بسم الله الرحمن الرحيم
بنات زميلتي مالها الاكم شهر متزوجة .
بداية الزوج مافيه مميزات غير انه راتبه كويس وسالوا انه اخلاق وكذا ويصلي وخلصنا زي اي عايله .
شرطوا عليه شرطين انها : ت
شافته زميلتي شوفه شرعيه تقول قلت الرجال مايعيبها الا جيبه والشكل مومهم للعلم صديقتي ماشالله موناقصها شي .
تمت الملكه في ظروف ماينفع انها تتم لانه امها تعبانه وبتسوي عمليه
بعد الملكه بيوم دقوا خواته قالوا ترى اخونا يقول خل المرة تسمن ( هو سمييين مرة بس تقول قلت اهم شي الاخلاق ) المهم زميلتي ضاق صدرها هوشايفها شوفه شرعية وش وله يحط العيوب من ثاني يوم ملكه وطنشت وسكتت .
بعدها بكم يوم كلمها المكالمه الاولى ومع السوالف قالها : ممكن اعرف وش سبب موافقتك لي ؟
قالت وش لون !
قال : انه انتي ماعليك وكل شي وانا شكلي كذا وكذا
قالت : قسمه ونصيب والرجال مايعيبه الا جيبه
قالها : طيب عندك صديقات ؟
قالت : ايه
قالها : ترى انا واحد ماعترف بالصديقات اقطعيهم انا يهمني امك وامي والباقي ماعلي في احد لا اخوان ولا اخوات .
سكت
المهم بعد شهرين
ام زميلتي سوت العمليه وحالتها صعععبه جدااا وحالة حرجة ويروح يقول لابو زميلتي انا ابي احدد موعد الزواج باقرب فرصه خلها اقل شي بعد اسبوع !
طبعا ابو زميلتي ترى عنده حرمتين عشان تفهمون بس انه موعندهم دايم .
تقول فجاة جا ابوي وقال انه زوجك داق علينا وقال يبغى الزواج بعد اسبوع
وامها بين الحياة والموت !!!!
المهم سكتت وقالت اوكيه وهي تتحلطم من وراه (اقصد زوجها)وقدامه ساكته واوكيه ! ( ماتوقعت زميلتي سلبيه )
امها ضااق صدرهاااا وتقعد تبكككي لانه العملية قويه وحالتها حاله وبيصير زواج !! فشيلة حتى قدام الناس
المهم تم الزواج عايلي في البيت وعازمين الناس المقربين وامها على السرير من تعب العمليه !!!
وزميلتي تقول انه وجهي يخوووف من التعب ( لانه نفسيتهم تعبانه على امهم ومو وقت لازواج ولاشي)
بعد الزواج :""""
من اول يوم خذاها وهو ياخذ جوالها ويفتش الواتس اب ويسال عن نك نيم كل وحدة وهذي وش تصيرلك وهذي منهي وهذي ليه حاطه نك نيم ... الخ .( طبعا فيها ولاصار بينهم شي لذلك اشتغل اليوم كله على تفتيش جوالها )
ثاني يوم سافرت شهر العسل( طبعا السفرة خارج السعوديه وناويها بسيارة بس زميله قاله انت صاحي ولا مهبول بتاخذ عروس خط خارج السعودية وشرى تذاكر طيران المهم زميلتي تركت جوالها في الشقه !!! كل هذا ليه تقول مابي المشاكل . وبلغت اهلها انه اللي يبيها يدق على جوال الزوج .
وصلوا للديرة اللي سافرولها واول ماوصلوا وهو ناشب بنرووح للصيدلية نجيب حبوب منع الحمل وزميلتي رفضت قالت انا بنت واخاف على نفسي وماراح اخذ وينشب فيها نشبه الا لله تاخذين حبوب رفضت .
المهم عد كم يوم وخلصت من الدورة وتمت العملية مع انها قالتله ترى بيصير حمل وطنش .
