ايوه تريها تجنن الحركه خالتي مسويتها عشان جارتها اذا جاوها الصاله ثلاث جدران جلسه عربي وجدار كنب ونفس القمااااش
أخت تحفة الله يجزاك الجنة أفكارك حلوة خاصة الأولى والكنب البني مع الأزرق ماقصرتي أنتي وجميع الأخوات ألي أبدو ا رايهم وساعدوني ولاقصروا وجميع الأراء جميلة وتساعد في تكوين الفكرة.
الصفحة الأخيرة
عندي لك كم صورة بتوحي لك طريقة إختيار الألوان بحيث يكون بين الجلسة والكنب إنسجام ..
شوفي كيف دمجوا بين هالألوان .. هي أصلا متناسقة ..
أنت بإمكانك تحطين الكنب مشجر بلونين وبلون أرضية القماش تحطين لو الجلسة سادة ..
وتدخلين لون ثالث على الأثنين كخداديات على الكنب وكــ زيق على أطراف الجلسة أو التكايات
مثل البرتقالي اللى على أطراف الكنب الأبيض في الصورة
ممكن تختارين نفس هالألوان اللي في الصورة وممكن ألوان ثانية بس على نفس النمط أو الطريقة .
شوفي هنا اللونين الأزرق والرمادي الفاتح .. حلوين مع بعض .. ممكن تحطين الجلسة رمادي والكنب أزرق ..
وتخلين الخداديات على الكنب دامجة بين اللونين الأزرق والرمادي ..
و لا تحطين التكايات في الجلسة بنفس ألوان الخداديات سويها بلون مثلا أزرق مع برتقالي أو برتقالي بس ..
شوفي كيف هالألوان الثلاثة صايرة ع بعض في الصورة اللي تحت
شوفي الصورة اللي تحت ... لو سويتي الكنب لون سادة والجلسة مشجرة بألوان فيها اللون السادة حق الكنب
وخليتي خدادايات الكنب بألوان تجمع ألوان الجلسة .. والسادة الكنب .. وممكن من نفس قماش الجلسة تسوين خداديات للكنب
شوفي تحت كيف اللونين البني والأزرق حلوين مع بعض ..
لو سويتي الجلسة بني والكنب أزرق أو العكس وأضفتي على الأثنين أصفر مثل درجة الفازات اللي على الطاولة اللي ورى الكنب ..
مو شرط تختارين هالألوان اللي في الصور ... ممكن تدخلين أي ألوان ثانية على بعض المهم تكون منسجمة مع بعض
لكن أنا نزلت لك الصور عشان أقرب لك الفكرة .. وبكذا بتخلين الجلسة منسجمة مع الكنب مع الإختلاف الكلي بينهم في الموديل ..
لكن ضروري الكنب ما يكون كلاسيكي مذهب أو شيء متكلف عشان يمشي مع بساطة الجلسة ..
وعندي لك موديل كنب موديرن حلو وجديد أظنه من تصميم روش بوبوا ..
لو حبيتي تسوينه كجلسة إلا انك تزيدين إنخفاضه .. عشان يعطي جلستك شوي عصرية تتماشى مع الكنب ..
هو حلو ككنب بعد لكن ماراح يصلح للكبار في السن لأنه منخفض فبيتعبهم في القعدة وماراح يعينهم على القومة بسهولة يعني بيحسون انهم متعلقين فيه ..