هذا خاص بالمشاريع الجديده رأيت ان اذكره للفائدة وأغلب الظن انك غير قادره على الاجابة علية مالم تقرأي الصفحات التالية فعطي نفسك ريلاكس هذا مش اسئلة امتحان .. ارجعي في وقت آخر بعد ما تفهمين الطبخه وتلاقين نفسك قادره تجاوبين بسلاسه ووضوح ..(( ما عندها غير الدفاشه ))

* لماذا سيكون مشروعك ناجح ؟
فكري مطولا

* ما خبرتك في هذا المجال من العمل ؟
يعني قد اشتغلتي رياض اطفال ولا تنيحه زي حلاتي
تعرفين في ادارة المشاريع ولا تنيحه زي حلاتي
تفهمين في ادارة الموظفات ولا تنيحه زي حلاتي

أذا كانت الاجابة تنيحه زي حلاتي فلابد لك من تعلم كل صغيره وكبيره عن مشروعك يعني تعلمي عن مناهج رياض الاطفال وكيف يتم التدريس وايش الاركان ومحتوياتها وخذي فكره عن الوسائل وكيف تصمم خذي فكره عن طبيعة تفكير الطفل وش يصلح وش ما يصلح
تعلمي ادارة المشاريع وحساب المصروفات والسياسات المتبعة والشرح الجاي راح يعطيك فكرة مررره بسيطه عن ادارة مشروعك وتقدرين تستزيدين من النت أو الكتب ..
تعلمي كل الاوراق المطلوبة لسير العمل الاداري في الروضه وكيفية تعبئتها وتعلمي كيفية مخاطبة الجهات الحكومية والجهات الاخرى .. أبحثي دوري .. أنا حاطه لكم في بداية الموضوع عينات بسيطه تقدرين تنطلقين منه وتستزيدين لا تقفين عند نقطة جهلك بتفاصيل عمل مشروعك جهزي وسلحي نفسك ..

*هل تحدثتي مع اناس آخرين لديهم نفس المشروع ؟ وماذا تعلمت ؟
دوري في منطقتك عن روضات واجمعي معلومات عن عملهم وكيف يشتغلون وايش الاخطاء التي وقعوا فيها عشان تتلافينها مستقبلا..
ابحثي في النت عن روضات وتعلمي كيف سير عملهم وأجمعي معلومات عنهم تساعدك مستقبلا في العمل
ويفضل ان تفتحي ملفات لجمع المعلومات والتقارير ونشراتهم عشان ترتبين عملك ..ولما تحتاجين المعلومات بعدين تقدرين ترجعين لها .. وحطي توصياتك وفوائدك ..

* ما الشيء الجديد الذي سيميز مشروعك ؟
فكري مطولا وأقرأي ما يميز المشاريع المماثلة عشان ما تكررين

*هل تحدثتي مع موردين تجاريين ذوي خبره وما يمكن ان يقدموه من مساعدات فنيه وادارية ؟

أفتحي ملف وحطي فيه كل المعلومات عن ما يمكن ان تحصلي منهم على دعم فني واداري وسنشرح ذلك باذن الله

*هل سألتي عن القروض التجارية ومصادر التمويل ؟
فتشي عن القروض عندك بنك التسليف والمئوية وعبد اللطيف وأبحثي وسوي مقارنه وشوفي ايش يناسبك وأطلبي منه القرض

* اذا كنت ستقوم بأي عقد عمل فما بنوده ؟
فكري بعقود العمل وايش الشروط اللي تبغينها وتضمن لك حقوقك وسير عملك حطي لك ورقه خاصه وحرري فيهاعقد عمل من مخك أكتبيها وكل ما تذكرتي شيء سجليه فيها راح يطلع لك أمور تودين المحافظه عليها وتخافين من المخاطره بها عندما تتابعين الشرح فخلي المسوده هذي قريبه وفي النهاية يطلع لك عقد عمل يحفط لك حقوقك

*كيف سيتم تعويض السداد البطيء من العملاء؟
فكري في تسديد الامهات لمبلغ التسجيل وحطي سياسه واضحه للي يسحبون عيالهم من نص الترم وما يكملون معاك بالعاده يطالبون بترجيع المبلغ وهذا يحوسك بعد ما صلحتي ميزانيتك .. ففكري كيف تسيطرين على الامهات المماطلات في السداد .. فكري وخذي وقتك وأكتبي الحلول ..


