السلام عليكم ورحمة الله وبركاته
كيفكم حبيباتي
تصدقون يابنات حواء والله ما احس اني انبسط ولا اتسلى الا معكم وبينكم
ابي افضفض لكم عن حاجه مضايقتني حييييييييييييييل
تغيرت شخصيتي بشكل فضيع وجذري وما ادري اذا هذا التغيير لصالحي او للافضل ولا للاسوء
ويشهد الله علي اني اجاهد نفسي عشان احسن من شخصيتي ومن طباعي ولكن احيانا اقدر واحيانا ما اقدر
من يوم ما صار عمري 17 سنه وانا قررت اني اغير من شخصيتي دايم وللافضل
واي صفه فيني مخربه علي ولا سيئه بغيرها ان شاءالله
وكنت كل ما حطيت راسي على مخدتي اذكر كل شخص اساء لي في هذا اليوم واقول اني مسامحته لوجه الله
وفجأه صرت مب قادره صرت احط راسي على المخده اهوجس بكل من اساء لي وادعي اني اشوف فيه يوووووووووم
الا سنه كامله من حسره ومراره بقلبي :angry2:
والله يابنات لو اقولكم ما تصدقون وتقولون هذي تكذب علينا
ما قابلت في حياتي كلها شخص يحبني زي ما احبه
تخيلو اذا جت خالتي تزورنا بالبيت اطير ببناتها وبس سوالف معهم وادخلهم غرفتي ومافيه شي من اغراضي يعجبون فيه الا اعطيهم اياه بدون ما اتحسف ولا افكر مرتين
واذا تجمعوا بنات خالتي كلهم مع بعض يسحبون علي وهم توهم امس كانوا عندي وطايرين فيني
لو تشوفونهم تقولون يموتون فيها واذا تجمعوا ولا يبوني ولا يحشون فيني قدامي وانا عيوني طايره:o
وياما رجعت بيتنا ابكي:icon33:
ولا اذا قررو ينامون البنات كلهم ببيت جدتي الله يرحمها ويغفر لها وخلاص راحوا امهاتنا كل شوي مناديتني جدتي
تهاوشني ليش تسوين بالبنات كذا تخيلوا يكذبون علي عند جدتي والله ادق على اهلي ابكي ابيهم يجون ياخذوني
واذا ماجا احد اقعد بالحوش بالليل بلحالي ضايقه فيني الدنيا
بس اللي يقهرني اذا جونا ارجع اطير فيهم ولا اتعلم من الدرس
واذا قرروا ينامون انام معهم ويسوون فيني نفس الحركات
ونفس الشي صديقاتي يجلسون معي اذا يبون مني شي واذا خلصت حاجتهم معد اشوفهم ماعندي الا صديقه وحده الله يذكرها بالخير هي اللي صدقيه والباقي خرطي
ونفس الشي بنات عمي مايبوني ومره قعدوا يضحكون علي يقولون الكحل مب مناسبك ويضحكون لين استحيت وقمت تركتهم ورحت مسحت الكحل
لاني قبل ما اتزوج كنت ما احط مكياج الا بالزواجات بس احط كحل بالعزايم وروج مره خفيف ولا زعلت منهم ولا تضايقت
وكل مره برضه يدورون شي يحرجوني فيه ولا يسوون مجموعات ويسولفون وانا منبوذه بلحالي
واخوي بعد يهزئني ويمسح فيني البلاط من غير سبب بس كذا مزاج اذا راحت امي تسير لعب فيني لعب
وبعدين اذا قعدت ابكي يعيي علي اروح غرفتي ويقعد يتطنز علي ويجمع خواني الصغار يقولهم تعالوا شوفوا مسرحيه
وبعدين يتندم اذا شاف امي رجعت وانا ما اعلمها اسكت ولا ابين لها شي
مب خوف منه الا داريه ان امي بتحط السبب فيني وبتقول اكيد انتي مسويه شي لانها تمووووووووووووووت في اخوي تعشقه وتقوله لنا احب اخوكم هذا اكثر منكم كلكم الحب من الله مع انه مب اكبر واحد ولا اصغر واحد ولا هو بار
ولا شي بس سبحان الله
واذا انبه ضميره يطلع واقرب محل يقابله يشتري منه اذا هو حلويات شرا اذا محل ورد شرا ايس كريم اي محل يقابله يقش منه
ويناديني واضحك له واسولف معه وانكت ولا كنه توه ماسح فيني البلاط
والحين صرت متوحشه
والله كل اهلي يخافون مني مب يوم تزوجت لا قبل
بدت معي الحاله قبل زواج اخوي هذا كان يحسر فيني كالعاده ومجمع خواني وانفجرت عليهم كلهم هجوا من صراخ
وهواش هزئته خليته ما يسوا ريال وهم تفاجاو اني ما خفت منه
والحين اذا رحت ازور اهلي كل خواني وعيالهم يتضبطون يخافون مني:30:
وانا والله ما تصدقون ادخل غرفتي ويقرصني قلبي اقوم افز افزر بالبيبان ادور احد يسوي شي غلط عشان اادبه
اذا شافوا خشتي سكتوا كنهم بفصل ودخلت عليهم المديره
ولا وانا حامل كرشتي وش كبرها رحت ازور اهلي بالعطله وكل خواتي وخواني متجمعين وعيالهم انواع التخريب
وهم يغطون على عيالهم ما حولهم احد وامي مسكينه ماتقول شي
وكلن لاهي اقوم بكرشتي اسوي جولات تفقديه عشان اقفطهم متلبسين
واذا كلمت امي واشتكت لي منهم اقعد اطبخ وانا ببيتي ودي ادق عليهم امسح فيهم البلاط
وافكر اقول سبحان الله اول كانت الجدران تتكلم وانا مستحيل انطق والحين بس احتررررررررق
لدرجة اني اذا شفت احد زيي يسامح ويطنش ودي الطشه كف واقول ما ينفع بهالزمن الطيب
وما ادري كنت اول طيبه ولا مغفله؟؟
tootycatooty @tootycatooty
عضوة فعالة
يلزم عليك تسجيل الدخول أولًا لكتابة تعليق.
مرفـــأ
•
هههههههههههه حلوة الله يهدك للصواب
مرح 2003
•
حبيبتي الطيبه الزايده بهالزمن ماتنفع صاحبها خليك قويه وواثقه والله الكل يهابك ويحسبلك ألف حساب
لا يمكنك مشاهدة هذا التعليق لانتهاكه شروط الاستخدام.
اي والله هذا اللي صار معي بس مع اهلي مب اهل زوجي الحمدلله اهل زوجي حبوبين معي
مرفـــأ :
هههههههههههه حلوة الله يهدك للصوابهههههههههههه حلوة الله يهدك للصواب
الله يحلي ايامك ياعسل
مرح 2003 :
حبيبتي الطيبه الزايده بهالزمن ماتنفع صاحبها خليك قويه وواثقه والله الكل يهابك ويحسبلك ألف حسابحبيبتي الطيبه الزايده بهالزمن ماتنفع صاحبها خليك قويه وواثقه والله الكل يهابك ويحسبلك ألف حساب
معك حق بس خفت اني اقلب شريه واصير شر منزل على قولتهم اعوذ بالله
الصفحة الأخيرة