أكتب لكم فالوقت الضائع.........!

بسم الله الرحمن الرحيم

تزوجت وأنا مقتنعه بزوجي هو من الأهل, شافني انعجب فيني ومات وراي بس أرضى فيه ك زوج...!

المهم وافقت... بعد الخطبه قااااام وقوم الدنيا بس علشان يكلمني في التلفوان...! الشي هذا عادي عند أغلب الناس بس أنا كنت ضد الفكره هاذي...
المهم قمت أكلمه فالشهر يادووووب مره "نحاسه" البعض بيقول بس شو أسوي هذا طبعي... مع ان أهلي ما يعترضون وفالايام هاذي ما كان عندي موبايل مثل كل البنات وبعد الخطوبه قام ابوي وامي يقولولي نطلعلك تلفون خاص بج ورفضت..... طولتها وهي قصيره المهم بعد الملكه غصبني زوجي أطلع موبايل وأكلمه,, ابتدت قصص الحب والخيال اللي أكثركم مر فيها,, وبنسافر شهر العسل وبنتزلج وبنكون أسعد اثنين بهالوجود...اتعلق قلبي به كان الحب الاول اللي يعرفه قلبي...

بعد الزواج وفي ليلة الدخلة في أفخم فنادق الدوله, كان ماخذ جناح ملكي فيه (غرفتين)! كنت واااااايد تعبانه هاذاك اليوم ونمت بدون ما أحس بنفسي بعد ما تعشينا, الحبيب راح الغرفه الثانيه وناااااام...!
طبعآ أنا لسه عروس أستحي أتكلم...
طلعنا ورحنا الفيلا الفخمه اللي في أرقى منطقه عندنا,,نام عندي يومين وقالي كل حد من اليوم ينام في غرفه لحاله...!
والله يابنات الفيلا الطويله العريضه مافيها غيري انا وهو والخادمه تحت, والحارس برا...!
طب لييييش هذا مزاجي,,أول ما طلع سكت وحاولت أنام والله بصعوبه نمت لاني كنت أنتظره يدخل علي بأي وقت...! من التعب نمت.. صحيت ما لقيته جنبي.
المهم قلت في نفسي يمكن أنا قلت شي وطوفت الليله.. ثاني يوم نفس الكلام,, قلتله وقف حدك أنا بالعافيه قدرت أنام أمس, وقبل لاتاخذني عندي غرفه في بيت هلي,,
طلع ماهتم من كلامي,,هو طلع مني وأنا اتصلت بالوالدة قلتلها طرشيلي الدريول بعد ما يصلي الفجر أنا راجعه,,ليش يلبنتي رب ما شر شو الحاصل,,قلتلها بعدين المهم اذا مالقيت الدريول موجود الصبح بتصل في حد من اخواني يجي ياخذني,, كان زوجي يسمعني شاف شخصيتي مو ضعيفه مثل ما رسم في خياله,, رجع دخل الغرفه ولا كأنه شي حصل..
انتي صدقتي انتي حبيبتي بس كنت ابا أقيس نبضج وكييييييف قدرتي تنامين البارحه...والكلام اللي بالي بالكم...
المهم بعدها بفتره سافرنا شهر العسل دوله اوروبيا ولحظي أكثر اهلي كانو موجودين هناك (كان صيف) ,,المهم خذنا شقه ومعانا (خدامه)!! أول الليل الريال ما رد تالي الليل بعده,,المهم بات برا الشقه فالفندق مثل ما قالي الاخ المحترم...
يوم.. يومين....أسبوع,,وكل يوم حد من اهلي يجي يباركلي والريال مب موجود...! لدرجة يجون عندي ريايل عيال خالي وعيال عمي وين فلان ألحين راد,,,أتصل به يقولي مشغول عندي شغل اتصرفي عندج الخدامه...
بعد ما طلعو اتصلت به كالعاده تلفونه مغلق,,طلعت رقم الفندق من كتاب الدليل,, واتذكر رقم الغرفه لاني سكنت عنده يوم قبل ما ينقلني الشقه...
رد عليه زوجي المصووون,,اسغرب, قلت له الحمدالله اني أعرف انجليزي وقدرت أظهر الرقم من الدليل,,تصورو شو قال:((شو في خاطرج شي قاصرنج,,محتاجه شي)) حسسني اني شحاته يابنات مب حرمته..
قلت له نعم شي في خاطريه ((أبا لوسمحت جوازي والتذكره))!!
ليييش حد زعلج حد ضايقج,,تراج يالسه معززه مكرمه عندج الخدامه والدريول وين ماتبين سيري ما أمنعج...!
قلت له الغالي أنا أشرفلي أكون في داري وانت ساكن في فندق,,ولا اني اكون عروس في شقه وريلي عدالي متعزب في فندق,,والمشكله الدار هاذي فيها هليه وكل يوم حد يتخبرني عنك,,ويهي احترق ماعرف أرد عليهم...
المهم لف سامانه من الفندق وسوا شك آوت,,,وياني الشقه,, قام شويسويبي كل يوم متابعين فلم, ليييين ماتسكر المراكز وتظلم الدار,,تلبس بو الشباب وظهر عند ربعه...!
المهم رجعنا البلاد......
وحملت بأول طفل وياكم فرحنا...يوم وصلت الشهر السادس قمت أشوف الريال بعده على اهماله لي ولا بزياده...
ما أكذب عليكم لاول مره أتجرأ وأمسك تلفونه,,,صور وصخه بشعه ما تحملتها,,وصور بنات ومسجات مب وحدة لا كم وحدة...!
ضربني فضول وفتحت التلفون الدولي اللي كان يستخدمه في شه العسل,,وحدة من البلاد تقوله صباح الخير كلمني أول ما تصحى ونفس الرقم تقوله تصبح على خير أمممممممموه...! ((وأنا في الشقه وهو فالفنق))...!
والثانيه تقوله حبيبي انزل أنا فالوبي أبغي أشوفك قبل لا سافر بكره فرنسا..

