره لامن انفصلتوا،،،،

نصيحه حبيبتي اخر شي تفكرين فيه الطلاق،،،،

بالتوفيق حبيبتي وانتظر تعقيبك،،،،

الله يفرج همك ويصلح بينكم