يعطيكم العافية يابنات الصراحة كل وحدة منكم اقتراحها حلو وما قصرتوا و ان شاء الله احاول اطبقها في اسرع وقت

حددي مشكلتك ياغاليتي

انتي تبينها تطلع من غرفتها؟!

او تبينها تتعلم الطبخ؟؟

اذا تبينها تطلع من غرفتها اذن شي طبيعي ماهو الطبخ اللي بيغريها عشان تطلع من الغرفه
لكن صادقيها وتقربي منها وسولفي معها
اطرقي بابها كل يوم واجلسي عندها بالغرفه وشاركيها بعض الامور البسيطه
ااذا كنتي رايحه لعزيمه او جمعه استشيريها في اللبس والمكياج
سوي لها حفلات في المناسبات المختلفه وخليها تعزم صديقاتها
تعرفي على امهات صديقاتها وتبادلو معهم الزيارات
جيبيلها هدايا من فتره لفتره ولو كانت اشياء بسيطه
تكلمي معها في الامور الخاصه بالبنات
اذا كانت بالغه مثلا تكلمي معها عن الالام اللي تجيها وقت الدوره
او عن المشروبات والمأكولات اللي تخفف الم الدوره
تكلمي معها عن الموضه والمكياج واللبس
شاركيها في الكثير من الاشياء
مثلا قوليلها تعالي اعملك مكياج او اسوي لك تسريحه حلوه
وخليها هي تسوي معك نفس الشي
وريها مواضيع في النت وناقشيها فيها
ومع الايام راح تلقي شخصيتها اختلف واصبحت تشاركك كل شي
وهي بخاطرها راح تدخل المطبخ وراك وتتعلم منك
صدقيني انا اعرف شعور بنتك في هالوقت
وحيده تحس انو مافي احد فاهمها او يشاركها شي
والمؤلم اكثر احساسها انو انتي تبي تطلعيها من الوحده بس عشان تتعلم تتطبخ مو عشان شي ثاني