اتوقع ما قالت لك إلا إذا شافت بنات قبل كذا عملوا
تخيلي مره اندونيسيه قالت انتم تتغطون وتتحجبون عشان تخافون من الملك حقككم قلت لها ليش ؟ قالت انتم لما تسافرون برا اكثركم يشيلون الغطاء والله ما رديت عليها لانه فعلا بناتنا هم اللي اعطوهم هذي النظره عننا
تخيلي مره جارتي راحت تتمشي لقيت سعوديه مو متغطيه وجارتي ماشاء الله متغطيه قالت الحرمه لجارتي انت كم عمرك قالت جارتي 19 سنه قالت حرام عليك انتِ مره صغيره والله اتوقعتك في الثلاثين وجلست تقولها شكل زوجك مره ملتزم ومعقد وحارمك الحريه تخيلي بس يعني والله اقوي من ابليس اعوذبالله من الشيطان الرجيم انا اتوقع لو يقولون في السعوديه كل وحده على كيفها حتى الاهل مالهم دخل فيها والله اغلب البنات راح يشيلون الغطاء لان احس اغلبهم يخافون من اخوانهم او اهلهم بس .
لكن ما اقول إلا الله يهدينا واياهم ويسترنا يارب ويجعلنا متمسكين بحجابنا وين ماكنا .

والله ماقالتلك هالكلام إلا لأنها شافت بنات كانوا متغطين وتدريجيا شالوا الغطاء ولبسوا البنطلون
من تجربه شخصيه راح أقولك إني لما كنت بالمعهد كانوا معاي سعوديات بالبناطيل الضييييقه والبلايز
والطرحه يدوب تغطي الشعر وغالبا مايلبسون هات ويدسون الشعر تحته // مدري وش هالبهذله
المهم انهم مقتنعين ويقولون الإسلام مايوجب العبايه والغطاء ومانختلف في الغطاء لأنه فعلا مختلف فيه
بس اللي يقهر إنهم يعطون فكره غلط عن الإسلام بس عشان محد يحرج حضراتهم
أنا ودي إن هالأشكال مايفتون ويعطون معلومات غلط للغرب لأن الفكره خلاص ترسخ ببال الأجانب
ويقولون وش هالدين المتناقض الله يهديهم بس ويثبتهم على الدين الحق

انا ماالوم الاجانب ومالومها لقالت كذا

يمكن مرت عليها عربيه سواء خليجيه او غيرها منقبه وبعبايه

وتمر عليها ملثمه وبنطلون جينز

وتمر عليها محجبه ولابسه عبايه

ومحجبه ببلوزه طويله ووبنطلون

ومحجبه باايشارب وتنوره قصير والشعر اغلبه برى

وتمر عليها الغير محجبه وكل وحده بتقولها انه هذا ديني والاسلام مايعارض حجابي
علشان كذا ياحلوووه طنشي ومو مهم رايها فيك انتي بتقنعينها وغيرك يبي يقنعها بالي هو يشوووفه صح
والله يثبتك ويثبتنا ولا يفتنا ..

اكيد شافت قبل كذا وانتي ماعليك منها

طنشيها ترفع الظغط

وش هالعجوز البجحه؟!
بالعاده يسألون عشان يشبعون فضولهم بدون تجريح و استهزاء!!!
ما تنعطى وجه!
الله يثبتك حبيبتي و ياجرك على مقابلة هالاشكال