تابعيني

2- المنتج أو الخدمة :

يجب تفهم الخدمه وموضعها من ( السوق )=== المكان اللي بتزاولين فيه انشطتك
حاولي تجاوبين على الاسئلة التالية بتساعدك :

*ماذا تبيع ؟
يعني الخدمة اللي تقدمينها أيش هي بالضبط
مثل شركة أيكيا ما بتقدم الاثاث فقط لا تقدم نصائح الديكور والمحافظة على الاثاث وسهولة الفك والتركيب ومواقف سيارات لتحميل المنتج وخدمه مهذبة وراحه في التعامل وكل هذه الخدمات مجانية ما ندفع غير حق الاثاث ..
وانتي قيسي على هالاساس نطلع لك افكار ابداعية لمشروعك سجلي كل فكره حتى لو كانت بايخه لا تستهيني بشيء يمكن تفتح لك ابواب تفكير أبداعية ..

*ما مميزات ما تقوم ببيعه ؟
فكري وطلعي مميزات لخدمتك اللي بتدفع عليها الام

* كيف تختلف خدمتك عن غيرك ؟
طيب هالخدمة اللي تبيعينها ما يبيعها احد غيرك طيب فكري كيف تختلفين وماتكررين نفس الخدمة كذا الام راح تختار الروضة الاقرب لبيتها وتريح راسها .. لازم تعرفين ان العملاء يشترون المزايا وحتى تجعلين المزايا ممكنه لازم يكون في خدمتك سمات تختلف عن غيرك تخلي الام تقارن ..

*ما الذي يجعل خدمتك مطلوبه ؟
طبعا هذا يحدده في اي مرحلة تقع دورة حياة صناعتك ..
راح تكتشفين ايش يطلب العملاء في هذه الخدمة لما تسوين ابحاثك عن احتاجات السوق

*اذا كان شكل وحجم الخدمة غير مميز ؟ فعن ايش راح يبحث الناس ؟
لازم يكون خط الانتاج واسع وتعرفين كيف تستغلينه ..
زوي ما قلت قبل لازم تدرسين السوق وتعرفين ايش تبغا امهات الحي لتعليم اطفالهن .. (( ترا يمكن تتفاجأين انهم فاضيات ويبغون يرافقون اعيالهم للروضه (صراحه انصدمت ) في هذي الحالة الله يعينك تعدين برامج للأمهات ( حفلات - ومجالس - وندوات ) وتوسعين صدر الامهات اتذكر قريت عن وحده أخذت عيال الفصل راحت تزور أم واحد من العيال والده وجابوا لها هديه .. صح انها مصاخه بس أهي فكرة وقيسوا عليها ..(( أنا ماارضى ان المعلمه تسحب بنتي لبيوت الناس ) هذا رأي .

فكري في الخدمة اللي تقدمها روضتك .. فكري كثير انها لازم تخدم ناس كثير ( يعني عملاء ) أبحثي عن أكبر عدد من الشرائح وش تبغى وحاولي تقدمي لها خدمة .. يعني فيه روضه تقدم دورات لمعلمات رياض الاطفال تأهيل .. فهنا خدمتي ( أو منتجي ) خدمة شريحه غير الاطفال والامهات .. أجلسي كذا ومخمخي وطلعي أفكار
خلي الواحد لدق عالنت يبي شيء إلا روضتك ناطه تقدم الخدمة .. منها دعاية ومنها ربح ..كركر