ورجعوا للسعودية وخذاها واهله ووداهم للعمرة وبعدها راح فيها للسفرة ثانيه يقاله شهر عسل وكذا واجازته توها ماخلصت .
بعد شهر العسل :\
رجع لدوامه وزميلتي تعبت تعب قوي ووداها للمستشفى وطلعت حامل ماشالله تبارك الله . الرجال جته صدمة وايضا ام الزوج قالت حامل !! الله يهديها توها صغيره ونحيفه اخاف يصيرفيها شي( زميلتي لاصغيره ولاشي ) والزوج مصدددوم وكن مااااوده ابدااا .
قالتله وراك كذا مو مبسوط قال ودي اعيش حياتي ولاحق .
المهم روتينهم صار زوجها يروح للدوام و في الدوام لازم كل شوي يتصل عليهااا يتاكد الخط مشغول اولا . واذا كان مشغوول يستاذن من الدوام ويجي مسرررع !
زميلتي حذفت الواتس اب -البي بي كل البرامج وجوالها صارت ترميه
وماصارت تدق على احد عشان مايكون مشغوول ويجي من الدوام ويلقاه مشغول ويجي مسرررع !!!
يدخل كن فيه مصيبه بعدها يقعد يصرف لما يشوفها عادي قاعدة على التلفزيون .او في المطبخ
طبعا بعد مايرجع من الدوااام يقول بنصير نروح بيت اهلي لاني انا اروح العصر لنادي مشترك فيه وطبعا يوديها بيت اهله ومايرجعون للبيت الا 2 الفجر كل يوم .!
الين خوات الزوج قالوا انتي مغصوبه تجيين (( تقول مالومهم حومت كبدهم ))!! قالولهاحياك باي وقت بس معقوله تجين كل يوم وراضيه ! اذا فيه شي يابنت الناس قوليلنا نكلمه لو تقعدون ساعه ساعتين مومشكله بس من الظهر الة 2 الفجر !
قالت زميلتي : لا مغصوبه ولاشي عادي قالوا على راحتك .
وطبعا يودي زميلتي لبيت اهلها بس مايخليها تطوول ولايبي الخط يصير مشغوول
ويقول لاتركبين مع اخوااانك لاي مكاااان
لان اخو زميلتي وداها والاهل بعد رجوعها لشهر العسل مطعم عادي يتعشون فيه ودقت عليه وقتها انه اخوي بيودينا الان نتعشى بمطعم قال : ايه عادي روحي وراحت وصار كذااب اول ماخذهاا قلب عليهااا الدنيااا وقام يصرررررخ ولاعاااد تروووحين واخوك هذا فاااضي ولا وش سالفته !!.
الزبدة يابنااات عشان ماطول عليكم :
الان طلع بطلعات جديدة على اللي سواها فوق :( وزميلتي ترى ساكته ولاكلمه )
1:\ صار يطلع ملابسهم من الدولاب ويحطها باكياس زبالة وجاب عامل يطلع الدولاب لغرفه ثانيه !!
قالتله السبب : قال مضيق علي . وقالت هالعفسسه هذي والملابس اللي باكياس زباله ونمشي عليها قال عادي صفي المكوي في الارض
2:\ يجيب مقااضي خفيييفه تكفي ناس مسافرين مو ناس في شقتهم .
3:\يلاحقها في المطبخ ويقول تعالي شوفي هذا مو نظيف شوفي الارضيه شوفي الفرن.
4:\ قالها ترى بنصير ننوم في بيت اهلي في كل ويكند ( طبعا اهل زوجها يتكون من امه ومرت اخوه وعيالها وخواته المتزوجات يجون في الاجازات ينامون هناك ) الدور الاول كله لاخوه والدور الثاني للاهلل) يعني احرااااج عند اخوه وعيال اخته الكبار وش الله حاده !!!
طبعا زميلتي ((( صممممت )))
5:\ قال ايه بعد ترى في رمضاااان بناخذ ملابسنا وبنام عند اهلي رمضان كله !
