اختي معظم الزيوت من اول استخدام ما تجيب نتيجة
يعني يبي لها صبر شوي

حطي الزيت على الجذور وسوي لها تدليك خفيف بأطراف الأصابع مو بقوة عشان مايطيح شعرها
ولما تخلصي من تدليك الفروة حطي لها القبعة البلاستيك
وبعدي ساعتين غسلي شعرها بشامبو مناسب للشعر الجاف
وحبذا لو يكون على بيض >>> لأن البيض مثالي للشعر الجاف والمتقصف

ولما تخلصي من غسل شعرها استخدمي لها حمام زيت على ثوم او جرجير >>> احسن شي للشعر الجاف
خلي حمام الزيت على شعرها مدة 10 دقايق بس
وبعدين غسليه بماي موب ساخن,,, والحين الجو صار حار يعني استخدمي ماي عادي

ولما تسرحي شعرها حطي لها زيت خفيف وعادي
مثلا صانسيلك مزيج 7 زيوت او هيملايا او بديل الزيت من بانتين
ولا تردين تغسلينه بعد ماتحطي لها الزيت لأنه بيجففه مرة ثانية

وداومي على هالطريقة وبتشوفين شعرها تحسن
والله انا استعمل هالطريقة لشعري واحسه صار أحسن من قبل
حطي لها زيت هميتاج مرتين او ثلاث مرات في الأسبوع

والشعر لازم يظل فيه زيت خفيف
يعني مو تخلينه جاف ,,, خاصة للشعر القاسي والجاف

تحيـــــ دمـعـة ــــاتي

مشكورين الله يطول باعماركم

اختي دمعه راح امشي على طريقتش واشوف يمكن ينفع معاها

انا مثلك اول مااستعملته جفف شعري الا قولي يبسه
مع اني شعري ناعم ونفس الشعره عاديه موسميكه
بس مع ذالك استمريت عليه ومااخليه بشعري اكثر من 4 ساعات
وبعد مااغسله احطه عليه بلسم مخفف بمويه وعلطول اغسله مااجلس فيه ولا نص دقيقه لي اكثر من 3 اسابيع وتوي ابداء اشوف اشوف النعومه الي يقولن عليه البنات
ان شاءالله مع الاستمرار تبين مع بنتك

بالعكس انا خلى شعري حريييييييييير
لكن احس شعري ماعاد به اسود زي اول مدري منه مدري من ايش

انا استخدمت هاميتاج بس من اسبوع ولاحظت ان شعري جف وكمان تساقط
بس بكمل شهر واشوف لو بستمر التساقط والجفاف ببطل

مشكوره اختي نوف فارس ردك شجعني