هل وضعي طبيعي ؟!!

سلام عليكم اخواتي. ...
حابه اقولكم وضعي وحياتي انا احس اني مو عايشة مثل الناس فابغاكم تريحوني اذا عايشه طبيعي او تعطوني نصايح معقولة تهدي نفسيتي
انا بنت عشرينيه خريجة جامعية بتقدير ممتاز مع دبلوم تربوي ومعديه كفايات وعاطله لي عدة سنوات
انا ممكن الاقي وظايف بس اهلي مضيقين علي بالموضوع لعدة اسباب منها ممنوع اركب مع سواق واخواني مو فاضين يوصلوني وهم جد مو فاضين
اما والدي مو كبير بالعمر ويقدر يوصلني بس لو وصلني بيعصب علي وممكن يمد يده وفوق كذا مايروح لوحده معايه لازم ياخذ امي والوالدة تعبانه ضغط وسكر مايروح مكان الا امي معه وكمان ماتسلم منه لدرجة انها لازم تستناه عند الباب اذا خرج للعمل وجاء وقت رجوعه البيت لازم تكون بالحوش في الشمس تسناه ولاينكد عليها 😢
عشان كذا احزن عليها وابطل من الوظايف ..
خلصنا من الوظيفة نجي للزواج طبعا علاقة والدي بكل الناس مدمورة عددددددددددم حتى امه متهاوشش معها وماعرف جدتي ولاشفتها لاتقولون انصحوا لان بينكد علينا وبيقول انتم واقفين معهم ضدي فعشان نسلم نسكت
انا واخواتي 4 اكبرنا في 30 واصغرنا 22 مافي ولاوحده تزوجت وفي منهم شهادات كبيرة ماجستير
نقول نصيب ورزق وراضي به الحمد لله بس في شي ثالث الا وهو ان اخواني 2 متزوجين وكل يوم عندنا بالبيت مع زوجاتهم حاولت اقألم نفسي ع وجودهم يوميا بس اللي ماقدرت اتحمله انه يبغونا نطبخ لهم مايطبخون مع ان عندهم مطبخ خاص فيهم بس مايطبخون اذا رفضنا نطبخ لهم زعلوا اخواني وانا ماعلي في زعلهم بس المشكله ابوي لما نطبخ يقولنا يالله احسبوا لاخوانكم نقوله عندهم حريم يطبخون لهم يعصب علينا فصرتا مسكت عشان مايفشلنا قدام حريمهم نسوي انفسنا انه نحنا راضين بالطبخ لهم تخيلوا حتى العشاءابوي يسالنا انا واخواتي ايش العشاء اليوم مع انه بعض الايام النادرة اللي مايطلعوم لنا فيها حريمهم مايسالنا ايش العشاء يأكل اي شي
دليل انه يبغانا نطبخ عشانهم ايش الحل؟؟؟
علما انه ابوي ماينفع معه نصيحه لو اقوله مابطبخ لاخواني وحريمهم بيقول انتي منافقه وكلبه ونذله وتسوين زي عماتك طبعا عماتي مااعرفهم بس هو يكره اخواته ويشوفنا زيهم عشان كذا يبغانانطبخ لهم ابغى شي يريحني حلول دعاوي نصايح اي شي
واسفه اذا طولت