حفرت الكوسه ويش ممكن اسوي باللي طلعته

حبيبتي لاترمينة سوي منة الشطة اللي باللب الكوسة تراها لذيذة اتمنى اكون افدك

ممكن تسوين بالباقي شربة خضار مسلوقة وبعدين تضربيها بالخلاط مع ضروف الماجي الخصصة للشربة

انا احط اللي داخل الكوسا والبطاطس في القد مع المحشي يطلع مره لزيز ويثقل الصوص

انا اسوي منه عجه بالبيض
هاتي اللب وحطي عليه بيضتين وشوية بصل اخضر او احمر وبقدونس وشوي طحين وملح واعجنيه خليه سايل شوي وبعدين صبيه بالتاوه ويكون فيها شوي زيت واكلي احلى عجه بالكوسه !!!

او خذي اللب وسوي منه صالونه عادي يعني حطي له بصل وطمام وصلصه وفلفل واجي وسويه صالونه
او سويه بالشوربه مثل ما قالو لك الخوات

في اشياء وايد تسوينها من اللب جربي اليوم سوي عجة البيض للعشا

احنا يا شوربة أو نحطة مع الشكشوكة .. نحمسه مع البصل وبعدها الطماط وبعدها البيض :)