مرحباً أخواتي..
أحييكن بتحيّة أهل الجنة..
.
السلام عليكن و رحمة الله و بركاته..
بالمناسبة.!
هذا الحلى..بالمرة رايق...و بالمرة راقي...و بالمرة رهيب..و عن جد مررررة سهل...
طيب!
قبل ما نبدأ المقادير و الطريقة ..حبيت أقولكم إن هالحلى أخذته من نور عيوني .أمي الغالية عسى ربي يخليها لنا..و يطول بعمرها على طاعته ...و يقر عيونها بي و بأخواني...قولوا آميين...
و اللي بدورها أخذته من أختي..المدمنة ع النت... و الحمد لله أخيرا ..استفدنا منها و أعطتنا هالحلى الاممم و اليمي ...:27:
المقادير:
كأس سميد
كأس جوز الهند..
كأس حليب بودرة..
كلهم ينحمسون ع النار بقدر...لحدّ ما يصيرون شقر...يا عيني ع الشقار ..أموت فيه ..<<سعودية أختكم :27:
طيّب..!
بعدين يضاف:
علبة قشطة
و
كأس سكر مطحون..
و اعجنيهم سوى...و بتتكون عندك عجينة ..افرديها ع البايركس..
و بعدين ..جيبي كأس الخلاط و ضعي علبة كبيرة نستلة مركز و محلى + 8 حبات جبن كيري+ ملعقة كبيرة شوكلاتة بودرة مرة + ملعقة صغيرة نسكافيه...
بعد كذا اسكبي الخليط ع الموجود بالصينية البايركس..
و دخليه الفرن من فوق بس على نار هادئة لمدة ربع ساعة .و انتبي يتحمر...و لما تعدي الربع ساعة اخرجيه من الفن ..و شخبطي بالهيرشي الشوكلاته..و بالثلاجة..
واستروا ما واجهتوا من الشخاابيط :35:
وقطعوه وحطوه في أوراق بليسيه وقدموه مع القهوة واحمدوا الله واشكروه ..