تتوقعون شو سويييت...؟

قلت في نفسي أنا مقصره ولازم أعدل من نفسي يمكن انا اللي خليته يروح لغيري...!
والله يا بنات استوييييت الخدامه اللي ماتنام الا بعد مايرجع الفجر, واصحى قبله اسويله الفطور وأنا حامل وتعبانه...ومثلكم عارف أول حمل والشه السادس داخله السابع...
ولا في فايده.....
قلت مافي غير المواجهه...
انصدم.....
قلت له ياحياتي اذا انت حد تحبه واهلك اجبروك تاخذني انا مستعده اخطبها لك..

توقعوا شو قال......؟

نعم احب ومغصوب عليج, واذا ما دلين بيت أهلج أراويج دربه...
لفيت أغراضي وأنا في شهري السابع وصدمته بعدم وجودي أول ما صحى من النوم.
ماكان متوقع زوجته وخاصه انها حامل تطلع زعلانه((في باله بغازل قدام عينها اتشوف وتاكل تبن...

المهم ما أنكر هو حاول يكلمني وكلم اخواني بس بدون فايده لاني قلتلهم ماحد يدخل في حياتي..

جت موعد الولاده قبل ب 15 يوم يعني مش حاط في باله أولد قبل موعدي ,, وتخيلو عروس في السنه الاولى من زواجها وأول طفل وفرحه وزوجي مب جنبي,, كان كل مايجيني الطلق وأحس بالموت أذكر كلامه....
ولدة الساعة 1 فليل لقيته بعد نص ساعة على راسي يشوف ولده...
حاول يراضيني بس ما قدرت أتكلم 3 شهور وأنا عند أهلي ماهان عليك توصل,,يوم كسرت عمرك قمت تتصل مني وهناك...

تعبت بنات بكمل قصتي بعد شو,, بس الله يخليكم لا تحرموني دعواتكم,, ورايكم بكل صراحه وبدون مجاملات..
أنا سهرانه اليوم قبل الصبح بكتب لكم مأساتي..