ربنا يخليكي يادون اه هي دي الطريقة الي كنت بسال عليها بس لو فيها غلاسةكنت عايزة اعرف طريقة الخلي كمان وشكرا

ازيك يا دندون وحشتينى لو ممكن يا دون طريقة الكنافة بالموز

mmmmmmmm

ازيك يا ساسا ؟؟ انتى عايزة انهى كنافة بالموز؟؟؟؟ طيب عموما انا بعملها ب 3 طرق يا ساسا وال3 بصراحة احلى احلى من بعض
الاولى يا ساسا بعملها عادى بنفس طريقة صينية الكنافة بالمكسرات يعنى بتقصقصى الكنافة وبتفركيها كويس قوى بالسمنة وبعدين بتحطى نص كمية الكنافة عادى فى الصينية وبعدين تقطعى اصابع الموز بالطول بالسكينة و ترصصى الاصابع على الكنافة ويا اما ترشى رشة خفيفة سكر بودرة عليها او ممكن تحطى حاجة بسيطة من القشطة (من العلبة مباشرة ) وتروحى حطة باقى كمية الكنافة وتضغطى عليها وتحطى السمنة السايحة على الوش وتدخليها الفرن عادى ولما تطلع تسقيها بالشراب البارد وبالهنا والشفا

الطريقة التانية
بتشترى الكنافة البرمة او بيسموها الطرح وتحطى امامك خصلة طويلة من الكنافة وتدهنيها دهنة سمنة خفيفة بالفرشاة وتكونى مقطعه صباع الموز بالعرض يعنى تقسمى صباع الموز نصين بالعرض وتروحى حطة نص الموزة على طرف خصلة الكنافة وتلفيه زى الصابع يادوب لفيتين وتقطعى باقى الخصله بالسكينة وهكذا وتدهنى صينية بالسمنة وتلرصصى اصابع الكنافة بجانب بعض فى الصينية وترشى سمنة على الوش وعادى تدخليها الفرن لحد ماتحمر وبرضة تسقيها بالشيرة لما تطلع

الطريقة التالتة
تفرمى الكنافة ناعم قوى يا ساسا وبعدين تحطى فى حلة سمنة كتيرة وتحمرى الكنافة كويس قوى لخد ما لونها يحمر او يبقى دهبى غامق وبعدين تحطيها فى مصفاة علشان تنزلى كل كمية السمنة اللى فيها وبعدين تحطى الكنافة فى طبق التقديم على هيئة هرم وتحطى عليها الشيرة بالمعلقة وترصصى قطع الموز على الهرم وبعدين تعملى بالكريم شانتى خطوط بالطول على الهرم وبتبقى فى منتهى الجمال ودة اكتر نوع انا بحبه جدا ودايما اعمله للضيوف

ساسا دول ياحبيبتى الطرق اللى بعملها بالموز لو انتى تقصدى طريقة غيرهم اوصفيهالى بالراحة وانا تحت امرك فى اى سؤال وبالهنا والشفا

حاضر من عنيا حنزلهالك دلوقتى او بعد الفطار لانى دخلت الملف لقيت الصور بتاعه الخلى كلها اختفت للاسف فححملها لك تانى كلها