من المعروف ان النجاح لا يتحقق الا من خلال مواكبة احتياجات السوق اللي هي احتياجات الناس .. فخليك ذكيه في تخطيطك ولا تعتمدي على خدمتك المميزه بل اشباع احتياجات الخلق .. وهذا يدفعك لدراسة ما ذا يريد السوق وماذا يميز خدمتك وجعلها مثيرة



تابعوني



*

3- السوق :

لازم تعرفين حاجتين
+ الحد من فرص عدم رضا العميل
+لا يمكنك تحقيق النصر دائما فمعارك السوق هي معارك خاسرة ( يعني لاتخافين )

كما انه من المهم عمل خطه داخل الخطة العامة للمشروع ..
يجب التأكد من انكي لم تخسري بسبب أخطاء يمكن تلافيها (( هنا الالم لم تندمين في وقت ما يفيد فيه الندم وتقولين ياليتني درسة السوق قبل ما طب فيه ))
وقلنا قبل كذا ان النجاح يعتمد على قدرتك على اشباع احتاجات الناس ( العملاء ) وتوقعاتهم ..
في بداية مشروعك انتي بحاجه لفيض من العملاء ليطلبوا خدمتك عشان تظمنين الاستمرارية والنمو في مشروعك (( حطيها حلقه في ودنك ))

التحدي الاول يكمن في تحديد أسواقك المستهدفه
فالعميل هو نقطة التركيز الوحيده بالنسبة للتسويق والمشروع يدور حوله (( فلا تقولين للأم المعصبة قلعتها وحنا ما عندنا غيرها )) كملي وتشوفين وش تسوي هذي الام تدمر مشروعك وانتي نايمه في العسل ..

ربط الخدمه ( المنتج ) بمفهوم العميل .. يعني موقعك .. مواعيد عملك يجب ان تتماشى مع احتياجاتهم .. فأحنا نشتري من البقالة اللي توصل لنا بخدمة 24 ساعه فاتحه أكثر من اللي توصل لوقت معين من اليوم وتقفل ..

تدريب الكادر العامل لهدف ارضاء العميل والحرص على جعلهم يعودون ..

فيه 4 حركات في التسوق

- منتج مألوف للعملاء القدامى .. وهو أقل مخاطرة
- منتج حديث للعملاء القدامى
- منج حديث للعملاء الجدد
- منتج قديم للعملاء الجدد وهو أكثر مخاطرة
ففتحي عينك زيييييين

وحطي لك عميل نموذجي أكتبي صفاته واذا صادفتيه تعرفين كيف تتعاملين معه ..


نجي لخطة التسويق اللي بتصلحينها راح تتعرفين أكثر على
- العملاء
-مزايا الخدمة ( المنتج )
- المبيعات والتوزيع
- المنافسه
-الوضع والدعاية والترويج
-التسعير
-الاهداف والمميزات
- الاستراتيجيات


وراح اشرحها لكم المرة الجاية لأني تعبت من الجلسة ولازم انام
سامحوني على التقصييير
ومره ثانية شكرا لكل من رد أو ساهم في معلومة أو أطلع على الموضوع شكرا لمروركم ووفقنا الله جميعا
وبارك لنا في رزقنا وفتح لنا وبنا أبواب الخير آميييييين


اتحفونا بردودك ومقترحاتكم وتفاعلكم

جزاك الله كل خير يافوتشيني

لك منا كل الدعوات ربي يوفقك ويسعدك ويقومك بالسلامه يارب

لا عاد




وخروووووووووووووووووا عني بجد




تستاهلي بوســــــــــــــــــــه كبيــــــــــــــــره قوي قوي



راســــــك راســـــك


اموووووووووووووووه




روحي يا فوتشيني يا بنت ام فوتشيني الله يوفقك ويرزقك من حيث لا تحتسبي
قولن ااااامين يا بنات





بجيب ورقتي وقلمي وانبطح قدام النت انتظر التكمله :p