السلام عليكم ..
اخواتي بأكتب لكم قصتي وساعدوني ..
أنا متزوجة ولد عمي وأهله بمدينة ثانية بالشمال واحنا بالرياض
المهم كل شوي يروح أسبوع ورى أسبوع
انا تضايقت حيل من كذا
كم مرة اقولة اجلس هنا أيام الأسبوع مانجلس مع بعض زين مثل نهاية الأسبوع
ويعصب علي يقول تبين تحرميني أروح هناك
والمشوار طويل تقريبا 600 كيلو يروح الأربعاء ويرجع الجمعه ويقول الطريق تعب وظهري تكسر من السيارة وعلى هالموال .. واذا أحد سألني عنه وقلت سافر قالوا ماشاءالله كل شوي يسافر أتضايق مرره
والقضية الأكبر أهله وجماعته هناك ملاحظين بعد يقولون ماشاءالله عليه زوجك يبي هنا عندنا
وأنا أتضااايق مرره والا أحيانا يقولون ايه جو الرياض حار ماأحد يصبر عليه احنا جونا بارد مو مثلكم
وأسكت وأنا متضايقه وأحيانا أرد أقول عادي متعودين احنا عليها وعلى حرها وبردها ..
وهو مقدم نقل هناك وأنا بس أدعي ان ربي مايكتبله هالنقل
تخيلوا بنات أهله بقرية حتى المستوصف حقهم يجيب المرض واذا بغوا شي مثل سوق أو مستشفى ضربوا حوالي نص ساعه روحه ونص ساعه رجعه و أهل قريتهم ملاقيف مايخلون احد بحاله وأي شيء ينتقدون عليه
اذا رحت معاه بالاجازات أتضايق حيل وأطفش أعد الأيام عشان أرجع هنا
وتخيلوا بعد اذا رحنا هناك وجينا بنطلع أو نتمشى العيون علينا بسم الله
وكل ماأقولة نبي نجلس بالرياض يعصب علي ويقول أنا بأنقل وباخذ ولدي معاي
تعبت من السالفه مررره مأرقتني
ماودي اروح هناك هنا نطلع ونروح ونتمشى على كيفنا ماأحد يدري
وكل شيء متوفر مو مثل هناك ..
مرررة متضايقه ماأدري كيف أقنعه
المشكلة الأعظم أصدقاءة اللي قدموا نقل وجاهم كلهم مو نفس ديرتهم واحد ورى القصيم وواحد بقرية بعيده
وزوجاتهم عند اهلهم كل نهاية اسبوع يجون عندهم
وأخاف مصيرة مثلهم وأنا وين أروح أنا وولدي
وهو مايفكر عادي عنده ..
تعبت حيل من التفكير ماأدري ايش أسوي معاه ..
دلوني على الصواب أخواتي ..
الله يجزاكم خير
غرااااامي صعب @ghraaaaamy_saab
عضوة جديدة
يلزم عليك تسجيل الدخول أولًا لكتابة تعليق.
طيب اسالية هل ممكن اذ نقلتو يجيبك لااهلك ع الاقل كل شهر قولي مثل متبغى اهلك انا بعد ابغاهم
Om.Marwa
•
طيب اسالية هل ممكن اذ نقلتو يجيبك لااهلك ع الاقل كل شهر قولي مثل متبغى اهلك انا بعد ابغاهمطيب اسالية هل ممكن اذ نقلتو يجيبك لااهلك ع الاقل كل شهر قولي مثل متبغى اهلك انا بعد ابغاهم
واضح انو زوجك مش مرتاح في حياة الرياض ..و واضح انو عنيد من كلامك ..عندك واحد من اثنين :
يا إنك تختاري عائلتك و رضا زوجك و تروحي معاه وين ما راح ..
أو انك تختاري راحتك انتي ..و تشتي عائلتك و خلاص ..ما في حل ثاني ..
لازم واحد يضحي ...أو تفترقوا و السلام .
الصفحة الأخيرة
واذا مارضى عاد مااقدر اقولك الا الحرمه تبع زوجهااااااااااا وش بتسوين