تاجرات اعتز بالتعامل معاهن ... (كلمة حق)

مرحبا ..

شحالكن ؟

بصراحة هي كلمة حق لازم تنقال في حق تاجرات المنتدى .. الفاضلات ..

ببدى بالتاجرات اللي تشرفت وتعاملت معاهن قبل .. وللحين ان شاء الله ..

complex .. من الامارات (كنت اشترك معاهم في مزادات للشنط الماراكات..وبسعر خيالي .. ) .. ام عبدالله اختي وحبيبتي ..

وصدى الاشجان ..من الامارات
(شنط .. ) انسانة ذوق والكلام ما يوفيها حقها والله

وما يهم من الكويت .. (دراعات كويتيه) بصراحة هالانسانة ذوق وحبوبة ودراعاتها روعة شراتها ..

وfajer76 من الكويت ..(دراعات كويتية) وانسانة ذوق .. ويشرفني التعامل معاها

وum 3azoz من الامارات ..(شنط .. وعود معطر .. ونعال الله يكرمكم .. وساعات) بعد انسانة ذوق ..وانا سعيدة بتعاملي مع انسانة مثلها ..

وروح العطور .. من الامارات .. (قطع حرير .. شيل صلاة .. قلم حنه وامور اخرى سرية هههههه ) ام شما غناتي .. وفديتها .. صراحة ذووووووووق فوق الوصف ..

والرفيعة من الامارات ..(ماسك ابيض .. ماسك للعيون .. وخلطة للشعر ..) بعد والشهادة لله انسانة ذويقة .. وبصراحة الماسك الابيض ماعليه كلام ... وهي كاتبه موضووع عنه ..

وthe mooni اخت سعودية مقيمة في امريكا ..(قمصان نوم ) تسلم لي راعية الذوق ..

والمحبة للخير .. من سوريا ..(كريم الياسمين ..والليفة السورية ) حبيبة قلبي والله .. تعبناها معانا .. بس هي كريمة ونحن نستاهل ..

والجوهرة .. من الامارات ..(كريم اماندا .. ودهان ..وكريم السعد ) صراحة هالانسانة تنحب .. وسريعة في التعامل .. وكل شي من صوبها حلووو .. بس شكر خاص على كريم السعد .. ^____^

وUM SAWAF من الامارات ..(ماسك الكولاجين ) بصراحة حطيته اليوم والكلام في وصفه قليل .. ترطيب .. نعومة .. ووالنتيجة النهائية عقب شهر بعطيكم اياها ..
وانسانة ماقدر اوصفها من طيبها واخلاقها ..

وjumaira من الامارات ..(ديودرانت ......) سعيدة بالتعامل معاج حياتي ...

ووتوته الحلوة من الامارات .. (دخون .. وعطر .. وعود معطر) حبيبتي ام خليفه ..
كل ما يخلص دخونها ارد اطلب .. ادمنت عليه ... وانسانة تشجعج تتعاملين معاها دايما . . وكل شي من صوبها حلو شراتها ..

وقريبا قوارير من الامارات .. (سجادة العود... وامور اخرى ) سعيدة بالتعامل معاااج

وعنبر من الامارات قريبا ..(سر ما بخبركم هههههههههه ) يشرفني التعامل معاج غناتي

وwisam من السعودية ( بعد سر ما بخبركن :) ) .. نساج الموت والله .. حبيبتي ...


بصراحة ... كلمة شكرا ما توفيكن حقكن .. اولا كأخوات تشرفت بالتعامل معاكن .. وتاجرات امينات .. ذوق ..

والله اني حابة اشكر كل وحدة في موضوع خاص ..وتعرفن قدركن فوق الراس ..


تسلمن وربي يحفظكن ويوفقكن .. ويرزقكن من حلاله ويغنيكن عن حرامه..

^_^ اختكن ام زايد