وترى بعد رمضااان بنعزل الشقه ( طبعا الشقه منتهيه بالتمليك ومابقاله شي ويخلص القسط )
وبنشيل اغراضنا ونسكن عند اهلي و(( سكتت زميلتي )))
وقال ايه ترى الشقه ببيعها وفلوسها مادري وش بسوي فيها وقتها ((( سكتت زميلتي )))
6:\ زميلتي الان اهلها بياخذون عمره وقالولها تعالي غيري جو قالتله اروح معهم قال ايه ايه روحي معهم تقول طبعا رفضت تقول انه كذاب مبين انه بيسافرمن هنا وبيطلقني من هنا (( انا استغربت زميلتي وراها ذابه وجهها ولافهمتهاااا )))
الخلاصه :
يابنات انا قلت ممكن شكاك موسوس لكن اللي اتضحلي الزوج موحابها ومبيت النيه من اول ومنحرج من زميلتي لانها مؤدبة ومحترمه ولالقى فيها شي يقدر يسبب مشكله وقااااام يطفشهاااا عشان تطلب الطلااااق مبين يبي المهررررر والدليل مابقى شي ماسواه وقالها بننقل لاهلي في رمضان وقالها ببيع الشقه مابقى الا يقولها فارقي بيت اهلك وزميلتي الله يهديها ناااشبه وتبين كل اللي يسويه انه ( حب واهتمام ) وهي حالتها زززفت تقول وتحس انها بتتعالج نفسياااا .! ولاتطلع ولاتروح بيت اهله مرابطه كل يوم ويوم لاهلها
نسيت اقولكم له كم يوم خذا جوالها وراح يحملها البي بي والواتس اب !!! يقول وش فيك كلمي الناس قالت ما اهتممم هو نصاااااب تقول يبي بس يقرى وش ارسلولي الناسس بس
نصايحكم بناااااات ..
اغفرلي @aghfrly
عضوة فعالة
صديقتي العروس وتليمحات زوجها انها تفارق لاهلها وتفهمها وتطلب الطلاق !< < تم الرد <<
193
36K
هذا الموضوع مغلق.
ماادري وش اقول
الله يفرج همها يارب .. اذا هو نيته الطلاق ويطفشها ... امساك بمعروف او تسريح بإحسان ...
ليه كل هالبهذله عشان ترجع المهر ؟
الله يهديه يارب ويسخره لها ... وهي تكلم اهلها لان الوضع لايطاق تطتشير امها وتكلمها بوضعها
الله يفرج همها يارب .. اذا هو نيته الطلاق ويطفشها ... امساك بمعروف او تسريح بإحسان ...
ليه كل هالبهذله عشان ترجع المهر ؟
الله يهديه يارب ويسخره لها ... وهي تكلم اهلها لان الوضع لايطاق تطتشير امها وتكلمها بوضعها
ماادري وش اقول الله يفرج همها يارب .. اذا هو نيته الطلاق ويطفشها ... امساك بمعروف او تسريح بإحسان ... ليه كل هالبهذله عشان ترجع المهر ؟ الله يهديه يارب ويسخره لها ... وهي تكلم اهلها لان الوضع لايطاق تطتشير امها وتكلمها بوضعهاماادري وش اقول الله يفرج همها يارب .. اذا هو نيته الطلاق ويطفشها ... امساك بمعروف او تسريح...
تستشير * خطآ املائي
وزميلتك ليه سلبيه لهالدرجه
وزميلتك ليه سلبيه لهالدرجه
للأسف حملت منه مسكينه😥
من يوم قالها استخدمي منع حمل ناوي ع طلاقها الله يعينها
الحل تروح لابوها وتعلمه ويتفاهم مع زوجها
من يوم قالها استخدمي منع حمل ناوي ع طلاقها الله يعينها
الحل تروح لابوها وتعلمه ويتفاهم مع زوجها
الصفحة الأخيرة
للرفع
لا اله الا الله.