اللي عندها خدامه فلبينيه تدخل وتفيدنا

اول ماجتك الفلبينيه كيف تعاملتي معها؟
عادي مثل بقية الشغالات بس لأنها كبيرة حسيتبها فاهمة عن القبلية..

وهل فرضتي عليها لبس معين؟وهل رفضت؟وكيف تصرفتي مع رفضهالشروطك في اللبس؟
القبلية فرضت عليها انها ماتلبس بنطلونات والا بجامات.. بحكم انها مسلمة وصغيرة وطايشة.. لاكن هذي لأنها مسيحية وكبيرة وعاقلة فعادي بجامات وبرع بناطلين وتنانير وأنا اللي أشتريلها بس بعد فترة قمت أشتريلها كله تنانير.. الصراحة أرتب من البناطلين لأنها ضيقة وتبرز المفاتن.. يعني ان شالله ناوية مع الباقين وعلى طول أخذلهم اللي يستر مب اللي يبرز المفاتن.. وخذوها عبرة مني..

وياليت كل وحده تقول اش شخصية خدامتها باالضبط خصوصا اللي عندهم فلبينيات لأني ابغى اقارن بين الخدم الفلبينيات ؟
شخصيتها عادية يعني مب من النوع اللي تعصي الأوامر أو تسوي شي أنا ماحبه.. بحكم سنها وخبرتها بالحياة.. بس ترى فيهم شغلة الفلبينيات مب زينة.. وهي انه اذا قلتيلهم شي هم مسوينه غلط يمدون بوزهم شبر بعكس السيلانيات يتبسمن وعادي عندهم.. وهذا اللي كرهني فيهن.. والدلع عشان الحر وغيره..

غير كذا هل تطلب منك تطلع دائما يعني تحب السوق أو تحب توفر راتبها ؟
لا طبعا بس اذا بقت وأنا أعرف انها محتاجة شي أخذها للسوق ولأنها تطلع ويايه السوق والسوبرماركت فعادي تشتري اللي تبقيه.. وراتبها تطرشه لعيالها في الغالب.. ومرات تصرف منه.. وتوفر الها..

وكيف معاملتها معك بشكل عام ؟واذا عندك اطفال صغار ومايعتمدون على انفسهم اش رايك في اهتمامها فيهم هل تهملهم او تهتم فيهم؟
أحس اهتمامهم باليهال اللي شافوهم وهو صغار أكثر وأحسن من اللي شافوهم وهم كبار يعني يفتهمون.. مثلا ولدي ماتعطيه اهتمام كثر بنتي لأنه شافتها من يبتها ودايما تأكلها وخاصة اذا كانوا برع البيت.. واهتمامها في اليهال طبعا لازم تكونين مشرفة عليهم أولا وأخيرا والواحد مايتركلهم الخيط والمخيط في اليهال.. يعني لازم المراقبة.. لو من بعيد..

وهل هي مسيحيه او مسلمه؟
مسيحية..

مشكوره *المسافرة*
ارهقتك باالأجابه بس مااعرف شي عن الفلبينيات خصوصا انهم شعب مختلف عن بقية جنسيات الخدم اللي نجيبهم والله يعين على مد البوز على قولتك

مرحبا اختى
هذه شغاله مثل غيرها وعوديها على كل اللى انتى تبغيه وعلى ماعودتيها تتعود
جتنى شغاله مسيحيه لكن عودتها تغطى شعرها وتلبس ثياب فى البيت واوقات لم تتطلع معى البسها بنطلونات السوق ماله طلعه اللى تبغاه توصينى فيه وطبعا عند ماتبغى تروح بلدها اوديها السوق تجيب اللى تبغى حتى الزباله اخلى ولدى او زوجى يرميها او هى تطلع بعبايتها ترميها وزوجى او ولدى يوقفوا على راسها
طبعا اذا شغلها اى كلام لازم تعلميها انها ترجع سويه مرة ثانيه وثالثةعموما هم نظاف وامينين مو مثل الاندونسيات غشاشات لو تقعد عشر سنين تعلميها شغلك لازم تغش فيه
عن الاطفال علشان ان ربة بيت مااهتم كثير انها تهتم باولادى لكن اعودها انها تلبى طلباتهم لان ممكن يحتاجوها اذا كنت نايمة او مضطرة اروح مشوار وهم بالبيت واعودها انها مسئوله فى البيت مسئوليه تامه
لان اذا لاحظتى ان معظم الشغالات اذا سالتيها عن شغلة او غرض وينه على طول قالت ماادرى علشان تريح نفسها والمصيبة تكون هى شايلته بيدها قبل ساعات
وكلمة ماادرى هذا الشىء الوحيد اللى يريحهم ويتعاملوا فيه فاعلمها ان اى غرض لازم تعرفوا لانها هى اللى ترتب البيت وتعرف وين تنحط لالاغراض لان كل غرض مكانه المخصص له
طولت عليكى لاكن حبيت اكتب تجربتى لك تحياتى

مشكوره اسيرة الالم بس انا بشوف هل هو طبع فيهم كلهم أو دلع علشان كذا بعمل مقارنه بين خدامه فلبينيه وخدامه فلبينيه ثانيه

وزي ماقلتي ياكثر كلمة ماادري مع انها هي اللي شايلته الأندنوسيه اللي كانت عندي كل شي ماادري واذا قالت ماادري خليتها تدور غصب وبسرعه تلقاه لأنه تعرف وين تحط بس عجزانه تطلعه

الفلبينيات نظاميات اكثر حكيهم قليل مالهم السن طويله لكن يبون اللي يعاملهم معامله كويسه وبدون صراخ وبنفس الوقت مايكتمهم لانهم مايستمرون في البيت اللي مافيه حريه ابد الراتب لو يحصلهم يصرفونه على الصابون والشامبو والكريمات وانواع الترفيه لهم مدري ليه جايين !
انا حقتي اول ماجت طلبت مسجل كبير اللي بحول 2000 ورحمتها قلت هذا فلوس كثير قالت مافيه مشكله ! بس ماشريتلها قلت لها انا اجيب لك مسجل صغير ومو من راتبك
وذبحتنى بالطلبات حتى المعجون معجون خاص يعني اهتمام في انفسهم ماشاء الله اكثر من بعض السعوديات اللي تلاقينها ماتفرش اسنانها الا لابغت تطلع للزواج >>:) ياويلها

بعدين انا ارتحت مع الفلبينيه كثير مو مثل الاندونيسيات اللي تحسينهم غجريات والسنهم طويله ويحبون الرجال تبلشين تطلعين فيهن لاي مكان فيه عمال


بعدين انا حقتي مسلمه لكن من مدينه معروفه ان سكانها مهذبين الظاهر اسم ديرتها فوتوكاتو او شي زي كذا
ومااقولك انها تحب الاطفال مره او تعرف لهم لا مافيها زود بالعكس غبيه مره بتعاملها ومهمله

والخدم يختلفون هم اوادم مثلنا لكن عموما الفلبينيات افضل من غيرهم بكثيررر يكفي مايدوشون الراس والوحده اكيد ماراح ترمي كل الشغل على الخدامه علشان كذا تتحمل بعض العيوب او تقارن بين السلبيات والايجابيات واللي تطغي على الثانيه تعتمد عليها بالحكم

سلااام