تدرون ويش صارلي هذا الاسبوع .... احس نفسي كبرت 10 سنوات بسبب الفاجعة اللي صارتلي .
القصة ان بنتي يوم الاربعا صار عندها مغص وسخونة ...طبعا تدرون جو جدة هاليومين كيف صاير !!!!!!!
اخذتها المستشفى السعودي الالماني ... شافها طبيب الباطنة .... اتفلسف وقال لازم تاخذ محلول لانها ضعيفة .
( صورة اخوها يمازحها قبل المحلول الخاطئ )
واول ماحطولها المحلول قامت بنتي تشتكي من شئ غريب في العمود الفقري والسيستر ماردت .
رجعت بنتي اشتكت ان في اجزاء من جسمها اتحس ببرودة واجزاء اخرى اتحس بسخونة .... طبعا السيستر ماترد
الا لقيت بنتي اطراف جسمها كله يتحرك لاارادي .....والغريب انها ماتحس بهذه الحركات ...
يعني ايدينها قاعدة تتحرك للاعلى وتنزل ، ورجلها تتحرك كانها تلعب كورة ... واكتافها بعد تهز كانها تترقص .
وهذا كله والسيستر ماهتمت ... والا امرتها تسحب المغذي وسحبته بسرعة وقالت انا تاخرت .... وتركتني وراحت
والا القى جسم ينتي كله يتنافض حتى العمود الفقري
سحبتها بنفسي انا واخوها والسايق على الطوارئ
في هذه الاثناء دقيت على بنات وعيال عمي اللي في مجال الطب استشيرهم قالولي فيه غلط في المحلول ولازم على الفور يجي دكتور الاعصاب ....
طبعا طوارئ الالماني غاية في البرود مافي حسن تصرف ولا سرعة اسعاف ...
اول مادخلت الطوارئ قلت بسرعة الحقوني بدكتور ايمن حق الاعصاب ودكتور الباطنة اللي كتب المحلول ,,,, مارضيوا .... قالوا حنا بنشوفها ...
والا لقيتهم جايبيلي اطباء صراحة اشكالهم كانهم في سوق الخضار.رفضوا يجيبولي اللي انا طلبتهم
بس بصرخة واحدة من سايقي والزمهم اما يطيعونا ويجيبولنا الاطباء اللي نبيهم او الزامي يشيلوا البنت باسعافهم لمستشفى اخر . طبعا رفضوا لأنهم في هذه الحالة لازم يرفقوا معانا تقرير بحالتها ... تخيلوا جسم بنتي مستمر بالتشنج والحركات اللاارادية ولا وقف ... كل ثلث ساعة يعطوها ابر كرتزون ومنوم
ولاحضرة دكتور الباطنة ( محمود عبدالعزيز ) جاي يصرخ بكل وقاحة ويقولي انا عملت ايه ؟؟؟ محلول كل العالم بياخذه .ماعملتش حاجة
يوم لقوا السالفة فيها تحقيق الا يجيبولي دكتور نفسي ويحاولوا يقنعوني ان بنتي فيها حالة نفسية ... طبعا ماصدقت .
بعدها حاولوا يقنعوني انها قاعدة تتصنع ومافيها شي هروب من الامتحانات . طبعا رفضت بشدة لأن بنتي ماهي كسولة واتحب المدرسة وماتحب الغياب لأنها 3متوسط وحريصة ان درجاتها ماتنقص
ويوم شافوا المسألة بدت تكبر واتصالات من قرايبي الاطباء يستفسروا عن هذا المحلول .... وتحقيق من قبل ارامكو ... وهددتهم ان ماصار تشخيص صحيح وسليم باكر راح يكون عندهم وزارة الصحة وعلى راسهم دكتور الربيعة وهم اللي راح يشخصوا البنت .
(ومن وقاحتهم طلبوا مني اخرج من المستشفى وبتقرير حالة نفسية وليس بتقرير خطأ طبي او خطأ في المحلول .... رفضت )
صراحة حسيت اني بين نصابين
تخيلوا اكلم صاحب المستشفى المهندس صبحي بترجي يصرخ علي ويعصب ( صار العكس !!!! ) ،،، ويرسللي صحن فيه 3برتقالات و3تفاحات وموزتين في صحن بلاستيك وعليه سولفان ويقولي ويش تبغي بعد انا وصيت عليكم
يعني فعلا مهزلة .... بغى يضيع حياة بنتي مقابل برتقال وتفاح وموز.... حسبنا الله ونعم الوكيل
طبعا خافوا .... وصار بعدها تشخيص بجد .. جابولي دكتور ايمن اخيرا لأني طلبته مارضوا يجيبوه بحجة انه مسافر ومشغول ( طبعا ايمن افضل دكتور اعصاب في جدة لكن للاسف يشتغل في الالماني ) وشخص البنت وكتب تقريره ان البنت تأثرت بالمحلول .... وفهمني ان الغلطة هذه صارت لأن البنت كانت درجة حرارتها 40 وماكان المفروض انها تاخذ المحلول ودرجة حرارتها مرتفعة .
ِويوم لقيت بنتي الحمدلله صارت تمشي اخذتها ورجعنا بيتنا . بس يارب تتعالج تمام لأنها صارت تعاني من حركات لاارادية في الاطراف سواء نايمة او صاحية . راح ابدأ اعرضها على اطباء في مستشفيات اخرى وباذن الله تتعافى تمام ... دعواتكم
طيب ..وبعدين مع الأخطاء الطبية اللي مالها نهاية ؟!!!
عموماً الحمدلله على سلامة بنتك والله يتمم عليها بالشفاء التام والحمدلله اللي جت على كذا .