:26:
:2thmup:
حبيت اعلمكم طريقة عمل الكبة المقلية وبتمنى تجربوها
وتعجبكم المقادير: نص كيلو برغل ناعم ...........نص كيلو لحمة هبرة ..يعني بتقولوا للبائع بدي لحمة للكبة وهو بيعرف ................. شوية حبق اخضر (ريحان)......بصل يابس ....شوية نعناع ........شوية فلفل حار للحشوة :تقريبا نص كيلو لحمة مفرومة ......بصل يابس ......لوز او صنوبر وبهارات مشكلة وكمون ناعم وشوية زيت نباتي نبتدي بالطريقة :منجيب اول شي البرغل ومنغسله كتير منيح وبنتركه لحتى ينقع ويصير طري بعدين منجيب اللحمة الهبرة ونفرمها بالماكينة فرم ناعم جدا مرتين منقطع بصل يابس وحبق اخضر ونعناع اخضر وقرنين فلفل اخضر حسب اذا كنتي بتحبي الحر ومنفرمهم بالماكينة بعد اللحمة .....منجيب الحبق والبصل المفروم واللحمة الهبرة ونضعه على البرغل نضع شوية كمون لانه بيعطيه طعمه كتير طيبة وملح ومنفركه مع بعض منيح ,,,,,,,, ومنتركهم على جنب ,,,,,,,,,,,,,,,,,,,, هلق منحضر الحشوة نقلي شوية لوز او صنوبر او الاثنين مع بعض بيطلع طيب حسب رغبتك نفرم بصل يابس فرما ناعما ومنحطوه فوق اللوز منتركه شوي على النار حتى يذبل البصل وبعدين منجيب اللحمة المفرومة ناعم ومنحطوه فوق البصل ونضع شوية ملح وشوية بهارات مشكلةوشوية فلفل حار لما يستوي نطفأ النار ومنتركه حتى يبرد ...........هلق نبتدي بعمل اقراص الكبة منجيب البرغل اللي حضرناه قبل شوي "(ملاحظة )اذا لقيتي البرغل صار قاسي نضع عليه شوية ماء ومنفركه ومنرجع نطحنه بالماكينة مرة ثانية بعد ما نطحن البرغل نعمل اقراص صغيرة مدورة وباصبعنا نحفر القرص حتى يصير رقيق ونضع شوية حشوة بقلبه ومنرجع منسكره من فوق منيح مشان نحنا وعم نقليه بالزيت ما يفرط معنا وهيك حتى تخلص الكمية وبالهنا والشفاء وياريت تعجبكم الوصفة جربوها واعطوني رأيكم
يلزم عليك تسجيل الدخول أولًا لكتابة تعليق.
هابي تايم
•
يسلمووو كنت ادور عالطريقه ــــــــ
الصفحة الأخيرة