اول شي مبارك عليكم شهر رمضان مقدما
عسى الله يبلغنا واياكم سالمين معافين
قررت انزل طريقة عنايتي بجسمي
لعيون البنات اللي يراسلوني فالخاص يتفسرون
فحبيت احطه ع العام والكل يستفيد
وما ابي غير الدعاء الصالح
بصرآحة استغرب من البنات اللي تبي بياض الجسم او صفاء ولمعة
وسبوحها عبارة عن صابونة قوالب فقط !
اللي يبي الزين يتعب ع نفسه
خصوصا ان كل هل اشياء نظارة وطبيعية وما منها مضرة باذن الله
رآح ابدأ :
1/ بالمستحضرات والخلطات
2/ الطريقة
مآ شاء الله
1 / ماسك الالماسة :
حمام مغربي - سدر- كركم-حنا-سنفرة استفز-سنفرة العروسة
تنخلط كلها فالخلاط دقيقتين
2/صابونية مزيونة وشقرا
اعتقد معروفة ولكن انا عندي سر يخليها مرطبة وتفتح بشكل اكبر
مو شرط تلتزمي بالصوابين .. استخدمي الصابونات المفتحة اللي تناسبك
واستبدل الملح الخشن بملعقة كبيرة ملح الحليب
3/ سنفرة لندن :
كركم-نشا-حليب بودر - سنفرة بابايا- كريم كاب -ملح الحليب-عرقسوس مطحون وشوي ماي ورد للخلط
4/ سنفرة الهردة المبيضة :
نوعين املاح / لك الحرية فاختيار النوعين ملح الحليب-ملح البابايا-ملح التمر الهندي-ملح اللافندر
شوي شبة مطحونة
شوي سفيد اب
حنا بيضا
زيت ليمون
زيت لوز
هردة
تخلطين كل البودرات وتضيفين الزيوت وبعدها تضيفين الهردة بالتدريج مع الخلط ليما تصير شبة سايل
5/خلطة السدر :
سدر-حليب بودر -م ملح الحليب او ممكن تستبدليه بسكر
لان عيبها تنشف فضفت ملح الحليب عشان يرطب
6/خلطتي للحمام المغربي:
تغلين قشور ليمون لما تاخذ لون صفيها
وحطي الماي فقط مع الحمام المغربي فالخلاط مع شوي كركم
وبعدها حطيها فقدر
وضيفي لها ملعقين قشور ليمون مطحونة وعصير لمونتين
ونص كوب قهوة
خلطي شوي ثواني بس وشيليها عن النار
7/ خلطة الركب والاكواع :
حمص مطحون-طحين-خميرة-صندل-شوي كركم-شوفان
تمسحين الركب والاكواع بقطنة مبلولة بليمونة
لحد ما تنشف و امسحيها يفوطة مبلولة بماي حار
نشفي وحطي وراه هل ماسك
وممكن تسوينها لجسمك كله اذا عندك مناسبة
8/ حبيبي ورفيق دربي : سنفرة العروسة
يتبَع ~
في ميزان حسناتك يارب