هذي طريقتي معتمدتها وما احب اغيرها لانها الوحيده اللي عجبتني
قبل البدء في الخطوات اعصري ليمونه في كوب واضيفي له ماء حسب الكميه اللي بتعمليها مثلا كوبين الرز نصف كوب ليمون واذا تحبيه يكون اكثر على كيفك زيدي الكميه وضعي ثوم مفروم او مقطع ناعم جدا يعطي نكهه للكشري خطيره
اولا: نسلق عدس اسمر ويكون العدس نصف كمية الرز مثلا بتطبخين كاستين رز العدس يكون كاسه ان شاء الله فهمتي علي
وبعدين نكشن بصل ونضع عليه العدس اللي سلقناه من دون ماء ونضع عليه البهارات تتكون من ملح وفلفل اسود وكركم فقط
ثانيا: نحمس شعريه وبعدين نضيف لها الماء و الرز ونسلقه ونضيف له شوي ملح وزيت
ثالثا: اسلقي نوعين مكرونه من اللي عندك في البيت وايضا ضعي قليل من الزيت والملح
رابعا:اقلي شرايح بصل للزينه
طبعا الخطوات الثلاث ماراح تاخذ منك وقت لانك تعمليها مع بعض وتسلقيها في نفس الوقت
نجي للترتيب
نحضر صينيه بايركس ونضع الرز طبقه اولى ونضغط عليه ضغط خفيف عشان يتساوى ثم نضع فوق الرز المكرونه طبقه ثانيه ثم نضع العدس طبقه اخيره ثم نرش عليها عصير الليمون بعد تصفيته من الثوم على كامل الصينيه ثم ادخليعليها الفرن واشعلي عليها النار من تحت لمدة 5 دقايق تقريبا اخرجيها وزينيها بالبصل المقلي
تراها اسهل بكثير من الطريقه لاني كاتبتها لك بالتفصيل واذا عملتيها وعجبتك خبريني بالنتايج
هذي طريقتي معتمدتها وما احب اغيرها لانها الوحيده اللي عجبتني
قبل البدء في الخطوات اعصري ليمونه...
والله استفدنا كذا طريقه للكشري
جزى الله كل من افادتنا وغفر لها ولوالديها:)
وان شاء الله ابجربها كلها