السلام عليكم ورحمة الله وبركاته
المسافرة ورقيقةmIss_chef وام علا الله يعطيكم العافيه أنا متابعتكم ومتابعه الأطباق الي جربتوها وكانت بالفعل طعمه الله يجزاكم عني خير الجزاء انتم والي منزلينها وهذا مني لكم:26: :26: :26: :26:
لكن في الاواني الاخيره لاحظه انكم تكاسلتوا مدري وش الي حاصل اتمنى ترجعوا مثل اول وافضل
وانا في انتظارالي جربتوه ولاتتاخري يارقيقه :26: :26: :26:
وشكرا لكم

أهلين غيمة أمل
ياعمري والله إني تعبانة هالأيام وماعندي خادمة وحالتي حالة من جذي تلاقيني يادوب بالأسبوع أجرب وصفة أو وصفتين مو أكثر بس هذي بعض التجارب خلال الاسبوعين اللي فاتوا :

هذا الشاينيز رايس (العيش الصيني ) يهبل بصراحة .... لذيــــــــــــــــــــــــذ بس غيرت فيه وكاتبته في ردي في الملف
http://forum.hawaaworld.com/showthread.php?s=&threadid=175443

وهذا أحلى قرص عقيلي جربته في حياتي (حلوة هذي في حياتي :)
http://forum.hawaaworld.com/showthread.php?s=&threadid=171780

وجربت الدياي اللي كاتبته مس شيف .. عن طريق المسافرة يزاها خير .. بصراحة صج توب ولذيذ .. وسويته بعزومة بعد الكل سألني عنه وخذوا الطريقة مني ...

بالنسبة للشيز كيك اللي قلت راح اجربها في العزومة كان مصيرها الزبالة وإنت بكرامة لأنها نهائيا ماضبطت وياي ..

ممكن أسألك يا رقيقة عن أي شيز كيك تتكلمين؟؟
لأني ناوية أسوي شيز كيك الشكولاتة لغنادير..لكن كلامك خوفني..
ممكن توضحين ليه ما ضبط معك؟؟..اذامافيه كلافه..

هلا والله بغيمة أمل وكل الحلوات هنه..

مشكورة عزيزتي انج متابعتنا.. ومثل ماقلتي قلت تجاربنا.. والسبب انه………

رقيقة ماعندها شغالة ألحين وهايصة ولايصة بروحها بالبيت.. وتداوم بعد.. والله يعطيها العافية الصراحة دوام وبيت ومسؤولية زوج وبنت.. والله يرزقها كل خير ان شالله..

أنا ( وأعوذ بالله من هالكلمة ) حامل وعاد ألحين شوية وبدش شهري وثقلانه وايد.. مع انه لو تشوفين مكتبي عليه شكثر وصفات.. بس المشكلة اني كسلانه والوقفة بصراحة ماقدرلها وايد.. بس ان شالله بسوي أشياء يديدة وبخبركم عليها أول بأول..

عاد الباقين مادري شو ظروفهم بس ان شالله خير..

يالله خبرينا عنج وعن تجاربج.. وهمتج ويانا بالنتايج الحلوة.. ويزاكم الله خير..

أهلين بالعفة
إي هذا الشيز كيك اللي أقصده ... بصراحة توهقت يوم العزومة وكنت معتمدة عليه 100% وأشوه إني سويته من باليل علشان اليوم الثاني يكون جامد ... يعني لو نفس اليوم جان صج توهقت عدل مدل ..... الله يسلمج القاعدة كانت متماسكة وحلوة ولذيذة .. وإنشاءاللله بعتمدها للشيز كيك لأنها طرية وهذا اللي عجبني فيها .. المشكلة في الطبقة الثانية حيل سايلة ... ولو إن غنادير قالت إذا حسيتيها سايلة ضيفي لها جبن كريمي .. آنا حطيت علبة كبيرة فيلادلفيا وكانت كلش ماي .. وقمت وحطيت كيري وحدة ورى الثانية وأخلط وأشوف ليما ماوصل عددهم 8 وماكو فايدة سايلة حدها قمت وحطيت كريم كراميل علشان تتماسك على الاقل في الثلاجة ... بس بعدين لمن ضقت الطعم حسيتها كلها جبن من كثر ماحطيت .. عاد على طول قطيتها بالزبالة وإنت بكرامة وياحرام على الخساير اللي خسرتها في هالوصفة ... على العموم ثاني مرة ماني مجربة إلا وآنا واثقة مليون بالمية مو 100% ...

المسافرة
تسلمين ياعمري على توضيح ظروفي والله يكون في عون الجميع .. ويقومج بالسلامة آمين ..